JUAN 15:8 - Wanaadi A'deddu

⁸ Ännödööcomo wejanga’jäcä aashicha Jaaja weichö eneejojai maato; yaawä sootoi chäänönga’comooje äänejoojai maato.

JUAN 15:8 ပူးပေါင်းရင်းမြစ်များ

MATEO 5:16

Mädääje mmaja soto yeijojai maato änwanno, aashichaato tödöödö äwwäiñe eneiyeto, aashicha a’deuwöiyeto yaawä Oomotoncomo caju ñano jäcä.

MATEO 5:44

Öwö mmaane yääje wä’döa äwwäiñe: Ätu’de’tännamo jadä’jödöödä ijummatääcä. Adheunenaamo wwäiñe aashicha adha’deutäcä. Aashicha tödöötäcä aquiiñeme’nnamo. Wanaadi wwä adha’deutäcä adheetana’tännamo jäcäiñe, amaaminchannamo jäcäiñe mmaja.

MATEO 9:8

Yää eneea’jäcä soto cönääcatoncaicho. Aashicha cöna’deuwa’to yaawä Wanaadi jäcä, yää nöngato adoncatoojo utu’jödö weijäcä soto wwä.

DUUCA 6:35

Änwanno mmaane ätu’de’tännamo ijummajai maato, aashichaato chääjäcäiñe tödööjai mmaja. Soto wwäiñe u’täcä’de, inwacaamajoodö jäcä ätö’tajä’ancädäiñe’da. Yaawä adheejema’jocoomo jooje na’de. Mädääje Wanaadi O’jodhaato nnedööje eijai maato, yääjatoone yeiyajä töwö, töjääcä chö’tajä’jöncomo aashicha tönnöe, conemjönö dönnamo mmaja.

JUAN 13:35

Äwä’jumma’comjäcä tameedä soto dhowaanäcäiñe eijai ña yaawä sootoije aweichöcoomo; quee cönä’döaacä Jesuuquidiito.

JUAN 15:5

“Öwö chääjö nönge wa, änwanno yaajädö nönge maato. Ñäädä öwö jaadäädono, öwö chääjadä weiya’jäcä mmaja, ñäädä nödöödö nejanga’de, täjösse weiñä töweiye naichöje; öwö jaadä’da mmaane tödööjai’cha maato.

JUAN 8:31

Yää ’jeje Jesuuquidiito cönä’döaacä ñanno judhío täcaanö’nnamo wwäiñe: —Ya’deddu woije dea aweiya’comjäcä noowanoomadö chäänönga’comooje eijai maato yaawä.

1 CODINTIYO 10:31

Wanaadi wwonoojeene tameedä tödööjai maato, äwääwashinchädööcomo mmaja, owoocödööcomo enöödö mmaja, tameedä anejja tödöödö mmaja.

1 CODINTIYO 6:20

Wanaadi wwä täjeema maato täjeeto que. Yääje yeijäcä Wanaadi nijummadö woije tödöötäcä adheejöcoomo que, ätö’tajäätödööcomo que mmaja, a’nädä Wanaadi wwonooje yeijäcä.

JIDIIPENSE 1:11

Mädääje Jesuuquidiito ni’wa’tädö que aashichaato tödöödö ’je eijai maato. Yaawä tacaade eijai ña aashicha Wanaadi weichö; aashicha soto a’deujai ñaato yaawä chääjäcä.

TIITO 2:10

Tämeene’daane nei’ña’to. Chäänönge tödööjai ñaato tameedä tötaadawaajuichomo, tameedä soto eneiyeto yaawä Cäwaanacaaneichomo Wanaadi a’deddu aashicha yeichö.

TIITO 2:5

Towaadäädäiñe wodiiñamo mudeeshi eijai ñaato, masuuduije’da mmaja, tä’sacooneiñe mmaja, ta’cwaiñeiñe mmaja, töiñotoncomo a’deucwe mmaja, Wanaadi a’deddu cone’da täcammamje’da yeichö wetä.

1 PEEDHODO 2:12

Aashicha eichäcä Wanaadi dhowaanojöncomo jadäiñe. Eduuwa conemjöncomooje adhe’tätaameiñe, yaawä aashichaato ännödööcomo eneedö’jo Wanaadi jäcä aashicha na’deuwaato’de, chäwwä töwäätäcamma’jojoodawäiñe.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.