JUAN 14:11 - Wanaadi A'deddu

¹¹ Cäcaanö’täcä Jaaja aca weichö, Jaaja yaaca yeichö mmaja. Ya’deddu aneecamjö’da aweiya’comjäcä, önnödö jäcäinchädä cäcaanö’täcä.

JUAN 14:11 ပူးပေါင်းရင်းမြစ်များ

JUAN 10:25

Yaawä Jesuuquidiito cönä’döaacä chäwwäiñe: —Wääcammane deeade äwwäiñe; änwanno aneecamjö’da meiya’quene. Yää Jaaja woije tönnöe wääneneedö yää nene’ju’ja chäänöngatooje weichö.

JUAN 10:32

Yaawä töwö cönä’döaacä chäwwäiñe: —Jooje aashichaato wödööne aneenedööcomooje, Jaaja jäduudu woije; ¿äshono jo’tädööje wääjätö’se maato?

JUAN 10:38

Dha’da Jaaja nödöödö nönge mmaja öwwä tödööa’jäcä önnödööne ecaanö’jai maato, öwö ya’deddu aneecamjö’da aweichaameiñe. Mädääje odhoowanääcäiñe eijai ña Jaaja yaaca yeichö, öwö dhaca weichö mmaja; quee cönä’döaacä Jesuuquidiito chäwwäiñe.

JUAN 14:10

¿Aneecamjö’da ca manä Jaaja yaaca yeichö, öwö Jaaja aca weichö mmaja? Mädä töwa’deuwe wääneneedö öwö woije mma’da ya’deuwa. Määdhä Jaaja, yaaca naanei, määdhääne nödööja.

JUAN 14:20

Yää anooto awä änwanno odhoowanääcäiñe na’de Jaaja aca weichö, öwö taaca aweichöcoomo mmaja, ataacaiñe weichö mmaja.

JUAN 5:36

Töweiye öwwä na Juan necamma’jödö e’jodhaato jaiñoone. Mädä Jaaja waanontädö tönnöe wääneneedö nene’ju’ja Jaaja yaanontänei’jödööje yeichö.

DOSECHO 2:22

“Yääje yeijäcä ya’deddu etaatäcä änwanno iisadaaediitacoomo. Ñäädä Jesuuquidiito Naasade ñano cönä’jaacä dhanwa chäänöngato. Äwwäiñe Wanaadi cöneene’ju’joi yääje yeichö täneemö tödööjodö que, ene’ju’tojo tödööjodö que mmaja, aashichaato tödööjodö que mmaja, yää Wanaadi chäwwä tönnöjo cönä’ja’dö aneenedööcomooje. Änwanno odhoowanääcäiñe na yääje yeichö.

EEWEDEO 2:4

Wanaadi mmaja chäänönge yää wätunnä weichö cöneenejoi ene’ju’tojo tödööjodö que, täneemö tödööjodö que mmaja, jooje aashichaato tödööjodö que mmaja, aneejejaiñene’jödöödä Epíiditu Santo utuudu que mmaja, tumjummadö woije.