JUAN 14:20 - Wanaadi A'deddu

²⁰ Yää anooto awä änwanno odhoowanääcäiñe na’de Jaaja aca weichö, öwö taaca aweichöcoomo mmaja, ataacaiñe weichö mmaja.

JUAN 14:20 ပူးပေါင်းရင်းမြစ်များ

JUAN 10:38

Dha’da Jaaja nödöödö nönge mmaja öwwä tödööa’jäcä önnödööne ecaanö’jai maato, öwö ya’deddu aneecamjö’da aweichaameiñe. Mädääje odhoowanääcäiñe eijai ña Jaaja yaaca yeichö, öwö dhaca weichö mmaja; quee cönä’döaacä Jesuuquidiito chäwwäiñe.

JUAN 14:10

¿Aneecamjö’da ca manä Jaaja yaaca yeichö, öwö Jaaja aca weichö mmaja? Mädä töwa’deuwe wääneneedö öwö woije mma’da ya’deuwa. Määdhä Jaaja, yaaca naanei, määdhääne nödööja.

JUAN 14:11

Cäcaanö’täcä Jaaja aca weichö, Jaaja yaaca yeichö mmaja. Ya’deddu aneecamjö’da aweiya’comjäcä, önnödö jäcäinchädä cäcaanö’täcä.

JUAN 16:23

“Yaawä änwanno ane’catä’da maato’de öwwä. Chäänönge yääje wä’döa äwwäiñe, Jaaja wwääne me’ca’ato’de; tameedä öwö yeetö joi ane’catäädöcoomo töwö nu’a’de äwwäiñe.

JUAN 16:26

Yaawä öwö yeetö joi me’ca’ato’de. Yääje ä’dö’da wa äwwäiñe, Jaaja wwä äjääcäiñe ya’deuwa’de; ca’da.

JUAN 17:11

“Edä nono de’wä o’somjo’da wa; canno mmaane no’somjaato edä nono de’wä, öwö ’quene adöiña wöta. Jaaja aashichaato, canno öwwä mu’netoodö edai’chocooto amäädä äjäädudu que, tooni mmaane chö’tajäätödööcomo eiye, cöwö cötö’tajäätödö naadöje mmaja.

JUAN 17:26

Aweichö weneejone chäwwäiñe; eneejodööje dea wa’de, wä’jummanä ’je eiyeto, amäädä cujummaadöje mmaja, öwö dhacaiñe weichö wetä mmaja; quee cönä’döaacä Jesuuquidiito Tumö wwä töwa’deuwödaawä.

JUAN 17:7

Eduuwa tönwanno dhowaanäcäiñe na tameedä öwwä mu’nedö ojonnoto we’ajääje yeichö.

JUAN 6:56

Ñäädä öwö jääcuinchato, yaaquiyö ennei mmaja, öwö yaaca na, öwö mmaja chaaca wa dea.

DOMAANO 16:7

Ya’deujödö ecammatääcä’de Antodoonico wwä, Juuniya wwä mmaja; jaatacoinchomo ñanno, jedeesoje weichö jaadoncomo’jödö. Täneejuca’como tönwanno anonta’como wwäiñe. Tönwanno yoowajoodä Quidiito cöneecamjöicho.

DOMAANO 8:1

Yääje yeijäcä ännanö’jai’cha naato eduuwa ñanno Jesuuquidiito jadoncomo, ñanno tujuunucoomo nijummadö woijemjöncomo, Epíiditu Santo woija’como.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

2 CODINTIYO 12:2

Amoojadooto de’wä aacäichea wedu na eduuwa dhanwa ene’jödö öwwä, quedeiyente töwö. Ñäädä cönaatadoojoi aaduwaawoto caju de’cäi tödööene. ¿Aaquene ca cöntännö jääcä, yä’jödöödä jeiñe mma’da ca’dö jääcä, yäänetöödö ai jeiñe mma? Wanaadi mma dhowaanäcä na yääje yeichö.

2 CODINTIYO 13:5

Änwanno deaane ä’mencatääcä chäänönge aneecamjödööcomo weichö jäcä. Äwwäädäiñe äänetääcä. ¿Odhoowanääcäiñe’da ca’ nai Jesuuquidiito ataacaiñe yeichö, quedeiyente neeneje aweiya’comjäcä?

2 CODINTIYO 5:17

Ñäädä Quidiito jadoono eduuwaato amoodetaanö ñäädä. Yää jenaado’jä töwaatame yaawä; tameedä eduuwaatoje na yaawä.

2 CODINTIYO 5:19

Edääje wä’dö’se weichö mädä: Töwö Wanaadi töjaadä ääweichacoonoje edä nono de’woncomo cönnöicho Quidiito ai; ñeejeque’näjöödöcoomoje choone’nadiiyöcoomo ännö’da cöneiyacä. Ñaa tadaawaajuije cuntui töjaadä ääweichacoonoje wä’dönä jäcä ecammajäätödö.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

EUJEESIYO 2:10

Cönwanno caato Wanaadi nödöödöje; Jesuuquidiito jadä cöwä’dödööcomo que töwö cödöötäne aashichaato tödönnamooje, jenaadä töwö cöntö’tammecöichöje dea.

CODOOSENSE 1:19

Wanaadi woije dea tameedä Wanaadi weichö Quidiito wwä na.

CODOOSENSE 1:27

Töwö tösootoi wwäiñe ecaademe’jo’se cönä’jaacä joojato aashichaato tönnödö judhíojöncomo jäcäiñe. Edä yää owaanojöönö’jödö wecammaadö: Quidiito ataacaiñe yeichö. Yää na aashichaato äwwäiñe töweiyemö onwomo’to’comooje.

CODOOSENSE 2:9

Quidiito wwääne na tameedä Wanaadi weichö.

1 JUAN 4:12

Wanaadi eneenei ’je’da na soto. Yääje yeichaame cöwä’jumma’comjäcä töwö cötaacaiñe na. Mädääje chäänönge cä’döaato Wanaadi jummadö jäcä.