JIIDEMÓN 1:14 - Wanaadi A'deddu

¹⁴ Yaawääne’ äwwä etaadö’jo’da yääje tödö’se’da wä’jaaquene, owoije’da mma aashichaato männö’no jääcä, owoijeene mödöiye.

JIIDEMÓN 1:14 ပူးပေါင်းရင်းမြစ်များ

1 CODINTIYO 9:17

Yääje yeijäcä tödö’se weichö que öwwä ecammajä’a’jäcä yeeje’jödö eneejai wa yaawä. Yaawääne’ öwö woije’daane mädääje wa, Wanaadi nödööjodö woijeene.

1 CODINTIYO 9:7

¿Änääcö ca suddauje töweiye nai töwö dea töwaichadö adöödö ejeemancädä? ¿Änääcö ca töwwä audaajä aichö’jödö weichaame yää ’jeje änäu’cwa’da töweiye nai? ¿Änääcö ca oweeja töneedai’chä nai imaanatöödö eccudu engancädä’da?

2 CODINTIYO 1:24

Aneecamjödööcomo jäcä adhaanontäjaiñe’da ñaa weichaame, yäätäädääne aneecamjödööcomo weiyajä; ä’wa’tädööcomo mmaane mädä ñaa wwä, jooje’cä ta’cwaiñe aweichöcoomo wetä.

2 CODINTIYO 8:12

Utu’se töweichö que u’a’jäcä, töwö Wanaadi yaacö’je na yääje utuudu. Töwwä töweiye yeichö woije mma tunu’jo töwö Wanaadi; töwwä töweiye yeichö e’jodhe änu’jo’da.

2 CODINTIYO 9:5

Yääje yeijäcä canno quedeiyentecoomo wwä ya’deune yoowajo adöiñaiñe iichädööcomo wetä, yää täjemjönööje tu’emö aneecamma’jocoomo choonecaadö wetä yoowajo. Yaawä ööta’jäcä tösoomajä’e ani’jumma’jocoomo eijai ña; ämjummadööcomo woijatooje eijai ña yaawä, anontaajäje’daane.

2 CODINTIYO 9:7

Awaadäiñe u’jai maato äntö’tammecöödöcoomo woije, utu’se’da töweichö que’daane, anontaajäje’da mmaja. Wanaadi wacö’je ñäädä ta’cwaiñe töweiyancädä u’nei.