JUAN 18:33 - Wanaadi A'deddu

³³ Yää ’jeje Pidaato cönoomomöi chea acu’shänä ewöötö taca. Töwö Jesuuquidiito töwwadäädä cöna’dejjai; cönä’döaacä chäwwä: —¿Judhío Cajiichaanaichomo amäädä? quee.

JUAN 18:33 ပူးပေါင်းရင်းမြစ်များ

MATEO 27:11

Yaawä Jesuuquidiito cönä’jaacä acu’shänä je’taca. Ñäädä cöneecamma’joi: —Judhío cajiichaanaichomo amäädä? quee cönä’döaacä. —Ee, ñäädä öwö, mecammaadö; quee cönä’döaacä Jesuuquidiito.

MATEO 27:27

Yääje mma yaawä acu’shänä anoonö suddau Jesuuquidiito cönaadoicho acu’shänä ewöötö taca. Yöiña cöni’jummaicho tameedä töjimmotoncomo.

MAADOCO 15:2

Yaawä Pidaato Jesuuquidiito cöneecamma’joi: —¿Judhío Cajiichaanaichomo amäädä? quee cönä’döaacä. Jesuuquidiito cöneccujä’acä; cönä’döaacä chäwwä: —Ee, öwö ñäädä; quee.

DUUCA 23:2

Iiña cönaajäntoicho yaawä ementädö; cönä’döa’to: —Määdhä ñaa cöneedantäi soto i’jedäädöcoomoje. Töwö chäwwäiñe jödaata äntujo’da acu’shänä wwä. Äwaanacaaneije töwäätä’tä weneene, cajiichaanaje mmaja; quee cönä’döa’to.

JUAN 1:49

Yaawä Nataanaeede cönä’döaacä: —Owaanomaanei, Wanaadi nnedö amäädä. Ñäädä amäädä iisadaaediitacoomo Cajiichaanaichomo; quee cönä’döaacä.

JUAN 12:13

Tönwanno wasai adö cönaacä’jätöicho; yää dha’me Jesuuquidiito wwadäädä cöntonto, edääje töcä’tömjä’ancädäiñe: —Aashichaato ñäädä Wanaadi. Aashichaato määdhä Cädhaajotoncomo eetö joiño we’ajä. Aashichaato määdhä iisadaaediitacoomo Cajiichaanaichomo; quee cönä’döa’to.

JUAN 12:15

Määcatoncatäi änwanno Siyon ñancomo. Eneetäcä’ma, acaajichaanaichomo näänejoichö cawaayu nnedö’cä de’wä; quee imennaajä wä’dödö.

JUAN 18:34

Yaawä Jesuuquidiito cönä’döaacä chäwwä: —¿Amäädä owoije ca mädääje mä’döaanä öwwä, anejjacoomo necamma’jocoomo woijeene? quee cönä’döaacä.

JUAN 18:37

Yaawä Pidaato cönä’döaacä chäwwä: —¿Cajiichaana ca amäädä, yääje yeiya’jäcä? Jesuuquidiito cöneccujä’acä: —Ee, cajiichaana öwö, mecammaadöje. Mädääjatooje yennune; edä nono de’cäi we’ne a’deu chäänöngato ecammajä’neije. Tameedä ñanno a’deu chäänöngato woija’como ya’deddu töneeta weneeneto; quee cönä’döaacä Jesuuquidiito.

JUAN 18:38

Yaawä Pidaato cönä’döaacä: —¿Ane’cäämö yää a’deu chäänöngato mecammaadö? quee. Yääje töwa’deuwö’jeje Pidaato cöneeja’cai chea judhío döiñaiñe; cönä’döaacä chäwwäiñe: —Conemjönö iiñö’jödö aneejodö’da weiya.

JUAN 19:12

Yäätonno Pidaato cöntö’tajäätöi u’ca’se, töwäädä judhíocoomo jooje cöncä’tömjä’a’tone’ yaawä. Tönwanno cönä’döa’to: —Määdhä äwwä u’ca’jäcä acu’shänä sotoije’da ma yaawä. Ñäädä cajiichaanajaato wätä’tädö acu’shänä tu’dedö ñäädä; quee cönä’döa’to judhíocoomo.

JUAN 19:3

Tönwanno cömjojeeta’mojäätöicho; cönä’döa’to: —Amäädä ñäädä judhío Cajiichaanaichomo; quee cönä’döa’to.

JUAN 19:4

Yaawä Pidaato cöneeja’cai chea judhío döiñaiñe mmaja; cönä’döaacä chäwwäiñe: —Määdhä weneejä äwwadäädäiñe odhoowanääcäiñe yeichö wetä conemjönö iiñö’jödö aneejodö’da weichö; quee cönä’döaacä.

JUAN 19:9

Töwö cönoomomöi chea yaawä täwöötö taca; Jesuuquidiito cöneecamma’joi: —¿Äshano amäädä? quee cönä’döaacä. Äucwätä’da Jesuuquidiito cönä’jaacä.

1 TIIMOTEO 6:13

Edääje wä’döa äwwä Wanaadi owaadäädä, ñäädä tämeedä yeichö wa’cä weichojo u’nei, Jesuuquidiito owaadäädä mmaja, ñäädä Ponsiyo Pidaato netaadöje töwääcammadaawä aashicha cönääcammajäätöichö.