JUAN 16:33 - Wanaadi A'deddu

³³ Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

JUAN 16:33 ပူးပေါင်းရင်းမြစ်များ

MATEO 9:2

Yaawä secumjato cönnejooto chäwwadäädä, ä’wato jo. Chäwwäiñe täcamjödö eneea’jäcä Jesuuquidiito cönä’döaacä cädäijato wwä: —Cone’da’da eichä, dhanwa. Ocoone’nadiiyö täncwanno’jo na; quee cönä’döaacä.

DUUCA 19:38

cönä’döa’to: —Aashichaato määdhä Cajiichaana, Cädhaajotoncomo eetö joiño we’ajä. Caju ñancomo wwäiñe täncanoode’da weichojo na. Aashichaato ñäädä Wanaadi; quee cönä’döa’to.

DUUCA 2:14

Aashichaato ñäädä Wanaadi, caju ñano. Nono de’woncomo täncanoode’da weichojo neneeaato’de, ñanno chääjäcäiñe Wanaadi ta’cwaiñe naadö; quee cönä’döa’to.

JUAN 12:31

Eduuwä nä’döi edä nono de’woncomo emmencato’como aca. Eduuwä nä’döi edä nono de’wono waanontädö u’catoojo, ñäädä odo’sha.

JUAN 14:1

“Cone’da’daane eichäcä adheewanööcomo jäcä. Wanaadi ecaanö’täcä, öwö mmaja cäcaanö’täcääde.

JUAN 14:27

“Öötääje täncanoode’da aweicho’como wu’a, yää öwwono. Täncanoode’da weiñä edä nono de’wono nöngemjönö wu’a äwwäiñe. Cone’da’daane eichäcä adheewanööcomo jäcä; tösaade’da mmaja eichäcääde.

JUAN 16:11

Odo’sha chaana’ca’jödö yää Wanaadi töne’jodheincha yeichö eneejotoojo.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOSECHO 23:11

Yää ’jejaato coijaichawä Cajiichaana Jesuuquidiito cönäänejoi Paudo wwä; cönä’döaacä chäwwä: —Cone’da’da eichä Paudo. Ya’deddu mecammajä’a’de Dooma ña, eetä Jeduusadén ña mecammajä’nedööje mmaja; quee cönä’döaacä.

DOSECHO 27:22

Yääje yeichaame cone’da’da eichäcä; ä’jajo’da caato’de; tameedä cääwanaacaato’de. Jidaawa mmaane nääma’de.

DOSECHO 27:25

Yääje yeijäcä ta’cwaiñe eichäcä; Wanaadi wecaanö’a. Yoowanääcä na amoode necamma’jödö nönge ä’döjai yeichö.

DOSECHO 9:31

Yaawä tameedä Quidiito sotoi täncanoode’da cönä’ja’to; jäduujeiñe cönä’ja’to dea, ñanno Judheea ñancomo, Caadideea ñancomo mmaja, Samaadiya ñancomo mmaja. Tönwanno tönoiñe Cajiichaana Jesuuquidiito töneene cönä’ja’to. Epíiditu Santo ni’wa’tädö que jooje cöneejanga’to.

2 CODINTIYO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö na wentumje äneetä weiñä edhaajäje, wejäädu’tänä edhaajäje mmaja.

2 CODINTIYO 13:11

Mädääje mma wä’dö’se wä’jaanä, jimmä. Chäänönge aweichöcoomo encano’tätääcä; ä’jädu’tätääcäde; aata’deucwe eichäcä; täncanoode’da eichäcääde. Yaawä Wanaadi ajaadäiñe eijai ña, ñäädä täncanoode’da weiñä edhaajä, wä’jummanä edhaajä mmaja.

2 CODINTIYO 2:14

Aashicha tä’tämje Wanaadi ña; töwö Jesuuquidiito ai ñaa e’se’tätä weneene, ñaa wwä e’jodheinchadö wetä. Ñaa ai töwö Wanaadi aashichaato wätunnä nemeecanta tameedä yeichö wa’cä, juu shimi’jotoojo jodö töweiye naichöje.

2 CODINTIYO 4:7

Mädä aashichaato ñaa wwä u’ajä na ädiiñä nono döaajä aca ewöötö’taajä töweiye naichöje, owaanäcä yeichö wetä Wanaadi jäduudu aashichaatoje yeichö, ñaa jäduuduje’daane.

2 CODINTIYO 6:4

Wanaadi anoonöje töweichö töwäänejo ñaa weneene tameedä ñaa weichö jäcä, aashicha töwääta’maminchajoodö shinchädö que, aashicha töwäntunamjödö shinchädö que mmaja, tameedä conemjönö awä mmaja,

2 CODINTIYO 7:4

Jooje ta’cwaiñe wa äjääcäiñe, aashicha äjääcäiñe töwa’deuwe wäänene dea. Änwanno jäädu’tätä määnetääne; jooje töwäntunaanö’e ñaa weichaame ta’cwaiñe ñaa tö’tamme’jotä määnetääne.

CAADATA 1:4

Ñäädä Jesuuquidiito töwäämaamöje cönä’tui cöcoone’nadiiyöcoomo jäcäinchädä, cäwaanacaadöcoomo wetä edä conemjönö weiñä naadö acanno, Cumöötoncomo Wanaadi woije dea.

CAADATA 6:14

Öwö mmaane anejja jäcäinchädä o’jodhe tö’tajäätö’se’da wa; cuduusa jäcä Cädhaajotoncomo Jesuuquidiito wääma’jödö jäcäinchädä mmaane yääje chö’tajä’jai wa. Cuduusa jäcä Quidiito wääma’jödö weijäcä edä nono de’wono yäämaajä nönge cönä’döi öwwä; öwö mmaja yäämaajä nönge wa dea edä nono de’wono tödöödö jäcä.

JIDIIPENSE 4:7

Yaawä Wanaadi nu’a’de äwwäiñe täncanoode’da aweicho’como, yää soto owaanojöönö. Yää täncanoode’da aweicho’como adheewanööcomo nedai’cha’de, ätö’tajäätödööcomo mmaja, Jesuuquidiito woije.

CODOOSENSE 1:20

Quidiito ai mmaja töwö Wanaadi töjaadä ääweichacoonoje cönnöicho tameedä yeichö wa’cä, tameedä nono de’wä naatoodö, caju ña naatoodö mmaja. Töwö Wanaadi Jesuuquidiito aquiiyö choonecaato’me cönnöi, yää cuduusa jäcä Jesuuquidiito cömjajoichö.

1 TEESADOONISENSE 3:4

Ajaadäiñe ñaa weichö dhowaajodä dea töneecammajä’e ñaa cönä’jaacä töwäntunaanö’aamoje cöweichöcoomo. Mädääje dea cöneeja’dätäi; änwanno odhoowanääcäiñe na yääje yeichö.

1 TEESADOONISENSE 3:7

Yääje yeijäcä, jimmä, jooje töwäntunamjödö jona’da, töwaatansu’dädö jona’da mmaja, äjääcäinchädäiñe ñaa cöna’cwainchai, chäänönge töneecanö’e aweijäcäiñe.

2 TEESADOONISENSE 3:16

Ñäädä, täncanoode’da weichojo edhaajä, täncanoode’da aweicho’como nu’a yeichöödäje, tameedä aweichöcoomo jäcä. Cädhaajotoncomo ajaadäiñe na, tameedä aweichöcoomo wa’cä.

2 TIIMOTEO 3:12

Tameedä Jesuuquidiito woije töwei’sha’como nätä’maminchajaato’de.

EEWEDEO 11:25

Wanaadi sotoi jadäiñe töwäntunamjödö aashicha’cä jeene cöntö’taacä chäwwä, conemjönö jäcä a’dhe töshiiye weiñä e’jodhe’cä.

EEWEDEO 7:2

Ñäädä wwä Aawadán cuntui dhantai töweewänä’tädaawä töncana’ca’jödö. Edääje töwä’dö’se yeichö mädä Mequiisedeeque eetö: “Chäänönge weiñä edhaajä;” quee. Saden ñano cajiichaanai’chädööje töwö cönä’jaacä. “Täncanoode’da weiñä;” quee töwä’dö’se yeichö mädä “Saden” quee naadö. Yääje yeijäcä “Täncanoode’da weiñä edhaajä;” quee töwä’dö’se yeichö mmaja mädä Mequiisedeeque eetö.

1 PEEDHODO 5:9

Oowontätääcä chäwwä, chäänönge ecaanö’ancädä. Mädääje dea töwäntunaanö’e weneeneto ajimmotoncomo tameedä yeichö wa’cä edä nono de’wä.

1 JUAN 2:13

Äwwadäädäiñe wimenna änwanno yuumötoncomo, ñäädä yaajäntä’jödöödoto jadoonoje aweijäcäiñe. Äwwadäädäiñe wimenna änwanno ääjömannamo, odo’sha e’jodheincha’jödö weijäcä äwwäiñe. Äwwadäädäiñe wimennäi änwanno önnacoomo’cä, Cumöötoncomo jadoonoje aweijäcäiñe.

1 JUAN 4:4

Önnacoomo’cä, änwanno maato Wanaadi sotoije. Anwanno me’jodheinchatääne ñanno ecammajä’nnamo chäänöngemjöncomo, jäduuje’cä yeijäcä ñäädä Epíiditu Santo ataacaiñe naadö, edä nono de’wono e’jodhe’cä.

1 JUAN 5:4

Ñäädä Wanaadi nnedö chäänöngato ne’jodheincha edä nono de’wono. Cönwanno edä nono de’wono e’jodheinchajai caato cöneecamjödööcomo que.

APOOCADIISI 12:11

Ñanno cöjimmotoncomo tämentäneichomo’jödö cöne’jodheinchaicho Oweeja nnedö’cä wääma’jödö que, dha’deddu ecammajäätödö que mmaja. Tönwanno töwäämadööcomo onnontä’da cönä’ja’to tämaadöcoomo jonaane.

APOOCADIISI 3:21

Ñäädä e’jodheinchanei’jödö öwö jaadä wödööa’de cajiichaanaje. Yääje mmaja we’jodheinchane öwö; cajiichaanaje wä’döne dea yaawä Jaaja jadä.

APOOCADIISI 7:14

Öwö wä’döaaquene yaawä: —Amäädä odhoowanääcä na; quee. Yaawä edääje cönä’döaacä töwö: —Ñanno canno yää wäntunaanö’nä tacaadato acancomo we’a’como. Tönwanno töwoomöcoomo tajääde’deiñe cöncoccaicho Oweeja nnedö’cä aquiiyö que.