JUAN 16:28 - Wanaadi A'deddu

²⁸ Jaaja joono we’ne edä nono de’cäi; eduuwa edä nono jonno wöta dea, Jaaja döiña mmaja; quee cönä’döaacä Jesuuquidiito.

JUAN 16:28 ပူးပေါင်းရင်းမြစ်များ

DUUCA 24:51

Chääjäcäiñe töwa’deuwö’jeje töwö cönsancwaicho; caju ña cönaatadoojoi yaawä.

DUUCA 9:51

Yääje mma yaawä caju ña töötotoojo cu’nädö amoinche’da yä’döa’jäcä, Jesuuquidiito Jeduusadén ña töötädö jäcä cönä’jädu’täi.

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 14:28

Änwanno metaato äwwäiñe ya’deuwöichö: “Öwö wöta, yää ’jeje we’a’dede adöiñaiñe”; quee wä’döannö. Äwwäiñe jumma’jäcä ta’cwaiñe meichädö Jaaja döiña öötädö eta’jäcä, Jaaja ye’jodhe yeijäcä.

JUAN 16:10

Jaaja döiña öötädö yää chäänönge weiñä eneejotoojo; ööta’jäcä änwanno yeene’da maato’de.

JUAN 16:16

“Eduuwaiche mma yeene’da maato’de; yäätonno numa’da mma cäneeato’dede, Jaaja döiña öötädö weijäcä; quee cönä’döaacä Jesuuquidiito.

JUAN 16:30

Eduuwa ñaa owaanäcä na tameedä odhoowanääcä yeichö; anejja adheecamma’jojai’cha na. Yääje yeijäcä ñaa necaanö’a Wanaadi joono aweejö’jödö yeichö; quee cönä’döa’to.

JUAN 16:5

Eduuwaane wöta yaanontänei’jödö döiña; änwanno yeecamma’jo’da maato: ¿Äsha mötaanä? ca’da.

JUAN 17:11

“Edä nono de’wä o’somjo’da wa; canno mmaane no’somjaato edä nono de’wä, öwö ’quene adöiña wöta. Jaaja aashichaato, canno öwwä mu’netoodö edai’chocooto amäädä äjäädudu que, tooni mmaane chö’tajäätödööcomo eiye, cöwö cötö’tajäätödö naadöje mmaja.

JUAN 17:13

“Eduuwa wöta adöiña; edä ya’deuwa edä nono de’wä dea weichö, öwö ya’cwaniiyö dea töweiye yeichö wetä chäwwäiñe.

JUAN 17:5

Eduuwa, Jaaja, adöiña mmaja wennaca’jäcä, aashicha weichö eneejocä, yää dea, ajaadä weichö aashicha wä’jaaquennö dea, edä nonoodö amoode’nädö owaajodä.

JUAN 8:14

Jesuuquidiito cönä’döaacä chäwwäiñe: —Öwö dea wääcammataame chäänönge wääcammadö na. Öwö yoowanääcä na weejö’jödö, öötotoojo yoowanääcä mmaja. Änwanno mmaane odhoowanääcäiñe’da na öwö weejö’jödö, öötotoojo odhoowanääcäiñe’da mmaja na dea.

JUAN 8:42

Jesuuquidiito cönä’döaacä chäwwäiñe: —Wanaadi oomotoncomooje ei’jo mmaane änwanno cujummatäädö, Wanaadi döiñanno we’eetö’da. Öwö woije’da we’ne, Wanaadiiñe yaanontäne.