JUAN 10:26 - Wanaadi A'deddu

²⁶ Yääje yeichaame aneecamjö’da maato, sootoije’da aweichomjäcä, jenaadä wä’döaaquennöje dea.

JUAN 10:26 ပူးပေါင်းရင်းမြစ်များ

JUAN 10:27

Öwö sootoi ya’deddu töneeta weneeneto, tädhaajä a’deddu oweeja töneeta töweiye naichodööje. Yoowanääcä tönwanno; tönwanno öncäcä töötä weneeneto.

JUAN 10:4

Tameedä ija’canö’ja’comjäcä dhowaajoiñe töötä yaawä töwö. Oweeja nötaato yaawä inchäcä, dhowaanäcäiñe yeijäcä dha’deddu.

JUAN 6:37

Tameedä öwwonooje Jaaja nutuudu ne’a öwwadäädä. Ñäädä öwwadoodono we’ajä änquiiñemeecö’da wa.

JUAN 6:65

Töwö cönä’döaacä: —Yääje yeijäcä yääje wä’döaanä äwwäiñe, anejja e’jai’cha na öwwadäädä Jaaja nenno’jadööje’da yeiya’jäcä; quee cönä’döaacä.

JUAN 8:47

Ñäädä Wanaadi nnedö Wanaadi a’deddu töneeta töweiye nai. Änwanno mmaane aneeta’da maato, Wanaadi nnacoomoje’da aweijäcäiñe; quee cönä’döaacä Jesuuquidiito.

1 JUAN 4:6

Cönwanno mmaane Wanaadi sotoije caato. Ñäädä Wanaadi jadoono ca’dedducoomo töneeta weneene; ñäädä Wanaadi jadoonojöönö mmaane ca’dedducoomo aneeta’da na. Mädääje ene’ju’jai caato ñäädä chäänöngato woije ecammajä’nei, chäänöngemjönö woije ecammajä’nei mmaja.