JIDIIPENSE 4:19 - Wanaadi A'deddu

¹⁹ Öwö Waanadiiyö Jesuuquidiito ai nu’a’de tameedä äwwäiñe a’cato, caju ña tönsomaadö aashichaato naadö ’cäwa’cä mmaja.

JIDIIPENSE 4:19 ပူးပေါင်းရင်းမြစ်များ

MATEO 6:32

Yää nöngato jäcä töwäätancano’tä weneeneto ñanno Wanaadi dhowaanojöncomo. Dha’da änwanno; töweiye Oomotoncomo caju ñano. Töwö dhowaanäcä tameedä yääcomo äwwäiñe tujunne yeichö.

JUAN 20:17

Jesuuquidiito cönä’döaacä chäwwä: —Canaajäi; äncu’da dea wa Jaaja döiña. Äjääne jimmä döiñaiñe; chäwwäiñe ecammacä’de Jaaja döiña wäncudu, ñäädä Oomotoncomo mmaja, öwö Waanadiiyö, änwanno Awaanadiiyöcoomo mmaja; quee cönä’döaacä chäwwä.

JUAN 20:27

Yaawä Jesuuquidiito cönä’döaacä Tomá wwä: —Adhaamädö dhadaadö que cajoojocä; yaamädö eneecä; suudadö ajoojocä. Aneecamjö’da’daane eichä, töneecanö’eene; quee cönä’döaacä.

DOMAANO 1:8

Edääje wä’dö’se wa awa’de: Jesuuquidiito joi aashicha töwa’deuwe wäänene Waanadiiyö wwä äjääcäinchädäiñe, tameedä yeichö wa’cä tacaade aweijäcäiñe Wanaadi töneecanö’e aweichöcoomo.

DOMAANO 11:33

Mädä wa’cä sö’je Wanaadi a’deddu nai, shejjedö mmaja, towaanojo’ne yeichö mmaja. Mädä wa’cä chö’tajäätödö nai, owaanäcä’da; iiñödö mmaja chö’tamme’que’jönö.

DOMAANO 2:4

¿Aashicha Wanaadi weichö ca michiiñeme’canä’, ocoone’nadiiyö tönshinchä yeichö mmaja? ¿Mädä tönshinchä yeichö ätö’tajäätödö sha’duminchatoojoje yeichö äntö’tammecö’da ca manä?

DOMAANO 8:18

Joojemjönööje öwwä nichö’ta eetä töwäntunaanö’e cäänetäänedö, äcuude aashicha cöweicho’como naadö o’näde.

DOMAANO 9:23

Töwö ñanno conemjöncomo tönshinchäiñe cönä’jaacä aashicha töweichö eneejodö wetä cöwwäiñe. Ñanno cönwanno wentumje ñeenedö. Töwö jenaadä cödöötäne aashicha töweichö enennamooje.

2 CODINTIYO 12:21

Adöiñaiñe ööta’jäcä Wanaadi odhoowadäädäiñe cone’da yöödöjoojai chö’tadö na, aamojai tö’ta yaawä ñanno jenaadä conemjönö tödöödö jäcä cönaajäntoichodö jäcä, töcoone’nadiiyöcoomo ane’nomja’da yeichomjäcä, yää masuuduije yeichöcoomo.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

EUJEESIYO 1:18

Wanaadi wwä ätö’tajäätödööcomo weijotoojo töne’ca’e wäänene dea, odhoowanääcäiñe yeichö wetä yaawä onwomoocödööcomo, yää äwwäiñe yeichö wetä adha’dejjatäänedö. Töne’ca’e wäänene dea odhoowanääcäiñe yeichojo joojato aashichaato Wanaadi nutuudu tösootoi wwäiñe.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

EUJEESIYO 2:7

Yää cöjääcäiñe töwö cönnöi yeichöödäje eneejodö wetä cujummatäiñe töweichö, Jesuuquidiito jäcäinchädä cöjääcäiñe ta’cwaiñe töweichö mmaja.

EUJEESIYO 3:16

Wanaadi wwä we’ca’a töwwä aashichaato naadö que odo’tadööcomo wejäädu’totoojo Epíiditu Santo ai, ñäädä Wanaadi jonnoto we’ajä.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

JIDIIPENSE 4:7

Yaawä Wanaadi nu’a’de äwwäiñe täncanoode’da aweicho’como, yää soto owaanojöönö. Yää täncanoode’da aweicho’como adheewanööcomo nedai’cha’de, ätö’tajäätödööcomo mmaja, Jesuuquidiito woije.

CODOOSENSE 1:27

Töwö tösootoi wwäiñe ecaademe’jo’se cönä’jaacä joojato aashichaato tönnödö judhíojöncomo jäcäiñe. Edä yää owaanojöönö’jödö wecammaadö: Quidiito ataacaiñe yeichö. Yää na aashichaato äwwäiñe töweiyemö onwomo’to’comooje.

CODOOSENSE 3:16

Ätö’tajäätödööcomo acaadä Quidiito a’deddu tödöötäcä; yäätä ejannä’catääcä. Ajimmotoncomo owaanomaatäcä, yäätuujatääcäde tameedä asejjedööcomo que. Adheewanööcomo jäcä aashicha Wanaadi jäcä ätö’tajä’ancädäiñe adheecanta’ñätääcä saadomo jäcä, anejja wecanta’ñotoojo jäcä mmaja, ätö’tajäätödööcomo ai mmaja.

1 TEESADOONISENSE 2:12

Edääje äwäätuujatäiñe ñaa cönä’jaacä: “Wanaadi sotoi weichö nönge deaane eichäcä, ñäädä tösootoije adhe’täneichomo’jödö, aashicha töweichö enennamooje adhe’täneichomo’jödö mmaja;” quee töwä’döe ñaa cönä’jaacä äwwäiñe.

1 TIIMOTEO 6:17

Yäätuujacooto edä nono de’woncomo tönsomaaca’como, o’jodhe chö’tajäätö’da yeichöcoomo wetä, mösooma jäcä jooje chö’tajäätödööcomo queiñe mmaja, töwaatameemö mma yeijäcä yää mösooma. Wanaadi jäcääne chö’tajä’jai ñaato, ñäädä nudooto, aashicha cöweicho’comooje ewontancädä’da cöwwäiñe tameedä u’nei.

JIIDEMÓN 1:4

Wanaadi wwä wa’deuwödö waadäi aashicha chäwwä töwa’deuwe wäänene äjääcäinchädä,

1 PEEDHODO 5:1

Edääje mänwätuujaato änwanno quedeiyente antawäiñe ansiyaanoje maatoodö, öwö mmaja ansiyaanoje weijäcä, Jesuuquidiito wäntunamjödö eneenei’jödö mmaja; aashichaato täneejoomöje naadö eneeneije töweiyemö mmaja öwö dea.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.