JIDIIPENSE 4:12 - Wanaadi A'deddu

¹² Yoowanääcä na wäntunaanö’nä; yoowanääcä mmaja jooje töwwä yeichawä weiña. Tameedä weiñä yoowanääcä na, töwensu’de weiñä, ämiije weiñä mmaja, jooje töwwä töweiye weiñä, a’que töwwä töweiye weiñä mmaja.

JIDIIPENSE 4:12 ပူးပေါင်းရင်းမြစ်များ

MATEO 11:29

Öwö naadojoodö adäätäcä. Oowanoomatääcä jääcä, maneedeetanö’täiye. Dho’noncomo tö’tajäätödö öwö, äätömaajä’jönö mmaja.

MATEO 13:52

Töwö cönä’döaacä chäwwäiñe: —Tameedä owaanomaanei, Wanaadi töcaajichaanaije weiñä jäcä owaanomaajä, dhanwa töjaatuwai töna’duca töweiye naichöje na. Ñäädä dhanwa tönnacoomo wwäiñe nu’jä’a yaawä mösooma, eduuwaato mmaja, jenaado’jä mmaja; quee cönä’döaacä Jesuuquidiito tönoowanoomadö wwäiñe.

2 CODINTIYO 10:1

Öwö Paudo dea ya’deuwa äwwäiñe, Quidiito nutuudu ta’cwaiñe weichö que, tumjunne weichö que mmaja. Edääje dhantai jääcä töwä’döe määnetääne: “Cöjaadäiñe yeichawä jäduuje’da weneene; cöjääcäiñe amoinche töweichawä mmaane jäduuje weneene;” quee jääcä töwä’döe määnetääne.

2 CODINTIYO 10:10

Edääje dhantai jääcä töwä’döe määnetääne: “Immennädö weneene cone’da döjootä, jäduuje mmaja. Töwö jaiñoone jäduuje’da, dötä’da mmaja ñeecammajäätödö;” quee.

2 CODINTIYO 11:27

Jooje töweetadaawa’cajo wäänene, töwäntunaanö’e mmaja. Aneedawä öncö’da coijaicho tömja’do’jo wäänene wetaadawa’cajoonäje. Ämi töiñetunca wäänene dea, emjätö’se weiñä mmaja; töwäänema mmaja wäänene dea, cämöi töiñetunca mmaja, töwonque’da weiña mmaja.

2 CODINTIYO 11:7

¿Chäänöngemjönö ja ca’ yää cönä’jaacä täje’da aashichaato wätunnä äwwäiñe wecammajä’aquennö? Öwö odho’näiñato nönge töweiye wä’jaaquene, ye’jodhe aweichöcoomo wetä.

2 CODINTIYO 11:9

Yaawä ajaadäiñe weichö öwwä a’que yeichaame adhaateme’täiñe’da töweiye wä’jaaquene; ñanno quedeiyente Maasedooniya ñancomo we’a’como öwwä a’cato cuntuicho. Mädääje adhaateme’täiñe’da töweiye wä’jaaquene; mädääje dea wa’de eduuwa.