JIDIIPENSE 4:6 - Wanaadi A'deddu

⁶ Ane’cä’cä jäcäinchädä mma maaquiñu’tätäi; töwa’deuwe mmaane adha’deutäcä Wanaadi wwä, tameedä ännödööcomo jäcä. Ämjummadööcomo ane’ca’täcä chäwwä, aashicha awa’deuwancädäiñe chäwwä.

JIDIIPENSE 4:6 ပူးပေါင်းရင်းမြစ်များ

MATEO 10:19

Yaawä äcamma’jonnamo wwä ayuutudaawäiñe, mätäncano’tätäi’che awa’deuto’como jäcä, äwwäiñe ecammajo’tojo jäcä jeiñe mma. Äwwäiñe eccujo’tojo cu’nädö aca yä’döa’jäcä Wanaadi nu’a’de awa’deuto’como.

MATEO 13:22

Yää dhadöödö wesooca ’jano de’wä cönä’meichö ’quene, Wanaadi a’deddu etannamo cu’tädö yää, ñanno edä nono de’wono ijummannamo, mösooma ijummadö ca’como wätäncu’tojoodöcoomo. Tameedä yää Wanaadi a’deddu na’dua, aashicha ejaamö’da yeichö wetä.

MATEO 6:34

Yääje yeijäcä mätäncano’tätäi’che jenamma aweicho’como jäcä. Jenammade’ ätö’tajä’aatoone’ jenamma aweicho’como jäcä. Chääwa’cä mma töweiye nai conemjönö anooto waadäi.

MATEO 6:8

Ñanno wei’yejeiñe meichäi’che änwanno. Oomotoncomo dhowaanäcä na äwwäiñe a’cato, töwwä e’catäädö owaajodä dea.

DUUCA 10:41

Jesuuquidiito cöneccujä’acä yaawä; cönä’döaacä: —Amäädä Maadata, jooje deja ataadawaajui jäcä mätäncano’ta dea.

DUUCA 12:22

Yää ’jeje Jesuuquidiito cönä’döa’dea tönoowanoomadö wwäiñe: —Yääje yeijäcä yääje wä’döa äwwäiñe, eetä aweicho’como jäcä mma mätäncano’tätäi, yää adheewanshiñööcomo ejoodödö jäcä, owoomöcoomo ejoodödö jäcä mmaja.

DUUCA 12:29

Yääje yeijäcä maaquiñu’tätäi’che adheewanshiñööcomo ejoodödö jäcä, owoocödööcomo ejoodödö jäcä mmaja.

DUUCA 18:1

Edä mmaja Jesuuquidiito chäwwäiñe cöneecammai chea, yö’seenoje, töweejäduuque’ancädä’da weiñäje Wanaadi wwä wa’deunä jäcä.

DUUCA 18:7

¿Wanaadi ’ña? ¿Töneichö ani’wa’tä’daiñe eijai nichö’taanä, ñanno ano, coijai’jödöödä töwwä töwa’deuwe weneenetoodö? ¿Numa ca ani’wa’tä’daiñe eijai ñai?

1 CODINTIYO 7:21

Tädhaajäque aweichö Wanaadi wwä adha’dejja’jäcä cone’da männöi yää tädhaajäque aweichö. Yaawääne’, tädhaajäque aweichö jonno äwäätu’catoojo ecamma’jäcä mänquiiñemeecöi.

1 CODINTIYO 7:32

Adhaaquiñuuducoomo ’je’daane yei’she wa. Ñäädä tö’dhemjönö nencano’ta Cajiichaana nödöödö, Cajiichaana a’cwaimatoojo.

2 CODINTIYO 1:11

Änwanno mmaja ñaa ’wa’täjai maato dea Wanaadi wwä awa’deuwödööcomo que. Jooje soto Wanaadi wwä ñaa jäcä ya’deuwa’comjäcä, jooje naato’de yaawä aashicha Wanaadi jäcä töwa’deuwaamo, ñaa jäcä aashichaato iiñö’jödö jäcäinchädä.

EUJEESIYO 5:20

Cädhaajotoncomo Jesuuquidiito eetö joi aweichöcoomoje aashicha adha’deutäcä Cumöötoncomo Wanaadi wwä, tameedä äjääcäiñe töweeja’dä’e weneenedö jäcä.

EUJEESIYO 6:18

Tameedä mädä tödöötäcä yeichöje Wanaadi wwä awa’deuwancädäiñe Epíiditu Santo ni’wa’tädö que; chäwwä adha’deutäcä ämjummadööcomo e’ca’ancädä. Odhoowadäädäiñe eichäcä mädä jäcä, aweejäduuque’ancädäiñe’da, tameedä Wanaadi sotoi jäcäiñe Wanaadi wwä awa’deuwancädäiñe.

CODOOSENSE 3:15

Wanaadi nutuudu täncanoode’da weiñä ätö’tajäätödööcomo e’se’täneije nei’ñojo. Mädääje töweiyaamoje Wanaadi adha’dejjatääne, tooni chääjöje mma aweichöcoomo wetä. Yeichöje Wanaadi wwä aashicha adha’deutäcä.

CODOOSENSE 3:17

Tameedä awa’deuwödööcomo, ännödööcomo mmaja, Cajiichaana Jesuuquidiito wwonooje tödöötäcä, Cumöötoncomo Wanaadi wwä aashicha awa’deuwancädäiñe Quidiito joi.

CODOOSENSE 4:2

Yeichöje Wanaadi wwä adha’deutäcä, töwö ya’deme’cancädä, odhoowadäädäiñe aweiyancädäiñe mmaja.

1 TIIMOTEO 2:1

Edääje wä’dö’se wa awa’de: Quedeiyentecoomo Wanaadi wwä a’deujai ñaato tameedä soto jäcäiñe; tumjummadööcomo e’ca’jai ñaato dea, aashicha a’deujai ñaato dea Wanaadi wwä.

1 TIIMOTEO 5:5

Ñäädä wodi iiño wääma’jödö töjääcäjeenato jaiñoone Wanaadi ecaanö’jai ña; Wanaadi wwä a’deujai ña ano, coijai mmaja.

1 PEEDHODO 4:7

Tameedä yaatameetojo amoinche’da na. Yääje yeijäcä odhoowadäädäiñe eichäcä, acu’shämje mmaja. Yeichöje Wanaadi wwä adha’deutäcä.

1 PEEDHODO 5:7

Tameedä adhansu’däneichomooje weneenedö Wanaadi wwä ecammatääcä, töwö adheedai’chätäiñe yeijäcä.