JIDIIPENSE 3:9 - Wanaadi A'deddu

⁹ chääjadä weiye yaawä, aashicha weichö jenaado’jä waanontänä jäcäinchädooto que’da, Quidiito ecamjödö jäcäinchädooto queene. Yää aashicha weiñä Wanaadi tunu’e tameedä täcaanö’nei wwä.

JIDIIPENSE 3:9 ပူးပေါင်းရင်းမြစ်များ

MATEO 9:13

Edä Wanaadi a’deddu imennaajä chö’tamme’täcä: “Wentumje äneetä weiñä tujunne na öwwä, saaquidiijiisiyo tödöödö tujunne’da mma;” quee naadö. Chäänönga’como a’dejja’da we’ne, conemjöncomoone, tötö’tajäätödööcomo sha’duminchaiyeto; quee cönä’döaacä Jesuuquidiito.

DOMAANO 1:17

Yää aashichaato wätunnä necamma ecamjödö jäcäinchädä mma Wanaadi töjaadonooje cödöötäiñe yeichö, anejja jäcäinchädä’da. Edääje Wanaadi a’deddu imennaajä jäcä nä’döa: “Ñäädä Wanaadi jadoono töneecamjödö jäcäinchädä töweichö neneea’de;” quee.

DOMAANO 10:10

Tötö’tajäätödö que ecamjödö töweiye nai, Wanaadi jadoonoje töwä’döjoodö wetä, töntadö que ’quene töneecanö’e töweichö wääcammanä nai, töwääwanaacadö wetä.

DOMAANO 16:7

Ya’deujödö ecammatääcä’de Antodoonico wwä, Juuniya wwä mmaja; jaatacoinchomo ñanno, jedeesoje weichö jaadoncomo’jödö. Täneejuca’como tönwanno anonta’como wwäiñe. Tönwanno yoowajoodä Quidiito cöneecamjöicho.

DOMAANO 5:21

Conemjönö woijatooje wäämanä o’jodhe töweiye cönä’jaacä; eduuwa aashicha Wanaadi weichö woije daja chääjadoonoje cä’döjaato, yeichöödoto cöweicho’como töweiye yeichö wetä Cädhaajotoncomo Jesuuquidiito jäcäinchädä.

DOMAANO 8:1

Yääje yeijäcä ännanö’jai’cha naato eduuwa ñanno Jesuuquidiito jadoncomo, ñanno tujuunucoomo nijummadö woijemjöncomo, Epíiditu Santo woija’como.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

2 CODINTIYO 5:17

Ñäädä Quidiito jadoono eduuwaato amoodetaanö ñäädä. Yää jenaado’jä töwaatame yaawä; tameedä eduuwaatoje na yaawä.

2 CODINTIYO 5:21

Quidiito conemjönö ännö’da cöneiyacä; yääje yeichaame cöjääcäinchädäiñe Wanaadi Jesuuquidiito cönnöi conemjönö nönge, töwö Quidiito jadä cöwä’dödööcomo que Wanaadi weichö aashichaato cöwwäiñe töweiye yeichö wetä yaawä.

CAADATA 2:16

Yääje yeichaame cowaanäcäiñe na Wanaadi jadoonoje soto ä’döjai’cha yeichö jenaado’jä waanontänä Moisé nimennä’jödö tödöödö que, Jesuuquidiito ecamjödö que mmaane. Yääje yeijäcä ñaa, judhíocoomo mmaja Jesuuquidiito ñaa cöneecamjöi Wanaadi jadoonoje töwä’dödö wetä yaawä yää ecamjödö que, jenaado’jä waanontänä tödöödö que’daane. Anejja Wanaadi jadoonoje ä’döjai’cha na jenaado’jä waanontänä tödöödö que.

JIDIIPENSE 3:6

Quedeiyente tömmaminchaiñe’jödöödä judhío weichö töneecanö’e wä’jaaquene. Öwö wä’jaaquene tämentämje’da jenaado’jä waanontänä dödö jäcä.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

TIITO 3:5

töwö cäwaanacaatäne. Aashicha cönnö’jocoomo jäcäinchädä’da töwö cäwaanacaatäne, töwwä wentumje cäne’jocoomo weijäcääne. Töwö Wanaadi cäwaanacaatäne cöcoccadööcomo que, yää eduuwaatoje cöwennuduucomo cu’tädööje naadö. Epíiditu Santo ai cäwaanacaatäne, ñäädä eduuwaato cöweichöcoomo u’nei.

EEWEDEO 6:18

Mädääje na; aacä enwacaamajaichojöönö töweiye na, yää Wanaadi necamma’jödö, töjoi yääcamma’jödö mmaja. Yääje töwääcamma’jödö weijäcä Wanaadi ätäncu’täjai’cha na. Yääje yeijäcä cönwanno, Wanaadi wwä yoowontäja’como, yää jäcä ä’wadi’ñäjai caato, chäänönge ecaanö’jai caato dea cöwo’womoocödööcomo, yää cöwwäiñe u’ajä naadö.

SANTIYAACO 3:2

Tameedä cönwanno conemjönö tönnöe caato aneedawä. Ñäädä cone’da a’deujönö chäänöngato ñäädä. Ñäädä yääjato dhowaanäcä mmaja na dea tameedä töweichö e’se’tädö.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

1 JUAN 3:4

Ñäädä conemjönö tödöönei Wanaadi waanontädö tömja’do’jo, waanontänä ija’do’jodö mmaane yeiyajä yää conemjönö tödöödö.