JUAN 18:28 - Wanaadi A'deddu

²⁸ Yaawä Caijaasa jonno Jesuuquidiito cönaadoicho acu’shänä ewöötö taca. Tööjanaacadä cönä’jaacä; ñanno Jesuuquidiito adännamo judhíocoomo omoomö’da cöneiya’to acu’shänä ewöötö taca töwaamoi’chädööcomo queiñe, Weja’dätä’jä anooto awoono amiiñä’caajä änäänä’da töweichöcoomo queiñe yaawä.

JUAN 18:28 ပူးပေါင်းရင်းမြစ်များ

MATEO 27:27

Yääje mma yaawä acu’shänä anoonö suddau Jesuuquidiito cönaadoicho acu’shänä ewöötö taca. Yöiña cöni’jummaicho tameedä töjimmotoncomo.

MAADOCO 15:16

Yääje mma yaawä ñanno suddau Jesuuquidiito cönaadoicho acu’shänä ’dodoi aca. Tameedä töjimmotoncomo cöni’jummaicho yaawä.

DUUCA 22:66

Yaawaana’jäcä inchoncomo cöne’jummaicho, ñanno judhío edhaajotoncomo; Wanaadi wwä töwa’deuwaamo edhaajotoncomo cöne’jummaicho dea, judhío owaanomannamo mmaja. Ecamma’jotoojo taca Jesuuquidiito cönaadoicho. Ñanno äcamma’jonnamo cönä’döa’to chäwwä:

JUAN 11:55

Yaawä amoinche’da cönä’jaacä Weja’dätä’jä anooto comjedensiyai’chädö, yää judhío we’jummato’como cu’nädö. Jooje soto cöntonto Jeduusadén ña töwaatamoichadööcomo wetä yää anootoi’chädö owaajo.

JUAN 18:13

Tönwanno cönaadoicho yaawä Aná döiña, ñäädä Caijaasa wodöömä. Caijaasa cönä’jaacä Wanaadi wwä töwa’deuwaamo edhaajotoncomooje yää wedu awä.

JUAN 18:15

Jesuuquidiito ncäcä cönta’to Simón Peedhodo, anejja Jesuuquidiito nowaanomaadö mmaja. Wanaadi wwä töwa’deuwaamo edhaajotoncomo owaano cönä’jaacä ñäädä Peedhodo acä cönta’dö; yääje yeijäcä töwö cönoomomöi chäädhajootoncomo ’dodoi aca, Jesuuquidiito jadäiñe.

JUAN 18:33

Yää ’jeje Pidaato cönoomomöi chea acu’shänä ewöötö taca. Töwö Jesuuquidiito töwwadäädä cöna’dejjai; cönä’döaacä chäwwä: —¿Judhío Cajiichaanaichomo amäädä? quee.

JUAN 18:39

Änwanno aweichöcoomo Weja’dätä’jä comjedensiyai’chädö tödöödö waadäi tooni jedeeso änu’cajoodöcoomo öwwä. ¿Ñäädä u’cajo’se ca maato, judhío Cajiichaanaichomo? quee cönä’döaacä Pidaato ñanno judhío wwäiñe.

JUAN 19:11

Jesuuquidiito cöneccujä’acä yaawä: —Wanaadi mädääje yöödöjo’se’da yeiya’jäcä yöödöjai’cha meichö. Ñäädä, äwwä yu’nei’jödö, jooje’cä jeene choone’nadiiyö na; quee cönä’döaacä Jesuuquidiito.

JUAN 19:14

Yaawä cönä’jaacä anunnaque yeichö, Weja’dätä’jä anooto waajäntotoojo jenamma naadöje. Yaawä Pidaato cönä’döaacä judhíocoomo wwä: —Eneetäcä’ma acaajichaanaichomo.

JUAN 19:9

Töwö cönoomomöi chea yaawä täwöötö taca; Jesuuquidiito cöneecamma’joi: —¿Äshano amäädä? quee cönä’döaacä. Äucwätä’da Jesuuquidiito cönä’jaacä.

DOSECHO 10:28

Töwö cönä’döaacä chäwwäiñe: —Änwanno odhoowanääcäiñe na judhío töwäätunnäi woije anejja jadä oojodö’da yeichö, chä’saca omoomö’da yeichö mmaja. Yääje yeichaame Wanaadi yoowanoomane anejja soto nossaje e’täjai’cha weichö.

DOSECHO 10:32

Joope ña soto anenno’jacä Simón wetä, ñäädä Peedhodooje mmaja chäätö naichö. Anejja Simón mmai chaca yä’döaajä nai, ñäädä iji’jä choonecaanei, dama jawä immai ñaichö. Ñäädä Simón Peedhodo we’a’jäcä töwö na’deuwa’de äwwä;” quee cönä’döaacä ñäädä dhanwä öwwä.

DOSECHO 11:3

cönä’döa’to chäwwä: —¿Ane’que’nei judhíojöncomo mmädä ene meiyaqueene? Chääjadäiñe määwashinchäne dea; quee cönä’döa’to Peedhodo wwä.

DOSECHO 3:13

Wanaadiiñe mädä nödöi, ñäädä cadai’choncomo Aawadán Wanaadiyö, Isaaca Wanaadiyö dea, Jacoowo Wanaadiyö dea. Töwö Wanaadi aashicha Tönnedö weichö neneejoi äwwäiñe, ñäädä Jesuuquidiito, mu’täneedö. Yaawä u’ca’se Pidaato weichaame änwanno u’cajo’se’da mä’ja’quene.

DOSECHO 4:27

“Edä jataawä dea Edoodhe cöne’jummaicho Ponsiyo Pidaato jadä, judhíojöncomo jadä mmaja, iisadaaediitacoomo jadä mmaja. Tönwanno cöne’jummaicho ännedö aashichaato Jesuuquidiito chu’de’tädö wetä, ñäädä Äwaanacaaneije ane’tä’jödö.