JIIDEMÓN 1:7 - Wanaadi A'deddu

⁷ Weichacoono, mädä wä’jummanä ’je aweichö ya’cwaimatä weneene, jäädu’tätä mmaja, amäädä ani’wa’tädö que quedeiyentecoomo tömjädu’täiñe aweijäcä.

JIIDEMÓN 1:7 ပူးပေါင်းရင်းမြစ်များ

1 CODINTIYO 16:18

Tönwanno ta’cwaiñe tö’tamme’jojä’tä weneeneto, änwanno mmaja. Canno nönga’como aashicha tödööjai caato.

2 CODINTIYO 7:13

Yääje yeijäcä ta’cwaiñe ñaa na. Ta’cwaiñe’cä jeene mmaja ñaa na dea Tiito ta’cwaiñe yeijäcä; töwö ajaadäiñe yeichö tameedä änwanno ma’cwaimatääne.

2 CODINTIYO 7:4

Jooje ta’cwaiñe wa äjääcäiñe, aashicha äjääcäiñe töwa’deuwe wäänene dea. Änwanno jäädu’tätä määnetääne; jooje töwäntunaanö’e ñaa weichaame ta’cwaiñe ñaa tö’tamme’jotä määnetääne.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

1 TEESADOONISENSE 2:13

Ñaa wwä Wanaadi a’deddu ecammajäätödö eta’jäcä äwwäiñe soto wätunnäije ane’tä’da mä’ja’quene; Wanaadi a’deddujeene me’tätääne. Chäänönge me’tätääne, Wanaadi a’dedduune yeiyajä. Yää, Wanaadi a’deddu, aashicha ayöödöaato, änwanno ecaanö’nnamo. Yääje yeijäcä yeichöje aashicha töwa’deuwe ñaa weneene Wanaadi wwä.

1 TEESADOONISENSE 2:19

Änwanno maato ñaa tö’tajo’tojooje, ñaa a’cwaniiyöje mmaja. Äjääcäinchädäiñe ta’cwaiñe ñaa na’de Cädhaajotoncomo Jesuuquidiito we’a’jäcä.

1 TEESADOONISENSE 3:9

Wanaadi owaadäädä jooje ta’cwaiñe ñaa na äjääcäiñe. Yääje yeijäcä edenna’da ñaa na äjääcäinchädäiñe aashicha töwa’deuwödö Wanaadi wwä.

2 TIIMOTEO 1:16

Wentumje Cajiichaana wwä Oonesíijodo wä’jimmä’tädö ene’se wa, weiñäje ö’wa’tä’jödö weijäcä chäwwä; jedeesoje weichö ämjöichä’da cönä’jaacä töwö.

JIIDEMÓN 1:20

Weichacoono, öwö daja aashichaato que emeetacaamajo’se wa äwwä. Quidiito jäcäinchädä ca’cwaimacä mädä äwwä wödööjaadö jäcä.

2 JUAN 1:4

Jooje ta’cwaiñe wä’jaaquene dhantai ännacoomo chäänöngato wätunnä woije yeichöcoomo edanta’comjäcä öwwä, Cumöötoncomo Wanaadi canontätäänedööje dea.