JUAN 12:38 - Wanaadi A'deddu

³⁸ Tönwanno cönä’ja’to Isaía nimennä’jödö nönge, ñäädä Wanaadi wa’deuwödö ecammanei. Edääje cömmennäi Isaía: Cajiichaana, ¿änääcö ñaa necammajäätödö cöneecamjöi? ¿Änääcö wwä Cajiichaana cöneenejoi töjäädudu? quee cömmennäi Isaía.

JUAN 12:38 ပူးပေါင်းရင်းမြစ်များ

MATEO 15:7

Yääjönö wa’co’como wäänejoodö änwanno. Chäänönge yääje Isaía cömmennäi äjääcäiñe:

MATEO 16:17

Jesuuquidiito cönä’döaacä chäwwä: —Ta’cwaiñe eijai ma amäädä Simón, Joná nnedö. Sotoojönööne mädääje odhoowanoomane, Jaaja caju ñanoone.

MATEO 27:35

Cuduusa jäcä Jesuuquidiito ajoijo’jeje ñanno suddau yoomö’jödö töwaadäiñe cöneemecantoicho, wä’cana’canä tödöödö’jo. Mädääje chäänönge cönä’döi Wanaadi wa’deuwödö ecammanei nimennä’jödö: “Woomö’jödö töwaadäiñe cönnöicho; wä’cana’canä cönnöicho chääjäcä;” quee imennaajä wä’dödö.

JUAN 12:37

Ñeenedööcomooje jooje ene’ju’tojo tödö’jödö weichaame Jesuuquidiito wwä, ñanno judhíocoomo aneecamjö’da dea cönä’ja’to.

JUAN 12:39

Yääje yeijäcä ecaanö’jai’cha cönä’ja’to. Edääje mmaja Isaía cömmennäi chea:

JUAN 15:25

Tönwanno mädääje naato töjaajedaichomo imennaajä wä dödö nönge: “Tönwanno quiiñeme’caato ijo’tädööje’da mmädä;” quee imennaajä wä’dödö naichö nönge.

JUAN 17:12

Chääjadäiñe edä nono de’wä weichö amäädä äjäädudu que töneedai’chäiñe wä’jaaquento canno öwwä mu’netoodö. Tooni’chä ännamjo’da na; ñäädä mma cönännamjöi, töwännanö’emööje cönä’ja’dö mma, adha’deddu imennaajä wä’dödö nönge yeichö wetä.

JUAN 19:24

Yääje yeijäcä tönwannoje dea suddau cönä’döa’to: —Änsedeijätö’da queichäiye; cöwä’cana’cato’como cännötäiye, chaana’canei’jödö töwwä tödöiye yaawä; quee cönä’döa’to. Mädääje Wanaadi a’deddu imennaajä wä’dödö nönge cönä’jaacä: “Woomö’jödö töwaadäiñe cönnöicho, wä’cana’canä tödöödö’jo;” quee imennaajä wä’dödö. Mädääje cönnöicho ñanno suddau.

DOMAANO 10:16

Yääje yeichaame tameedä’da aashichaato wätunnä etannamo’jödö töneecanö’e naato. Edääje Isaía nimennä’jödö nä’döa: “Cajiichaanä, ¿änääcö necaanö’anä ñaa necammajäätödö?” quee.

DOMAANO 10:20

Edääje mmaja Isaía Wanaadi wa’deuwö’jödö cöneecammai chea: Ñanno yuujiiñamoojönö yeedantäneeto; öwö wäänejoone yencano’tännamoojönö wwä; quee Isaía cöneecammai.

1 CODINTIYO 1:24

Ñanno Wanaadi na’dejjadö wwäiñe mmaane Quidiito na Wanaadi jäduudu edhaajäje, shejjedö edhaajäje mmaja, judhío wwäiñe, quidiiyeeco wwäiñe mmaja.

CAADATA 1:16

Wanaadi Tönnedö cöneenejoi öwwä, judhíojöncomo wwä aashichaato wätunnä ecammajä’neije weichö wetä. Yää ’jeje yää jäcä soto aneecamma’jojäätö’da weiyaqueene.