JIDIIPENSE 4:4 - Wanaadi A'deddu

⁴ Cajiichaana nutuudu que ta’cwaiñe eichäcä yeichöje. Yääje mmaja wä’döa dea, ta’cwaiñe eichäcä.

JIDIIPENSE 4:4 ပူးပေါင်းရင်းမြစ်များ

MATEO 5:12

Adha’cwainchatääcä’de yaawä; ä’wa’dätääcä’dede, adheejemaato’como jooje yeijäcä caju ña. Mädääje dea tömmaminchaiñe töweiye cönä’ja’to odhoowajoodo’como Wanaadi wa’deuwödö ecammannamo.

DOSECHO 16:25

Yaawä yo’tawääne Paudo, Siida mmaja Wanaadi wwä cöna’deuwa’to; cöneecanta’ña’to dea. Anejjacoomo jedeeso cöneeta’to yeecanta’ñädööcomo.

DOSECHO 5:41

Ñanno anonta’como cöntonto yaawä täcamma’jonnamo jonnoiñe. Tönwanno ta’cwaiñe cönä’ja’to Jesuuquidiito ecamjödö jo’tädööje töwäntunamjödööcomo weijäcä, Wanaadi woije dea.

DOMAANO 12:12

Ta’cwaiñe eichäcä onwomoocödööcomo jäcä. Aashicha shinchätääcä äwäntunamjödööcomo. Yeichöje Wanaadi wwä adha’deutäcä.

2 CODINTIYO 6:10

wentumje ñaa weichaame mmaja, ta’cwaiñe dea ñaa weneene; tönsomaaque’da ñaa weichaame jooje anejjacoomo ñaa ninshoma’taato. A’ca’como nönge ñaa weichaame tameedä ñää wwä na.

CAADATA 1:8

Ñäädä äwwäiñe anejja wätunnä ecammajä’nei, öwö jadä’jödöödä mädääje weiya’jäcä, Wanaadi amoodedö jeiñe mma, äwwäiñe awa’deene ñaa cöneecammaichö nönge’da yeiya’jäcä, töwännanö’e na ñäädä.

JIDIIPENSE 2:18

Änwanno mmaja yaacoodaane ta’cwaiñe eijai maato dea.

JIDIIPENSE 3:1

Edääje mmaja wä’dö’se wa dea jimma: Cajiichaana Jesuuquidiito jäcäinchädä ta’cwaiñe eichäcä. Yaaquiñuuduje’da na yää dea öwwä imennädö äwwadäädäiñe, chäänönge aweicho’comoojeene yeiyajä.

1 PEEDHODO 4:13

Ta’cwaiñe mmaane eichäcä Jesuuquidiito wäntunamjödö jimmäje aweijäcäiñe, ta’cwaiñe meichäiyede yaawä aashicha töweichö eneejodaawä chäwwä.