JIDIIPENSE 3:8 - Wanaadi A'deddu

⁸ Tameedäädä töja’emje yeichö wichö’tamme’ne Yeedhajä Jeduuquidiito yoowanääcä tödöödö jäcäinchädä, yää aashichaato jaiñoone. Quidiito junnei tameedä yää wöja’ne, chääta’jödö nönge na eduuwa öwwä, Quidiito chaana’cadö wetä öwwä,

JIDIIPENSE 3:8 ပူးပေါင်းရင်းမြစ်များ

DUUCA 1:43

¿Aaquene mädä wa’cä aashichaato nä’tuaanä öwwä, Yeedhajä dhenö öwwadäädä neejädö naane’ ?

DUUCA 11:20

Öwö mmaane Wanaadi jäduudu que odo’sha tömja’canö’jo wäänene. Yääje yeijäcä odhoowanääcäiñe eijai ña Wanaadi acaajichaanaichomooje yä’dötoojoje yeicho.

JUAN 14:20

Yää anooto awä änwanno odhoowanääcäiñe na’de Jaaja aca weichö, öwö taaca aweichöcoomo mmaja, ataacaiñe weichö mmaja.

JUAN 14:7

Öwö odhoowanääcäiñe weiya’jäcä Jaaja mmaja odhoowanääcäiñe yaawä. Eduuwa Jaaja odhoowanääcäiñe na, töneene aweichomjäcä; quee cönä’döaacä Jesuuquidiito.

JUAN 16:3

Mädä äjääcäiñe nödööaato’de Jaaja towaanäcäiñe’da yeichomjäcä, öwö dhowaanäcäiñe’da weijäcä mmaja.

JUAN 17:3

Yeichöödoto weiñä yää tooniyaano Wanaadi chäänöngato towaanäcä tödöödö, Jesuuquidiito towaanäcä tödöödö mmaja, ñäädä menno’janeedö.

JUAN 17:8

Öwö wowaanomaaneto äwwä yoowanooma’jödö que; tönwanno aashicha cöneeta’to. Tönwanno dhowaanäcäiñe na ojonno weejö’jödö weichö; necaanö’aato dea äwwä yaanontä’jödö.

JUAN 20:13

Ñanno amoode cönä’döa’to Madía wwä: —¿Ane’que’nei maamoaanä? quee. Madía cönä’döaacä chäwwäiñe: —Yeedhajä adä’jödö weijäcä. Yoowanääca’da na, ¿äsha ca cönnöichodö jääcä? quee cönä’döaacä.

JUAN 20:28

Yaawä Tomá cönä’döaacä: —Yeedhajä amäädä, Waanadiiyö mmaja; quee.

DOSECHO 20:24

Cone’da yöödö’da na mädääje yeichö; oowontä’da mmaja wa dea. Ta’cwaiñe wä’ca’se mmaane wa öwwä tödööemö jäcä, yää Cajiichaana Jesuuquidiito taadawaajuije cuntuichö, aashichaato wätunnä ecammajäätödö aashicha Wanaadi weichö jäcä.

DOMAANO 8:18

Joojemjönööje öwwä nichö’ta eetä töwäntunaanö’e cäänetäänedö, äcuude aashicha cöweicho’como naadö o’näde.

DOMAANO 8:39

cawoono mmaja, co’dhejeiñano mmaja, tameedä Wanaadi namoode’nädö mmaja cösancwajoojaiñe’da na dea Wanaadi jonno. Tameedä yää jona’da yeichöje Wanaadi nijummadööje caato’de. Cujummatäiñe töweichö töwö Wanaadi cöneenejoi Cädhaajotoncomo Jesuuquidiito ai.

1 CODINTIYO 2:2

Ajaadäiñe weichö anejja jäcä tö’tajäätö’se’da wä’jaaquene, Jesuuquidiito jäcä mmaane, cuduusa jäcä yääma’jödö jäcä mmaja.

1 CODINTIYO 9:10

cöwwoncomooje mmajaane yääje tömennä na, cöwäätuujato’comooje, cöwoowanoomato’comooje mmaja. Ñäädä ñaatö’tänei, natö shoomanei mmaja, töweetadaawa’cajo weneeneto töwwäiñe täu’tojo towaanäcäiñe yeiyancädä.

2 CODINTIYO 4:4

Tönwanno aneecamjö’da töweichomjäcä tötö’tajäätödööcomo cöntööjannä’cajoicho edä nono edhaajä wwä, tänuuque’da töweichöcoomo wetä, aashichaato wätunnä nawaananö’cadö eneedö queiñe töwwäiñe; yää wätunnä aashicha Quidiito weichö jäcä necammajä’a, ñäädä Wanaadi cu’taajä.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

CAADATA 1:16

Wanaadi Tönnedö cöneenejoi öwwä, judhíojöncomo wwä aashichaato wätunnä ecammajä’neije weichö wetä. Yää ’jeje yää jäcä soto aneecamma’jojäätö’da weiyaqueene.

EUJEESIYO 4:13

Mädääje tameedä cönwanno äänönge ä’döjai caato cöneecamjödööcomo jäcä, Wanaadi nnedö cowaanäcäiñe cöweichöcoomo jäcä mmaja. Yaawä chäänönge yä’döaajä töweiye naichöje eijai caato, chäänönge Quidiito weichö nönge mmaja aatö’näjai caato dea.

JIDIIPENSE 1:1

Öwö Paudo, Tiimoteo mmaja, Jesuuquidiito anoonö, edä ñaa nimenna äwwadäädäiñe, änwanno tameedä quedeiyentecoomo Jidiipo ñancomo, Wanaadi sotoi, Jesuuquidiito jadoncomo; ansiyaano wwadäädäiñe mmaja ñaa nimenna dea, diyaacono wwadäädäiñe mmaja.

JIDIIPENSE 3:10

Quidiito yoowanääcä tödö’se wa, ijäädudu mmaja, yää chääque töwäämaajo jonno cönaadoncaichö. Töwö chääjadä mmaja yäntunamjödö oneeja’se wa dea, töwö cönäämaichöje mmaja wäämaiyede öwö yaawä,

JIDIIPENSE 3:12

Mädä wecammannö aneejodö’da dea weichaame, chäänönge ä’dö’da dea weichaame mmaja; ene’jununtädööje deaane wa, ejoodödö wetä yää chääjäcäinchädä Jesuuquidiito tösootoije yöödöneedö.

JIDIIPENSE 3:7

Yääje yeichaame yää anejjacoomo e’jodhe wei’jödö wöja’ne Quidiito jäcäinchädä.

2 TIIMOTEO 4:6

Öwö mmaane äämajai wä’döi eduuwa, saaquidiijiisiyo töweiye naichöje; öötotoojo cu’nädö aca yä’döaajä mädä eduuwa.

EEWEDEO 3:14

Cönwanno Quidiito jadoncomooje caato, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, yää yaajäntä’jödö jonnoto’jödöödä queecanö’täneedö.

1 PEEDHODO 2:7

Änwanno ecaanö’nnamo wwäiñe tujunne töwö na. Ñanno aneecanö’jöncomo wwä mmaane töquiiñeme’que na, imennaajä nä’döaadöje: Yää täju, maa amännamo cönquiiñemeecöichodö, anno’tojooje na eduuwa; quee imennaajä nä’döa.

2 PEEDHODO 1:2

Aashichaato, täncanoode’da aweicho’como mmaja, äwwäiñe yeejamö’sa wa, Wanaadi odhoowanääcäiñe tödöödö que, Cädhaajotoncomo Jesuuquidiito odhoowanääcäiñe tödöödö que mmaja.

2 PEEDHODO 1:3

Töwö Wanaadi töjäädudu que cöwwäiñe cuntui tameedä aashicha cöweicho’comooje tujunnato, tameedä töwoije cöweicho’comooje mmaja. Töwö mädä cönnöi ca’dejjaneichomo’jödö cöwwäiñe ecaademeecödö que, ñäädä aashicha töweichö woije ca’dejjatäänedö, jäduuje töweichö woije mmaja.

2 PEEDHODO 1:8

Tameedä mädoocomo äwwäiñe yeiya’jäcä, äjääcäiñe yeejanga’jäcä mmaja, töwäädämma’da aweichöcoomo na’de, aweicho’me’da’da mmaja na’dede mädä Jesuuquidiito odhoowanääcäiñe naadö.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.

1 JUAN 1:3

Töneene’jödö, töneeta’jödö mmaja ñaa necammajä’a äwwäiñe, ääjimmäje cöweichöcoomo wetä. Cönwanno caato Cumöötoncomo jadoonoje, Iiñedö Jesuuquidiito jadoonoje mmaja.

1 JUAN 2:19

Tönwanno cönä’sancwajoicho cöjaadäiñe töweichöcoomo jonno. Cöjimmotoncomo neenejöönö cönä’ja’to. Dha’da ei’jo mmaane cösancwatäiñe’da eichö cöneiya’to. Tönwanno cösancwatääne täne’ju’dhe yeichö wetä cöjimmotoncomo neeneje’da töweichöcoomo.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.