JUAN 18:20 - Wanaadi A'deddu

²⁰ Jesuuquidiito cöneccujä’acä: —Tameedä soto netaadöcoomoje töneecammajä’e wä’jaaquene. Tönoowanoomaiñe wä’jaaquene we’jummatoojo taca, Wanaadi weichojo taca mmaja, yää tameedä judhío we’jummato’comooje weneenedö. Tacaade’da a’deuwö’da töweiye wä’jaaquene.

JUAN 18:20 ပူးပေါင်းရင်းမြစ်များ

MATEO 24:26

Yääje yeijäcä edääje äwwäiñe soto wä’döa’comjäcä: “Chö’cäi Äwaanacaanei ñai, eneetantäcä’ma;” quee ca’jäcä, ene mma adheeja’catäi’che. “Eneetäcä’ma eetä maa taca naadö;” quee ca’jäcä, maneecanö’tai’chede.

MATEO 26:55

Yaawa Jesuuquidiito cönä’döaacä ñanno jooja’como soto wwäiñe. —¿Aaquene tämeenato wwadäädä’da mmädä töwaichaqueiñe öwwadäädä me’ato? Anooto waadäi shuucu töweiye wä’jaaquene ajaadäiñe Wanaadi weichojo taca, soto owaanomaadöcoomoje. Yaajäi’cha töweiye mä’ja’quene yaawä.

MATEO 26:65

Yaawä Wanaadi wwä töwa’deuwaamo edhaajotoncomo töwoomö cönshiichai; cönä’döaacä: —Määdhä dhanwa cone’da na’deuwa Wanaadi jäcä. ¿Ane’cäämöne mma määtonno wa’deunä cämjummatäädö deeade’ ? ¿Metaato jönca Wanaadi wa’cotooje yäätä’tädö?

MATEO 4:23

Yaawä Jesuuquidiito cönäämannä’acä tameedä Caadideea chäcä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Töneejichö’tä cönä’ja’dea tameedä chäädäichöcoomo.

MATEO 9:35

Yääje mma yaawä Jesuuquidiito cönäämannä’acä tameedä jata weichö wa’cä, judhío we’jummato’como waadäi soto owaanomancädäiñe. Wanaadi töcaajichaanaije tödöödö jäcä töneecammajä’e cönä’jaacä. Tameedä cädäi toneejichö’tä cönä’ja’dea.

MAADOCO 8:32

Chäwwäiñe täta mädä cöneecammajäätöi. Yaawä Peedhodo cönaadäi Jesuuquidiito töudäje; cömjiiyemeecöi yaawä.

DUUCA 21:37

Ano Jesuuquidiito soto tönoowanoomaiñe töweiye cönä’jaacä Wanaadi weichojo taca. Coijai mmaane Odiiwo ’jödö de’wä tönnö’que cönä’jaacä.

DUUCA 4:15

Soto tönoowanoomaiñe töweiye cönä’jaacä judhío we’jummato’como waadäi. Tameedä soto aashicha töwa’deuwe cönä’ja’to chääjäcä.

JUAN 18:21

¿Ane’que’nei öwö cäcamma’jaanä? Etannamo’jödööne ecamma’jocooto; tönwanno dhowaanäcäiñe na öwö wa’deuwö’jödö; quee cönä’döaacä Jesuuquidiito.

JUAN 6:59

Jesuuquidiito yääje soto cönoowanooma’to Cajeedamu ña, judhío we’jummato’como taca.

JUAN 7:14

Yaawä comjedensiya ataamejai yä’döa’jäcä Jesuuquidiito cöntämä Wanaadi weichojo taca, soto owaanomaiñe.

JUAN 7:26

Eneetäcä’ma, tacaade soto nowaanomaatoodö. ¿Aaquene aneecamma’jo’da naicho dea? ¿Cöcaajichaanaichomo’da Äwaanacaanei atäi necaanö’anto dea?

JUAN 7:28

Yää etaadö’jo Jesuuquidiito täta cöna’deuwöi yaawä Wanaadi weichojo tawä owaanomaadawä. Töwö cönä’döaacä: —¿Odhoowanääcäiñe dämma wanä? ¿Weejö’jödö mmaja odhoowanääcäiñe nai chea? Öwö woije’da dajaane we’ne; ñäädä chäänöngato yaanontäne, ñäädä odhoowanoojönööcomo.

JUAN 7:4

Täneejuque töwä’dö’se weiñawä tacaade’da ännö’da weiñä nai. Tameedä soto wwäiñeene äänejoocä, mädä tönnöeene aweiyajä; quee cönä’döa’to Jesuuquidiito acontomo.

JUAN 8:2

Yää jenamma jenaadäne cönennacai yaawä Wanaadi weichojo taca. Yaawä tameedä soto cöne’jummaicho yöiña. Töwö cönaatajiimai yaawä owaanomaadöcoomo wetä.

JUAN 8:26

Öwwä töweiye na jooje äjääcäiñe täcammajä’emö, chäänönge’da aweichöcoomo jäcä. Chäänöngato ñäädä yaanontänei’jödö; öwö ya’deuwa soto wwäiñe töwö ñeecamma’jödö nönge mmaja; quee cönä’döaacä Jesuuquidiito.

DOSECHO 26:26

Määdhä cajiichaana Aaquidiipa dhowaanäcä na mädä jäcä; yääje yeijäcä sa’donna ya’deuwa ñeetadööje. Mädä wecammajä’aadö täcaademjönööjönö mädä.