JUAN 14:27 - Wanaadi A'deddu

²⁷ “Öötääje täncanoode’da aweicho’como wu’a, yää öwwono. Täncanoode’da weiñä edä nono de’wono nöngemjönö wu’a äwwäiñe. Cone’da’daane eichäcä adheewanööcomo jäcä; tösaade’da mmaja eichäcääde.

JUAN 14:27 ပူးပေါင်းရင်းမြစ်များ

MATEO 10:26

“Yääje yeijäcä soto mma monnontätäi’che. Tameedä tacaademjönö töweecataamöje na. Tameedä etoone’taajä töwääcatu’nacaamöje na dea.

DUUCA 1:79

Yää na’de ñanno tööjano’taca naatoodö weiyuuducoomoje, ñanno töwä’ja’aamo; täncanoode’da weiñä ai cä’se’täneichomooje mmaja yää na’dede; quee cönä’döaacä Saacadía.

DUUCA 10:5

Yää maa, chaaca odhoomongato’dedö taca owoomomöödawäiñe, edääje caichäcä’de: “Aashicha awei’sheiñe ñaa na, änwanno edä maa tawoncomo;” quee caichäcä’de.

DUUCA 12:4

“Öwö yääje wä’döa äwwäiñe, änwanno jimmä, adheemannamo mma monnontätäi. Adheema’jejeiñe yäätonno ayöödöjaiñe’da naato.

DUUCA 2:14

Aashichaato ñäädä Wanaadi, caju ñano. Nono de’woncomo täncanoode’da weichojo neneeaato’de, ñanno chääjäcäiñe Wanaadi ta’cwaiñe naadö; quee cönä’döa’to.

JUAN 14:1

“Cone’da’daane eichäcä adheewanööcomo jäcä. Wanaadi ecaanö’täcä, öwö mmaja cäcaanö’täcääde.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

JUAN 20:19

Yää anooto co’momöödawä dea tujuumä ñoowanoomadö cönä’ja’to; semaana waajäntädö anootoi’chädö cönä’jaacä. Tönwanno iiñata’tadööcomo ta’duque cönä’jaacä judhío nontädööcomooje. Yaawä Jesuuquidiito cöneejä, dhantawäiñe cönä’jaacä; töwö cöna’dejjaicho; cönä’döaacä chäwwäiñe: —Täncanoode’da aweicho’como äwwäiñe yei’she wa; quee.

JUAN 20:21

Yää ’jeje Jesuuquidiito cönä’döa’dea chäwwäiñe: —Täncanoode’da aweicho’como äwwäiñe yei’she wa. Jaaja yenno’janeedöje mmaja manenno’jaato öwö; quee cönä’döaacä.

JUAN 20:26

Aaduwaawä amoojato anoototo ai ñanno Jesuuquidiito nowaanomaadö we’jumma’como cönä’ja’to ä’saca; Tomá chääjadäiñe cönä’ja’dea. Yaawä Jesuuquidiito cöneejä, mönaatata ta’duque yeichaame; dhantawäiñe cönä’jaacä. Töwö cönä’döaacä: —Täncanoode’da aweicho’como äwwäiñe yei’she wa; quee.

DOSECHO 10:36

Töwö Wanaadi Isadaaeeda atöödö wwäiñe cöneecammai yää Jesuuquidiito ecamjödö que täncanoode’da weichojo, ñäädä tameedä Ädhaajäje naadö.

DOSECHO 18:9

Yaawä Paudo wäneetödö ai Cajiichaana cönä’döaacä chäwwä: —Tösaade’da eichä; ecammajäätödööje dea eichä’de, mane’nomjai’che.

DOMAANO 1:7

Edä wimenna äwwadäädäiñe, tameedä änwanno Dooma ñancomo, Wanaadi nijummadö, tösootoije Wanaadi ne’tädö. Aashichaato, täncanoode’da aweicho’como mmaja äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

DOMAANO 5:1

Yääje yeijäcä, ecamjödö jäcäinchädä Wanaadi jadoonoje cöweichomjäcä, äätu’dedööje’da caato eduuwa Wanaadi jadä, Cädhaajotoncomo Jesuuquidiito woije.

DOMAANO 5:10

Wanaadi tu’dedööje cöweichöcoomo töwö töjaadä ääweichacoonoje cödöötäne Tönnedö wääma’jödö jäcäinchädä. Töwaacö’je mma eduuwa; chääjadä ääweichacoonoje cöweichomjäcä töwö cäwaanacaato nudä Quidiito weichö que dajaane.

DOMAANO 8:6

Yää tujuunu nödöödö encano’tädö wäämatoojoje noowonö’jaca; Wanaadi nödöödö encano’tädö mmaane yeichöödoto weiñä daja nejoodöja, täncanoode’da weichojo mmaja.

1 CODINTIYO 1:3

Aashichaato, täncanoode’da aweicho’como mmaja äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

CAADATA 1:3

Aashichaato, täncanoode’da aweicho’como mmaja, äwwäiñe yei’she ñaa na, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

CAADATA 6:16

Täncanoode’da yeicho’como, wentumje Wanaadi wwä yääneto’como mmaja, yei’she wa tameedä edä waanontänä tödönnamo wwäiñe, tameedä Wanaadi sotoi ñeene wwäiñe mmaja.

JIDIIPENSE 4:7

Yaawä Wanaadi nu’a’de äwwäiñe täncanoode’da aweicho’como, yää soto owaanojöönö. Yää täncanoode’da aweicho’como adheewanööcomo nedai’cha’de, ätö’tajäätödööcomo mmaja, Jesuuquidiito woije.

CODOOSENSE 1:2

edä ñaa nimenna äwwadäädäiñe, änwanno Codoosa ñancomo, Wanaadi sotoi, Jesuuquidiito ecaanö’nnamo. Aashichaato, täncanoode’da aweicho’como mmaja, äwwäiñe yei’she wa Cumöötoncomo Wanaadi nutuudu.

CODOOSENSE 1:20

Quidiito ai mmaja töwö Wanaadi töjaadä ääweichacoonoje cönnöicho tameedä yeichö wa’cä, tameedä nono de’wä naatoodö, caju ña naatoodö mmaja. Töwö Wanaadi Jesuuquidiito aquiiyö choonecaato’me cönnöi, yää cuduusa jäcä Jesuuquidiito cömjajoichö.

CODOOSENSE 3:15

Wanaadi nutuudu täncanoode’da weiñä ätö’tajäätödööcomo e’se’täneije nei’ñojo. Mädääje töweiyaamoje Wanaadi adha’dejjatääne, tooni chääjöje mma aweichöcoomo wetä. Yeichöje Wanaadi wwä aashicha adha’deutäcä.

2 TEESADOONISENSE 1:2

Aashichaato, täncanoode’da aweicho’como mmaja, äwwäiñe yei’she ñaa na, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

2 TEESADOONISENSE 3:16

Ñäädä, täncanoode’da weichojo edhaajä, täncanoode’da aweicho’como nu’a yeichöödäje, tameedä aweichöcoomo jäcä. Cädhaajotoncomo ajaadäiñe na, tameedä aweichöcoomo wa’cä.

2 TIIMOTEO 1:7

Wanaadi cöwwäiñe cuntui tösaade cöweicho’comoojönö, jäduuje cöweicho’comoone, cöwä’jummato’como mmaja, tösejjeque cöweicho’como mmaja.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.

EEWEDEO 7:2

Ñäädä wwä Aawadán cuntui dhantai töweewänä’tädaawä töncana’ca’jödö. Edääje töwä’dö’se yeichö mädä Mequiisedeeque eetö: “Chäänönge weiñä edhaajä;” quee. Saden ñano cajiichaanai’chädööje töwö cönä’jaacä. “Täncanoode’da weiñä;” quee töwä’dö’se yeichö mädä “Saden” quee naadö. Yääje yeijäcä “Täncanoode’da weiñä edhaajä;” quee töwä’dö’se yeichö mmaja mädä Mequiisedeeque eetö.

APOOCADIISI 1:4

Öwö Juan, äwwadäädäiñe wimenna, änwanno Aasiya ñancomo quedeiyentecoomo, aacä amoojato ajaatadööcomo naadö. Aashichaato, täncanoode’da aweicho’como mmaja äwwäiñe yei’she wa, Wanaadi nutuudu, ñäädä eduuwa naadö, jenaadä cönä’ja’dö dea, äcuude na’dedö dea, ñanno aacä amoojato’como Epíiditu nutuudu mmaja, ñanno Wanaadi mudei o’wawä naatoodö,

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.

APOOCADIISI 21:8

Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.