JUAN 14:26 - Wanaadi A'deddu

²⁶ Öwö ne’catäädö woije Jaaja nanonta’de Ä’wa’täneichomo, ñäädä Epíiditu Santo. Ñäädä Epíiditu Santo odhoowanoomaato’de tameedäädä; ätö’tamme’jaato’de tameedä neecammajäätö’jödö.

JUAN 14:26 ပူးပေါင်းရင်းမြစ်များ

MATEO 1:18

Edääje Jesuuquidiito cönennui: Yeenö Madía cönä’jaacä José jadä töwä’döeemöje, töwäätäcamma’jo’jocoomo weijäcä. Yö’tä ä’dö’dadä Madía cönwensu’täi, Epíiditu Santo woije.

MATEO 1:20

E’nomjadö jäcä chö’tajäätödaawä Cajiichaana amoodedö cönäänejoi chäwwä, iwäänetöödö ai; cönä’döaacä: —Amäädä José, Dawí weichö, ajiiñamooje Madía tödöödö mma monnontäi. Epíiditu Santo woijato wamoodetaajä ñäädä iiñedö, töwennueemöje naadö.

MATEO 28:19

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja.

MATEO 3:11

Öwö wautisaaje männöaato tuna que, ätö’tajäätödööcomo tösa’dumincha aweichöcoomo ene’ju’to’me. Ñäädä öncäcä ne’aanei mmaane jäduuje jeene na. Shaajatui shaacaneije jadä’jödöödä eijai’cha wa, ye’jodhe töwö yeijäcä. Töwö wautisaaje ayöödöaato’de Epíiditu Santo queene, wa’to que mmaja.

MAADOCO 12:36

Epíiditu Santo woije yääje Dawí cönä’döa’dö naane’: Cajiichaana cönä’döaacä Yeedhajä wwä: “Önnäcä ataajimaacä, ämu’demjönö dö’se, odho’cäi ätu’de’tännamo tödöödö wa’cä öwwä;” quee Cajiichaana cönä’döaacä; quee cönä’döaacä Dawí.

MAADOCO 13:11

Yaawä äcamma’jonnamo wwäiñe ayuutuduucomo wetä adhaadäa’comjäcä awa’deuto’como jäcä mäntö’tamme’jä’täi’che. Täncanoode’da mmaane eichäcä’de. Epíiditu Santo nutuudu woije ecammajä’täcä’de yaawä. Änwannojöönööne adha’deuwaato’de, Epíiditu Santoone.

DUUCA 1:15

Wanaadi wwä täneejuque na’de ännedö. Töwö aneenö’da na’de chääjedöödö eccudu, tödäu’cwato aneenö’da mmaja. Epíiditu Santo ’je na’de töwennudu owaajodä’jödöödä.

DUUCA 1:35

Amoode cönä’döaacä: —Epíiditu Santo nä’ta’de äjääcä; O’jodhaato jäduudu aneejonta’de. Yääje yeijäcä ñäädä ännedö töwennueemö Aashichaatoje nätä’täja’de, Wanaadi nnedööje.

DUUCA 1:41

Madía wa’deuwödö eta’jäcä Ediisawé wwä, iiñedo cönä’jimiichöi iwenwaca. Epíiditu Santo ’je Ediisawé cönä’döi yaawä.

DUUCA 1:67

Yääje mma yaawä yuumö Saacadía Epíiditu Santo ’je cönä’döi; Wanaadi woije cöna’deuwacä; cönä’döaacä:

DUUCA 11:13

Änwanno cone’da aweichaameiñe odhoowanääcäiñe aashichaato utuudu ännacontoncomo wwä. Töwaacö’je Oomontoncomo caju ñano Epíiditu Santo u’jai ña töwwä e’ca’nei wwä; quee cönä’döaacä Jesuuquidiito.

DUUCA 2:25

Yäätä Jeduusadén ña cönä’jaacä dhanwa, Simeón täätö. Ñäädä cönä’jaacä chäänöngato, Wanaadi woije tödöönei. Töwö cönwomo’cacä iisadaaediitacoomo wääwanaacato’como. Epíiditu Santo ’je ñäädä Simeón cönä’jaacä.

DUUCA 24:49

Äwwadäädäiñe öwö wanonta’de Jaaja necamma’jödö. Eetäädä, Jeduusadén ñaadä eichäcä’de, caju ñanno äjääduduucomo wä’dödö jonaane; quee cönä’döaacä Jesuuquidiito tönoowanoomadö wwäiñe.

DUUCA 3:22

Epíiditu Santo cönä’täi ye’wä, täne, jaduuma nönge. A’deu cönäätaacä yaawä caju ña: —Önnedö umjummadö amäädä; ta’cwaiñe wa äjääcä; quee cönäätaacä.

JUAN 1:33

Yoowanääcä’da cönä’jaacä töwö, töwäädä ñäädä tuna que wautisaaje tödöödö jäcä yaanontänei’jödö yääje cönä’döa’ne’: “Ñäädä Epíiditu Santo ye’wä nä’ta’dedö, ye’wäädä na’dedö, ñäädä ñäädä Epíiditu Santo que wautisaaje tödöönei;” quee yaanontänei’jödö cönä’döaacä öwwä.

JUAN 12:16

Awa’deene Jesuuquidiito nowaanomaadö yää imennaajä äntö’tammecö’da cönä’ja’to. Jesuuquidiito wöta’jäcä caju ña yaawääne cöntö’taicho yää imennaajä Jesuuquidiito jäcä yeichö; yää weja’dätä’jödö jäcä cöntö’taicho dea.

JUAN 14:16

Jaaja wwä we’ca’a’de, töwö äwwäiñe nu’a’de yaawä Ä’wa’täneichomo, yeichöje ajaadäiñe töweiyemööje, ñäädä Epíiditu Santo, chäänöngato a’deu edhaajä.

JUAN 14:25

“Edä äwwäiñe wecammajä’a ajaadäiñe dea weichö.

JUAN 15:26

“Ä’wa’täneichomo we’a’jäcä, ñäädä äwwadäädäiñe wanonta’dedö, töwö aashicha necammajä’a’de öwö jääcä. Jaaja nanontädö ñäädä Epíiditu Santo, chäänöngato a’deu edhaajä.

JUAN 16:7

Chäänöngato mädä wecammaadö, aashicha äwwäiñe eijai ña öötädö. Tä’da weiya’jäcä Ä’wa’täneichomo eejö’da eijai ña yaawä. Dha’da ööta’jäcä öwö wanonta’de äwwadäädäiñe.

JUAN 2:22

Äcuude’cä, töwäämaajo jonno Jesuuquidiito waadonca’jäcä, ñoowanoomadö cöntö’taicho yaawä yääje yä’dö’jödö jäcä. Tönwanno cöneecamjöicho yaawä Wanaadi a’deddu imennaajä; Jesuuquidiito wa’deuwö’jödö mmaja cöneecamjöicho dea.

JUAN 20:22

Yaawä ye’cäcäiñe cöna’jiimai; cönä’döaacä chäwwäiñe: —Epíiditu Santo ’je ä’dötääcä.

JUAN 6:45

Edääje nä’döa Wanaadi wa’deuwödö ecammannamo nimenno’jocoomo jäcä: “Tameedä noowanoomajaato’de Wanaadi wwä;” quee nä’döa. Ñäädä Jaaja a’deddu etaanei, Jaaja nowaanomaadö mmaja, ñäädä ne’a öwwadäädä.

JUAN 7:39

Töwö cöna’deuwacä Epíiditu Santo jäcä, ecaanö’nnamo wwäiñe tu’emö. Eejö’da dea cönä’jaacä ñäädä Epíiditu Santo, Jesuuquidiito tä’da dea yeijäcä caju ña.

DOSECHO 1:2

caju ña töötädö wa’cä. Caju ña töötädö owaajo tönaanontädö cöneicho; Epíiditu Santo woije töwö cönaanontoicho chäwwäiñe tödööemö jäcä.

DOSECHO 1:4

Chääjadäiñe töweichö dea Jesuuquidiito cönä’döaacä ñanno anonta’como wwäiñe: —Mötäätäi’che Jeduusadén ñanno. Yäätä yoomo’täcä’de äwwäiñe Jaaja necamma’jödö, yää äwwäiñe töneecammajä’e wä’jaaquennö.

DOSECHO 1:8

Änwanno äjääduduucomo na’de Epíiditu Santo yä’ta’jäcä äjääcäiñe. Yaawä cäcammajä’ato’de Jeduusadén ña, tameedä Judheea ña mmaja, Samaadiya ña mmaja, tameedä yeichö wa’cä edä nono de’wä; quee cönä’döaacä Jesuuquidiito.

DOSECHO 11:16

Yaawä tö’tane Cajiichaana Jesuuquidiito wa’deuwö’jödö jäcä: “Juan wautisaaje tönnöe cönä’ja’to tuna quee mma; änwanno mmaane Epíiditu Santo queene wautisaaje mä’döaato’de,” quee yä’dö’jödö jäcä tö’tane.

DOSECHO 13:2

Yaawä yäänemaadawäiñe, yeecanta’ñädaawäiñe mmaja Epíiditu Santo cönä’döaacä chäwwäiñe: —Waanawé, Saudo mmaja, ewaacatääcä tadaawaaju neecammadö dönnamooje; quee cönä’döaacä.

DOSECHO 13:4

Yääje mma yaawä Epíiditu Santo nanontädö woije Sedeusiya ña cöntonto Waanawé, Saudo mmaja. Yäätonno Chiipede ña cöntonto yaawä jidaawa awä.

DOSECHO 15:28

Epíiditu Santo, ñaa mmaja, tödööque’jönö tödööjo’se’da ñaa na äwwäiñe. Edä mma tödööjo’se ñaa na äwwäiñe:

DOSECHO 15:8

Töwö Wanaadi dhowaanäcä na tameedä soto tö’tajäätödö. Töwö judhíojöncomo tösootoije tödööjai töweichö eneejodööje Epíiditu Santo cuntui chäwwäiñe, cöwwäiñe cuntuichöje mmaja.

DOSECHO 16:6

Yaawä Aasiya ña Epíiditu Santo Wanaadi a’deddu aneecammajoojätö’da cöneiyacä Paudo wwäiñe. Jidiijiya ñano cömja’dätoicho yaawä, Cadaasiya ñano mmaja;

DOSECHO 2:33

Töwö Jesuuquidiito caju ña cönaatannä’joi yaawä; Wanaadi nnäcä na eduuwa, ämu’demjönö dö’se. Yuumö cuntui chäwwä Epíiditu Santo, ñäädä töneecamma’jödö dea. Tameedä mädä mene’maatoodö, metaatoodö mmaja, Jesuuquidiito nutuudu woije na.

DOSECHO 2:4

Tameedä tönwanno Epíiditu Santo jäduudu ’je cönä’döicho yaawä; cönaajäntoicho yaawä anejja a’deucwe töwa’deuwödööcomo, Epíiditu Santo nutuudu woije.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 20:35

Weiñäje odhoowanoomatäiñe töweiye wä’jaaquene wentumja’como i’wa’tädö jäcä ataadawaajuichomo eje’jödö que. Weiñäje ätö’tamme’jotäiñe töweiye wä’jaaquennea Cajiichaana Jesuuquidiito wa’deuwö’jödö jäcä: “Ta’cwaiñe’cä jeene ñäädä u’nei, eiñei e’jodhe’cä jeene;” quee cönä’döa’dö jäcä; quee cönä’döaacä Paudo ñanno Eujeeso ñancomo ansiyaano wwäiñe.

DOSECHO 28:25

Äänönge’da chö’tajäätödööcomo cönä’jaacä. Cönaajäntoicho yaawä töweeja’cadööcomo. Yaawä Paudo cönä’döaacä chäwwäiñe: —Chäänönge Epíiditu Santo cöna’deuwöi cadai’choncomo Isaía ntai, ñäädä Wanaadi wa’deuwödö ecammanei’jödö. Edääje töwö cönä’döaacä:

DOSECHO 5:3

Yaawä Peedhodo cönä’döaacä Aananía wwä: —Aananía, ¿aaquene Caajuushawa ätö’tajäätödö aca nä’döi chea Epíiditu Santo encu’tädo wetä äwwä anaudä’jödö eje’jödö jäcä?

DOSECHO 7:51

“Änwanno töwäätuujacoonemjöncomo; Wanaadi dhowaanojöncomo nönge maato, eta’se’da, chäänönge’da mmaja ätö’tajäätödööcomo. Änwanno Epíiditu Santo jäcä töwä’jädu’tä määnetääne. Adhaadai’choncomo wei’jocoomo nönge dea maato.

DOSECHO 7:55

Yaawä töwö Eteewa cönä’jaacä Epíiditu Santo jäduudu ’je; caju ña cöneene’maacä; Wanaadi nnataadö cöneeneaacä yaawä. Jesuuquidiito mmaja cöneenea’dea jiid Wanaadi nnäcä, ämu’demjönö dö’se.

DOMAANO 14:17

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

DOMAANO 5:5

Yää cöwo’womoocödööcomo cöjöichojootäiñe’da na’de, Wanaadi jummadö cötö’tajäätödööcomo aca yeijäcä, Epíiditu Santo ni’wa’tädö que, ñäädä cöwwäiñe u’ajä naadö.

1 CODINTIYO 12:3

Yääje yeijäcä odhoowanääcäiñe yei’she wa Epíiditu Santo woije soto edääje ä’dö’da yeichö: “Jesuuquidiito conemjönö;” quee ä’döjai’cha. Ñäädä Cajiichaanaje Jesuuquidiito e’tänei mmaane Epíiditu Santo woije yääje nä’döa.

1 CODINTIYO 6:19

¿Odhoowanääcäiñe’da ca’ nai Epíiditu Santo weichojooje adheejöcoomo weichö, ñäädä Wanaadi nutuudu ataacaiñe naadö? Ännödööcomoojönö mädä adheejöcoomo;

2 CODINTIYO 13:14

Cajiichaana Jesuuquidiito nutuudu aashichaato äwwäiñe yei’she wa, wä’jummanä Wanaadi nutuudu mmaja, Epíiditu Santo ni’wa’tädö mmaja. Amén.

2 CODINTIYO 6:6

Chäänönge töweichö que Wanaadi anoonöje ñaa weichö töwäänejo ñaa weneene dea, chäänöngato jäcä towaanojo’ne töweichö que mmaja, aashicha tönshinchä töweichö que mmaja, ta’cwaiñe töweichö que mmaja, Epíiditu Santo ’je töweichö que mmaja, chäänöngato wä’jummanä ’je töweichö que mmaja.

EUJEESIYO 1:13

Yaawä äcuude änwanno mmaja chäänöngato wätunnä metaatäne dea, yää aashichaato wätunnä eduuwa äwääwanaacato’comooje naadö. Yää etaadö’jo Quidiito mecaanö’täne, chääjadoonoje mä’dötääne dea. Yaawä Wanaadi sotoije aweichöcoomo adheene’ju’to’comooje Epíiditu Santo que mä’madaaca’ñojootäne, ñäädä Wanaadi necamma’jödö.

EUJEESIYO 1:17

Wanaadi nödöödö jäcä asejjetaato’como töne’ca’e wäänene Cädhaajotoncomo Jesuuquidiito wwä. Tameedä Wanaadi nödöödö tö’tamme’tojo töne’ca’e wäänene dea; yaawä aashicha’cä jeene Wanaadi odhoowanääcäiñe eijai ña.

EUJEESIYO 4:30

Wentumje mma Epíiditu Santo männöjootäi, ñäädä Wanaadi jonnoto we’ajä. Ñäädä Epíiditu Santo que mä’madaaca’ñojootäne Wanaadi sotoije aweichöcoomo adheene’ju’to’comooje, äwääwanaacadööcomo chäänönge yä’dödö wa’cä.

1 TEESADOONISENSE 4:8

Yääje yeijäcä ñäädä edä wä’wätuujanä chiiñeme’nei, soto a’deddujöönö nichiiñeme’ca, Wanaadi a’dedduune, ñäädä Epíiditu Santo u’nei’jödö cöwwäiñe.

2 TIIMOTEO 1:14

Tädai’chääne edai’chäcä yää äwwä Wanaadi nutuudu; Epíiditu Santo ni’wa’tädö que tödööcä, ñäädä cötaacaiñe naadö.

TIITO 3:5

töwö cäwaanacaatäne. Aashicha cönnö’jocoomo jäcäinchädä’da töwö cäwaanacaatäne, töwwä wentumje cäne’jocoomo weijäcääne. Töwö Wanaadi cäwaanacaatäne cöcoccadööcomo que, yää eduuwaatoje cöwennuduucomo cu’tädööje naadö. Epíiditu Santo ai cäwaanacaatäne, ñäädä eduuwaato cöweichöcoomo u’nei.

EEWEDEO 10:15

Epíiditu Santo mmaja mädä necamma dea cöwwäiñe. Edääje töwö cönä’döaacä:

EEWEDEO 2:4

Wanaadi mmaja chäänönge yää wätunnä weichö cöneenejoi ene’ju’tojo tödööjodö que, täneemö tödööjodö que mmaja, jooje aashichaato tödööjodö que mmaja, aneejejaiñene’jödöödä Epíiditu Santo utuudu que mmaja, tumjummadö woije.

EEWEDEO 3:7

Yääje yeijäcä ätö’taque’täi’che Epíiditu Santo wä’dö’jödö jäcä, yää Wanaadi a’deddu imennaajä jäcä naadö. Edääje nä’döa yää: Eduuwa Wanaadi a’deddu eta’jäcä äwwäiñe,

EEWEDEO 9:8

Yää que Epíiditu Santo nene’ju’ja Aashichaato Jaiñoone taca womonto’me’da yeichö, awa’deeto aco’jo’jödö yäätä yeichö wadaadäädä.

1 PEEDHODO 1:12

Wanaadi chäwwäiñe cöneecammai yää chäwwoncomooje’da yeichö, cöwwoncomoojeene. Yää äwwäiñe täcamma na eduuwa aashichaato wätunnä ecammajä’nnamo wwäiñe, ñäädä Epíiditu Santo caju ñanno anontaajä jäduudu que. Wanaadi amoodedö mmaja towaanäcäiñe yei’she naato dea yää.

2 PEEDHODO 1:21

soto woije yoojodö’jödööjönö, Wanaadi woijeene ñanno dhanwaacomo aashicha’como cöneecamma’to, Epíiditu Santo ne’se’tädööje.

1 JUAN 2:20

Äwwäiñe mmaane Quidiito cuntui Epíiditu Santo; tameedä towaanojo’neiñe maato.

1 JUAN 2:27

Änwanno Epíiditu Santo ’je maato, ñäädä Jesuuquidiito nutuudu äwwäiñe. Yääje yeijäcä odhoowanoomaneichomo tujunne’da na, töwö Epíiditu Santo dea tameedä odhoowanoomatäiñe yeijäcä. Chäänönge ñäädä Epíiditu Santo nowaanomaadö, wätäncu’tänääjönö. Yääje yeijäcä Quidiito jadä eichäcä, Epíiditu Santo nowaanomaadö nönge deaane.

1 JUAN 5:7

Aaduwaawä naato yää ecammannamo caju ña; ñanno naato Cumöötoncomo, ñäädä A’deu mmaja, Epíiditu Santo mmaja. Tönwanno naato tooni mma.

JUUDHA 1:20

Änwanno mmaane jimmä umjummadö, jooje’cä aatö’nä’täcä aneecamjödööcomo aashichaato que. Epíiditu Santo jäduudu que adha’deutäcä Wanaadi wwä.

APOOCADIISI 2:11

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö onooneja’da na’de yää ’jejaato wäämanä;” quee cönä’döaacä öwwä ñäädä soto nnedö nöngato.