JIDIIPENSE 4:5 - Wanaadi A'deddu

⁵ Ta’cwaiñe aweichöcoomo äänejootäcä tameedä soto wwäiñe. Amoinche’da Cajiichaana na.

JIDIIPENSE 4:5 ပူးပေါင်းရင်းမြစ်များ

MATEO 6:25

“Yääje yeijäcä yääje wä’döa äwwäiñe: Eetä aweichöcoomo jäcä mma mätäncano’tätäi’che, yää adheewanshiñööcomo ejoodödö jäcä, owoocödööcomo jäcä mmaja, owoomöcoomo jäcä mmaja. ¿Tujunne’cä jönca nai aweichöcoomo, äwanshi e’jodhe’cä? Adheejöcoomo tujunne’cä mmaja, womö e’jodhe’cä.

MATEO 6:34

Yääje yeijäcä mätäncano’tätäi’che jenamma aweicho’como jäcä. Jenammade’ ätö’tajä’aatoone’ jenamma aweicho’como jäcä. Chääwa’cä mma töweiye nai conemjönö anooto waadäi.

DUUCA 21:34

“Odhoowoinchadäiñe’da eichäcä änwanno, wääwashinchänä jäcä tö’tajä’nä que moowoinchatäi’che, wä’dau’nä que mmaja, edä nono de’wono jäcä tö’tajä’nä que mmaja, äwwäiñe tacaade’da mma yää anootoi’chädö aca ä’dö’no.

1 CODINTIYO 16:22

Anejja Cajiichaana Jesuuquidiito ämjumma’da yeiya’jäcä töwännanö’e na ñäädä. Ä’cäde’de amäädä Cajiichaana Jesuuquidiito.

1 CODINTIYO 6:7

Cone’da aweichöcoomo dea mädä ajimmotoncomo jäcä cone’da määnetäänedö. ¿Aaquene’ töshinchä mmaane äwwäiñe shincha’jäcä äjääcä conemjönö tödöödö? ¿Aaquene adheememmecöödö shincha’jäcä mmaja?

1 CODINTIYO 8:13

Yääje yeijäcä yää äwanshi weichacoono ema’jotoojoje yeiya’jäcä änäänä’daane eijai wa, conemjönö aca mma weichacoono waneema’jo’no.

1 CODINTIYO 9:25

Ñäädä töwootoneejaamö töwäädai’cha töweiye nai, töcoone’majaicho ännö’da. Yää tönnöe weneene canaanadi chuu adö döaajä mmädä cana’cadö wetä, töwaatameemö mma. Cönwanno mmaane cotoonejaato yeichöödoto cäje’jocoomo cana’cadö wetääne.

2 CODINTIYO 10:1

Öwö Paudo dea ya’deuwa äwwäiñe, Quidiito nutuudu ta’cwaiñe weichö que, tumjunne weichö que mmaja. Edääje dhantai jääcä töwä’döe määnetääne: “Cöjaadäiñe yeichawä jäduuje’da weneene; cöjääcäiñe amoinche töweichawä mmaane jäduuje weneene;” quee jääcä töwä’döe määnetääne.

2 TEESADOONISENSE 2:2

Ä’sadiijannä’cajo’da eichäcä chäänönge ätö’tajäätödööcomo jonno; atansu’däjo’da mmaja eichäcääde. Ätääcatoncajo’da mmaja eichäcä’de anejjacoomo wwä, edääje yä’döa’comjäcä: “Cajiichaana Jesuuquidiito weejödö tö mädä;” ca’jäcä. Wanaadi woije yääje chäwwäiñe ecammajäätödö yeiyaatäi maneecanö’täi’che. Ñaa nimennädööjatooje e’taajä jajeeda äwwadäädäiñe adääjaajä yääje mmaja yä’döa’jäcä, maneecanö’täi’chede.

TIITO 3:2

Cone’da a’deuwö’da eijai ñaato anejja jäcä; töjimmotoncomo äntu’de’tä’da eijai ñaato dea. Ta’cwaiñeene eijai ñaato tameedä soto jäcäiñe, tumjunne’da a’deuwö’da mmaja.

EEWEDEO 10:25

Cöwe’jummadööcomo e’nomjajai’cha caato, dhantai tä’da weneenetoodöje’daane. Töwä’wätuuja mmaane ä’wätuujajai caato, jooje’cä jeene eduuwa, amoinche’da Cajiichaana Jesuuquidiito we’tojo weijäcä.

EEWEDEO 10:37

Edääje Wanaadi a’deddu imennaajä nä’döa: Eduuwa mma ñäädä töwe’emööje naadö ne’a’de; töwö encwainchejö’da na’de.

1 PEEDHODO 1:11

Yeeja’dätäädö owaajodä Epíiditu Santo chäwwäiñe töneecammajä’e cönä’jaacä Quidiito wäntunaanö’tojo, aashicha weiñä yää ’jeje töweiyemö jäcä mmaja. Ñanno Wanaadi wa’deuwödö ecammannamo a’que töntö’tamme’que töweiye cönä’ja’to ñäädä Epíiditu Santo tötaacaiñe cönä’ja’dö necammadö, ñeecammadö we’tojo cu’nädö mmaja a’que töntö’tamme’que töweiye cönä’ja’to dea.

1 PEEDHODO 4:7

Tameedä yaatameetojo amoinche’da na. Yääje yeijäcä odhoowadäädäiñe eichäcä, acu’shämje mmaja. Yeichöje Wanaadi wwä adha’deutäcä.

APOOCADIISI 22:20

Ñäädä edä jäcä ecammajä’nei edääje nä’döa: —Ee, eduuwa mma wöta adöiña; quee nä’döa. Amén. Ä’cäde’de jaiñoone Cajiichaana Jesuuquidiito.

APOOCADIISI 22:7

—Eduuwa mma wöta adöiña. Ta’cwaiñe eijai ña ñäädä edä a’deu jajeeda jäcä imennaajä naadö chäänönge tödöönei.