JIDIIPENSE 4:9 - Wanaadi A'deddu

⁹ Yää tödöötäcä’de änwanno, monoowanoomatäänedö, äwwäiñe mödöötäneedö mmaja, metaatäneedö mmaja, tödöödöje cäneea’quennö. Yaawä Wanaadi ajaadäiñe na’de, ñäädä täncanoode’da weiñä edhaajä.

JIDIIPENSE 4:9 ပူးပေါင်းရင်းမြစ်များ

MATEO 1:23

Dhanwa acä eijönö niwensu’ta’de; iiñedo nennua’de; Emanweedaje nätä’täja’de; quee cöneecammaichö. Wanaadi cöjaadäiñe na; quee töwä’dö’se yeichö mädä Emanweeda, quee naadö.

MATEO 28:20

Owaanomaatäcä’de tameedä äwwäiñe manaanontätäänedö tödöödö jäcä. Öwö ajaadäiñe wa’de yeichöödäje, anooto wataamedö jonaane; quee cönä’döaacä Jesuuquidiito. Amén.

MATEO 7:21

“Tameedä’da nomongaato’de caju ña: “Cajiichaana, Cajiichaana;” que’como wä’dödö. Ñannoone, Jaaja caju ñano woije tödönnamoone nomongaato’de.

DUUCA 6:46

“Ane’que’nei Cajiichaanaje cä’taato, ya’deddu woije’da aweichaameiñe?

DUUCA 8:21

Töwö Jesuuquidiito cönä’döaacä chäwwäiñe: —Ñanno Wanaadi a’deddu etannamo, tödönnamo mmaja, ñannoone ñanno maama, yaacontomo mmaja; quee cönä’döaacä Jesuuquidiito.

JUAN 13:17

¿Odhoowanääcäiñe jönca näätaanä? Ta’cwaiñe eijai maato mädä tödööajäcä äwwäiñe.

JUAN 15:14

Änwanno jimmäje maato öwö waanontädö tödööa’jäcä äwwäiñe.

JUAN 2:5

Yaawä Jesuuquidiito dhenö cönä’döaacä äwanshi ecaamonnamo wwä: —Tödöötäcä tameedä ñaanontädö woije; quee cönä’döaacä.

DOSECHO 9:6

Saudo cöntätä’nöngacä yaawä tösaccomje. Töwö cönä’döaacä: —Cajiichaana, ¿ane’cäämö tödööjo’se manä öwwä? quee. Yaawä Cajiichaana cönä’döaacä chäwwä: —Aanöncä; jataaca äjääne. Yäätä töweiye na äwwä ecammanei; quee.

DOMAANO 15:33

Wanaadi, ñäädä täncanoode’da weichojo u’nei, ajaadäiñe yei’she wa. Amén.

DOMAANO 16:20

Wanaadi ñäädä täncanoode’da weiñä edhaajä. Eduuwaiche mma töwö Caajuushawa odho’cäiñe nemajja’de. Cädhaajotoncomo Jesuuquidiito nutuudu aashichaato äwwäiñe yei’she wa.

1 CODINTIYO 10:31

Wanaadi wwonoojeene tameedä tödööjai maato, äwääwashinchädööcomo mmaja, owoocödööcomo enöödö mmaja, tameedä anejja tödöödö mmaja.

1 CODINTIYO 14:33

Wewoodoichanä edhaajäjöönö ñäädä Wanaadi, acu’shämje weiñä edhaajääne. Tameedä quedeiyentecoomo wecanta’ñänä tönnöe weneenetoodöje dea

1 CODINTIYO 4:16

Yääje yeijäcä edääje mänwätuujaato: Öwö nönge mmaja eichäcä.

2 CODINTIYO 13:11

Mädääje mma wä’dö’se wä’jaanä, jimmä. Chäänönge aweichöcoomo encano’tätääcä; ä’jädu’tätääcäde; aata’deucwe eichäcä; täncanoode’da eichäcääde. Yaawä Wanaadi ajaadäiñe eijai ña, ñäädä täncanoode’da weiñä edhaajä, wä’jummanä edhaajä mmaja.

JIDIIPENSE 3:17

Jimmä, öwö nönge mmaja eichäcä. Ñannoone ene’matääcä, adhantawäiñe ñaa töweiye cönä’ja’dö nönga’como deaane.

JIDIIPENSE 4:7

Yaawä Wanaadi nu’a’de äwwäiñe täncanoode’da aweicho’como, yää soto owaanojöönö. Yää täncanoode’da aweicho’como adheewanööcomo nedai’cha’de, ätö’tajäätödööcomo mmaja, Jesuuquidiito woije.

1 TEESADOONISENSE 1:6

Änwanno mä’dötääne ñaa cu’jä’nenaamoje, Cädhaajotoncomo Jesuuquidiito cu’jä’nenaamoje mmaja. Änwanno adha’cwaniiyöcoomo Epíiditu Santo nutuudu que aashicha metaatäne Wanaadi a’deddu, ijo’tädööje jooje äwäntunaanö’taameiñe.

1 TEESADOONISENSE 2:14

Änwanno jimmä, ajimmotoncomo wwä äwäätä’maminchajoodawäiñe änwanno mä’ja’quene anejjacoomo Wanaadi ecaanö’nnamo wei’jocoomo nönge mmaja, ñanno Judheea ñancomo, Jesuuquidiito sotoi. Tönwanno mmaja cönäätä’maminchajoicho dea töjimmotoncomo judhío wwäiñe.

1 TEESADOONISENSE 5:23

Wanaadi, ñäädä täncanoode’da weichojo edhaajä, chäänönge jeene ocoonecaato. Töwö dea yä’jödöödä adheedai’chaato conemjönö ’je’da aweichöcoomo wetä odo’tadööcomo jäcä, ätö’tajäätödööcomo jäcä mmaja, adheejöcoomo jäcä mmaja, Cädhaajotoncomo Jesuuquidiito weejödö jonaane.

2 TEESADOONISENSE 3:4

Cädhaajotoncomo dea nu’a ñaa wwä täncanoode’da äjääcäiñe ñaa tö’tajo’tojo, ñaa owaanäcä yeijäcä tönnöe aweichöcoomo tameedä adhaanonto’jocoomo ñaa wwä; ñaa owaanäcä mmaja tödöödöje dea eijai aweichöcoomo.

2 TIIMOTEO 4:22

Cajiichaana Jesuuquidiito ajaadä na; aashichaato Wanaadi nutuudu äwwäiñe yei’she wa. Amén.

SANTIYAACO 1:22

Tödööeene tödöötäcä yää Wanaadi a’deddu necammadö; täta mma maneetatäi’che. Äwwäiñe etaataame ännö’da aweiya’comjäcä, äwwäädäiñe dea mätäncu’taato yaawä.

2 PEEDHODO 1:10

Yääje yeijäcä jimmä, jooje’cä jeene ä’jädu’tätääcä, chäänönge odhoowanääcäiñe yeichö wetä Wanaadi na’dejjadööje aweichöcoomo, ñe’ta’jödööje aweichöcoomo mmaja. Yää tödööa’jäcä äwwäiñe shaadijaamö’da eijai maato yeichöje.

1 JUAN 3:22

Tameedä cöne’catäädöcoomo töwö u’jai ña yaawä, ñaanontä’jödö tönnöe cöweijäcäiñe, yaacötö tönnöe cöweijäcäiñe mmaja.