JIDIIPENSE 4:17 - Wanaadi A'deddu

¹⁷ Jödaata äntuiyeto eduuwa öwwä, quee öucwadööje’da yääje wä’döa, ännö’jocoomo eje’jödö ’je yei’she weijäcääne.

JIDIIPENSE 4:17 ပူးပေါင်းရင်းမြစ်များ

JUAN 15:16

Änwanno yei’cha meiya’quene; öwööne maneichäne. Öwö mane’tätääne aweejössataadöcoomo wetä, yeichöje adheejedöödöcoomo yeichö wetä. Tameedä öwö yeetö joi Jaaja wwä ane’catäädöcoomo, töwö nu’a’de.

JUAN 15:8

Ännödööcomo wejanga’jäcä aashicha Jaaja weichö eneejojai maato; yaawä sootoi chäänönga’comooje äänejoojai maato.

DOMAANO 15:28

Yääje yeijäcä edä jödaata imö’que yöiñaiñe wöta’dedö wä’ca’jäcä, Epaña ña wöta’de yaawä ädö’täcäiñe.

2 CODINTIYO 11:16

Edääje wä’döa dea äwwäiñe, tö’jeque mma caneecanö’täi’che. Yaawääne’, tö’jeque yeecanö’a’jäcä, yääje yeichaame cätaatäcä wä’wa’demeecödö jäcä.

2 CODINTIYO 9:5

Yääje yeijäcä canno quedeiyentecoomo wwä ya’deune yoowajo adöiñaiñe iichädööcomo wetä, yää täjemjönööje tu’emö aneecamma’jocoomo choonecaadö wetä yoowajo. Yaawä ööta’jäcä tösoomajä’e ani’jumma’jocoomo eijai ña; ämjummadööcomo woijatooje eijai ña yaawä, anontaajäje’daane.

JIDIIPENSE 1:11

Mädääje Jesuuquidiito ni’wa’tädö que aashichaato tödöödö ’je eijai maato. Yaawä tacaade eijai ña aashicha Wanaadi weichö; aashicha soto a’deujai ñaato yaawä chääjäcä.

JIDIIPENSE 4:11

Ane’cä’cä öwwä tujunne yeiyancädä’da yääje wä’döa äwwäiñe. Öwö töwäämu’ca wa öwwä naadö mma joona.

1 TEESADOONISENSE 2:5

Änwanno odhoowanääcäiñe na adheemu’näjöödöcoomo que’da ñaa necammajäätö’jödö; adhencu’tätäiñe’da ñaa cönä’ja’dea jödaata chaana’cadö wetä. Wanaadi mmaja dhowaanäcä na yääje yeichö.

1 TIIMOTEO 3:3

Wä’dau’nä yaacö’je’da eijai ña töwö ansiyaano; ewoodoicha’da mmaja eijai ña dea, ta’cwaiñeene eijai ña. Ätäccujäätö’da mmaja eijai ña dea, jödaata jäcä äätätäädä’da mmaja.

1 TIIMOTEO 6:10

Jödaata ijummadö tameedä conemjönö ju’jäje na. Yää jäcä töwäätätäädä töweichöcoomo woije anejjacoomo tösaadijange naato ecamjödö jonno; yää e’nei jooje conemjönö töneene weneeneto.

TIITO 1:7

Conemjönö chääcadööjönö ansiyaano eijai ña, Wanaadi tadaawaajui tödööneije yeijäcä. O’jodhe chö’tajä’jai’cha na töwö, äätömaacoije eijai’cha mmaja. Ä’dacu’da eijai ña töwö, ataiju’jätö’da mmaja. Soto ennanö’cadö que jödaata chaana’cadö ijummajai’cha na töwö.

TIITO 3:14

Quedeiyentecoomo näämu’ca’ña’to aashichaato tödöödö jäcä, a’ca’como i’wa’tädööcomo jäcä mmaja, tödööneije’da mma ei’ñoto.

EEWEDEO 6:10

Chäänöngato ñäädä Wanaadi; ataadawaajuichomo’jödö aneenejäätö’da’da töwö na. Äwwäiñe tujummadö jäcäinchädä quedeiyentecoomo ’wa’to’jocoomo mmaja aneenejäätö’da’da na dea töwö, mädä tönnöe määnetäänedö.

1 PEEDHODO 5:2

Edääje wä’dö’se wa äwwäiñe: Edai’chätääcä Wanaadi sotoi, äwwäiñe ñeedai’chojoodö, oweeja edai’chänei täcöönö töneedai’chä töweiye naichöje. Owoijeiñe’da’da edai’chätääcä, owoijeiñeene, Wanaadi nijummadö woije; ane’cä’cä cana’cadö wetä’da mmaja, tödö’se aweichöcoomo que mmädääne.

2 PEEDHODO 2:15

Ääma chäänöngato to’nomja naato, tösaadijaamödööcomo wetä. Tönwanno naato Wadan wei’jödö nönge mmaja, ñäädä Wanaadi wa’deuwödö ecammanei’jödö, Weoode nnedö. Töwö Wadan yaacö’je töweiye cönä’jaacä conemjönö dödö que jödaata cana’cadö.

2 PEEDHODO 2:3

Ñanno owaanomannamo chäänöngemjöncomo onsomaadöcoomo jäcäinchädä adhencu’taato’de ta’dedducoomo yääjönö wa’coto que. Jenaado’jä’jödöödä yäätä’maminchajooto’como täcamma na. Töwännanö’to’como aneemaicha’da naato’de.

JUUDHA 1:11

Tönwanno tömaaminchaamoje naato, Caín wei’jödö nönge mmaja yeichomjäcä. Jödaata jummadö que cönsadiijamöicho, Wadan cone’nadiiyö nönge mmaja. Tönwanno töwännanö’e naato Wanaadi jäcä jäduuje töweichomjäcä, Codé cönä’ja’döje mmaja.