JIDIIPENSE 4:8 - Wanaadi A'deddu

⁸ Jimmä, edääje wä’cadööje wä’dö’se wa äwwäiñe: Tameedä sa’donnato jäcä ätö’tajä’täcä, tameedä tujummamjato jäcä mmaja, tameedä chäänöngato jäcä mmaja, tameedä nossajemjönö jäcä mmaja, tameedä aashichaato jäcä mmaja, tameedä töwa’deme’quemjato jäcä mmaja. Aashichaato töweiye yeiya’jäcä, aashicha wa’de’to’mato töweiye yeiya’jäcä mmaja, yää jäcääne ätö’tajä’täcä.

JIDIIPENSE 4:8 ပူးပေါင်းရင်းမြစ်များ

MATEO 22:16

Tönwanno jaadiseeo tönoowanoomadö cönenno’jaicho yaawä Jesuuquidiito döiña, Edoodhe sotoi jadäiñe. Ñanno cönä’döa’to Jesuuquidiito wwä: —Owaanomaanei, ñaa owaanäcä na chäänöngatooje aweichö, Wanaadi a’deddu jäcä chäänönge tönoowanooma aweichö mmaja. Ooto’jodhe soto ännö’da ma amäädä, ye’wono woije mma anemmenca’da aweijäcä.

MAADOCO 6:20

Juan tönnontä Edoodhe weijäcä. Töwö Edoodhe dhowaanäcä cönä’jaacä aashicha Juan weichö, chäänöngatooje yeichö mmaja. Yääje yeijäcä Edoodhía wwä töneewontä cönä’jaacä. Towaanäcä’da Juan necammajäätödö wäätataame Edoodhe eta’se dea töweiye cönä’jaacä.

DUUCA 16:15

Yaawä Jesuuquidiito cönä’döaacä chäwwäiñe: —Änwanno soto neneedöcoomoje mmädä aashicha äwäänejo’seiñe määnetääne. Wanaadi mmaane ätö’tajäätödööcomo jaiñoone dhowaanäcä na. Yaa aashichaato wa’cä soto wwäiñe yäänedö naadö, Wanaadi wwä mmaane cone’da na.

DUUCA 2:25

Yäätä Jeduusadén ña cönä’jaacä dhanwa, Simeón täätö. Ñäädä cönä’jaacä chäänöngato, Wanaadi woije tödöönei. Töwö cönwomo’cacä iisadaaediitacoomo wääwanaacato’como. Epíiditu Santo ’je ñäädä Simeón cönä’jaacä.

DUUCA 23:50

Yäätä cönä’jaacä dhanwa, Joséje chäätö. Aadimaatea ñano töwö cönä’jaacä, yää Judheea ñano jata. Äcamma’jonnamo jimmä töwö cönä’jaacä. Dhanwa aashichaato cönä’jaacä töwö, chäänöngato mmaja.

JUAN 7:18

Ñäädä töjääcono wa’deuwödö töwö mma aashichaatoje nätä’ta. Tanontänei’jödö jäcoono wa’deuwödö mmaane chäänöngato ñäädä; ätäncu’tä’da töwö.

DOSECHO 10:22

Ñanno cönä’döa’to yaawä chäwwä: —Conneediyo woije ñaa neejä, ñäädä suddau edhaajotoncomo. Aashichaato töwö, Wanaadi tönoiñe töneene. Tameedä judhíocoomo aashicha töwa’deuwe weneeneto chääjäcä, tumjumma mmaja. Wanaadi amoodedö chäwwä cönä’döaacä: “Peedhodo ene’jocä’de adöiña, chäwwä ecammajäätödö metaiye;” quee cönä’döaacä ñäädä amoode; quee cönä’döa’to ñanno Conneediyo sotoi.

DOSECHO 22:12

“Yäätä cönä’jaacä dhanwa, Aananíaje chäätö. Ñäädä tönnöe cönä’jaacä tameedä Moisé waanontä’jödö woije. Tameedä judhíocoomo Damaacu ñancomo aashicha töwa’deuwe cönä’ja’to chääjäcä.

DOSECHO 6:3

Yääje yeijäcä ajimmotoncomo aneedantätääcä aacä amoojato dhanwaacomo, aashicha’como chääcadö dea, towaanojo’na’como, Epíiditu Santo jäduudu ’ja’como mmaja. Ñanno wwäiñe mädä tödööjotääcä.

DOMAANO 13:13

Chäänönge queichäiye, tawaanato acancomo eijai ñaatoodöje dea. Wä’dau’nä jäcä’da queichäiye, wänwanä jäcä’da mmaja, imaasuduicha’da mmaja, anejja conemjönö jäcä’da mmaja, ätäccujäätö’da mmaja, e’neimma’da mmaja.

DOMAANO 13:3

Ñanno cajiichaanaje naatoodö aashicha’como ecaatoncannamooje’da naato, conemjönö tödönnamoone. Acu’shänä ñontä’se’da aweiya’comjäcä aashicha eichäcä, ta’cwaiñe äjääcäiñe eiye yaawä.

DOMAANO 14:18

Ñäädä mädä tödööancädä Quidiito wwä tödöönei, Wanaadi na’cwaima, soto wacö’jeiñe mmaja.

DOMAANO 2:29

Ñäädääne judhío neeneje na, tötö’tajäätödö aiño wäänejoodööne; tötö’tajäätödö jäcoono mmaja yää siicunsidaadoje weiñä chäänöngato. Yääje weiñä töweiye nai waanontänä imennaajä woije weiñä que’da, Epíiditu Santo ne’se’tädö woijeene. Ñäädä yääjato jäcä Wanaadi aashicha na’deuwa, sotoojönööne.

1 CODINTIYO 4:5

Yääje yeijäcä awa’dennodä’daane emmencatääcä. Cajiichaana neejö’ñojo awa’de, yaawä töwö jaiñoone necaademe’ca’de tameedä tööjato aca etoone’taajä. Töwö necaademe’ca’dede tameedä soto tö’tajäätödööcomo; yaawä Wanaadi chääwaadäiñe niya’deme’caato’de iiñö’jocoomo ’cäwa’cä.

2 CODINTIYO 13:7

Wanaadi wwä töwa’deuwe ñaa weneene conemjönö ännö’da aweichöcoomo wetä. Aashicha ñaa weichö ecaademe’jodö jäcäinchädä’da yääje Wanaadi wwä töwa’deuwe ñaa weneene, chäänönge aweichöcoomo wetä mmädääne, anejjacoomo wwä ñaa ementätaame.

2 CODINTIYO 6:8

Aneedawä aashicha ñaa dötä soto weneeneto, aneedawä ’quene ñaa tu’de’tätä; aneedawä aashicha ñaa jäcä töwa’deuwe weneeneto, aneedawä ’quene cone’da. Aneedawä äncu’tännamooje ñaa e’tätä weneeneto, aneedawä chäänönga’comooje.

2 CODINTIYO 8:18

Tiito jadä ñaa nenno’ja anejja quedeiyente mmaja, tameedä quedeiyentecoomo wwä tacaadato, chäänönge yeetadaawa’cajoodö weijäcä aashichaato wätunnä ecammajäätödö jäcä.

2 CODINTIYO 8:21

Chäänönge töweichö ñaa nencano’ta, Cajiichaana Jesuuquidiito owaadäädä mma’da, soto owaadäädäiñe mmajaane.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

EUJEESIYO 4:25

Yääje yeijäcä juutuje’da eichäcä eduuwa; tameedä na’deuwö’ña’to chäänöngato que töweichacoono wwä, yää dea ejööje cöweiya’como.

EUJEESIYO 5:9

Yää tawaanato aca weiñä nä’dhe’ma ta’cwaiñe weiñäje, chäänöngatooje mmaja, aashicha weiñäje mmaja.

EUJEESIYO 6:14

Yäätäädä eichäcä; chäänöngato wätunnä ä’dha’mötööcomooje tödöötäcä; chäänönge weiñä que oowontätääcä, suddau tö’dojöödö womö tönnöe töweiye naichöje.

JIDIIPENSE 3:1

Edääje mmaja wä’dö’se wa dea jimma: Cajiichaana Jesuuquidiito jäcäinchädä ta’cwaiñe eichäcä. Yaaquiñuuduje’da na yää dea öwwä imennädö äwwadäädäiñe, chäänönge aweicho’comoojeene yeiyajä.

CODOOSENSE 4:5

Odhoowadäädäiñe eichäcä quedeiyentejöncomo jadä aweichawäiñe. Anooto mma mämmacuudätäi’che.

1 TEESADOONISENSE 4:12

Yaawä quedeiyentejöncomo aashicha chö’tajä’jai ñaato äjääcäiñe. Mädääje aweiya’comjäcä a’que’da’da äwwäiñe na’de.

1 TIIMOTEO 2:2

Acu’shänä jäcä mmaja Wanaadi wwä a’deujai ñaato dea, tameedä cajiichaanacoomo jäcä mmaja, täncanoode’da cöweichöcoomo wetä yaawä, ätäncano’tä’daane, aashicha cöweichöcoomo wetä mmaja, Wanaadi woije.

1 TIIMOTEO 3:11

Wodiiñamo mmaja tacu’shänäiche eijai ñaato dea, wätunnä dha’me’da mmaja, wataasheje’da’da mmaja; tameedä töweichöcoomo jäcä chäänönge eijai ñaato.

1 TIIMOTEO 3:4

Aashicha töjaadoncomo anontäjai ñaato. Töwö tönnacoomo iiñejencajai ñaato ta’deucwe, tanoonöje mmaja.

1 TIIMOTEO 4:12

Anejja wwä mä’quimmajoi’che mude’cäje aweijäcä; quedeiyente neneedöcoomoje chäänönge eichä awa’deuwödö jäcä, aweichö jäcä mmaja, wä’jummanä jäcä mmaja, ätö’tajäätödö jäcä mmaja, ecamjödö jäcä mmaja, aashichaato tödöödö jäcä mmaja.

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.

1 TIIMOTEO 5:2

No’sancomo mmaane aanö nönge tödööcoto; ajei’choto’ja’como ajaadui’chomo nönge tödööcoto, aneiñaja ätö’tajä’ancädä’da.

TIITO 1:8

Tödöiña yä’döa’como ewanshinchäneichomooje töwö eijai ña. Aashichaato tödööneije eijai ña dea, towaadoodoto mmaja, chäänöngato mmaja, Wanaadi woijato mmaja, acu’shämjato mmaja.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

TIITO 2:2

Ñanno inchoncomo eijai ñaato towaadäädäiñe, nontätä mmaja, chäänönge töneecanö’e mmaja. Chäänönge eijai ñaato dea wä’jummanä jäcä, aashicha shinchädö jäcä mmaja.

TIITO 2:7

Amäädä mmaja aashicha eichä’de, aweichö eneiyeto, anönge mmaja yeichöcoomo wetä yaawä. Acu’shämje owaanomaacoto, wätäncu’tänä que’da,

TIITO 3:14

Quedeiyentecoomo näämu’ca’ña’to aashichaato tödöödö jäcä, a’ca’como i’wa’tädööcomo jäcä mmaja, tödööneije’da mma ei’ñoto.

EEWEDEO 11:2

Töneecanö’e yeichöcoomo jäcäinchädä ñanno jenaado’jocoomo aashicha täcaadöcoomo cöneetajoicho.

EEWEDEO 13:18

Wanaadi wwä adha’deutäcä ñaa joi; ñaa owaanäcä na chäänönge tötö’tajäätödö weichö. Chäänönge töwei’she ñaa weneene tameedä töweichö jäcä.

SANTIYAACO 1:27

Edä yää Cumöötoncomo Wanaadi owaadäädä chäänönge töneecanö’e weiñä: Yeenö wääma’jödö i’wa’tädö, yuumö wääma’jödö mmaja, iiño wääma’jödö mmaja, tameedä yäntunamjödööcomo jäcä. Edä nono de’wono conemjönö jäcä chaadota’da weiñä mmaja yää dea chäänönge töneecanö’e weiñä.

SANTIYAACO 3:17

Dha’daane ñäädä caju ñano sejje ’jano. Masuuduije’da töwö, ätäuwö’da mmaja, aashicha soto tönnöe mmaja, soto jäcäiñe ta’cwaiñe mmaja, töweichacoono wa’deuwödö eta’se’da’da mmaja, wentumje äneetä mmaja, aashichaato tönnöe mmaja, ätäncu’tä’da mmaja. Yääjönö wa’cä äänejo’da mmaja na dea ñäädä caju ñano sejje ’jano.

1 PEEDHODO 1:22

Änwanno chäänöngato wätunnä mecaanö’täne Epíiditu Santo ni’wa’tädö que. Mädääje adheewanööcomo michoccajootäne, wätäncu’tänä que’da quedeiyentecoomo ijummadööcomo wetä äwwäiñe. Yääje yeijäcä joojeene ä’jummatääcä, adheewanööcomo jadäädääne.

1 PEEDHODO 2:12

Aashicha eichäcä Wanaadi dhowaanojöncomo jadäiñe. Eduuwa conemjöncomooje adhe’tätaameiñe, yaawä aashichaato ännödööcomo eneedö’jo Wanaadi jäcä aashicha na’deuwaato’de, chäwwä töwäätäcamma’jojoodawäiñe.

1 PEEDHODO 4:8

Mädä de’wä mmaja jeene adheewanööcomo jadäädä ä’jummatääcä, wä’jummanä jooje conemjönö töneetatannä’ca yeijäcä.

2 PEEDHODO 3:1

Jimmä umjummadö, edä aacädeeto jajeeda wimenna äwwadäädäiñe. A’nädä ömmennädö aca ätö’tajäätödööcomo wemjaca ätö’tamme’jodööcomo que.

1 JUAN 3:18

Önnacoomo’cä, ca’dedducoomo que mma’da cä’jummato’ñojo, cöntadööcomo que mma’da mmaja, chäänöngato queene, tödööancädä mmaja.

1 JUAN 3:3

Ñäädä yää womo’nei aashicha töwei’she weneene, Jesuuquidiito aashicha naadöje mmaja.

1 JUAN 4:1

Jimmä umjummadö, tameedä ecammajäätödö mmädä maneecanö’täi’che, ñanno Wanaadi woija’como wätä’tädö necammajäätödööcomo. Töneene’ju’eene eichäcä Wanaadi woijatooje yeichö, yoijatooje’da yeichö jeiñe mma. Jooje naato eduuwa edä nono de’wä ecammajä’nnamo chäänöngemjöncomo, Wanaadi woija’como wätä’tädö.