JIDIIPENSE 3:20 - Wanaadi A'deddu

²⁰ Cönwanno cöjaatadööcomo mmaane na caju ña. Iiñanno Äwaanacaanei weejödö quiiyomo’cato, ñäädä Cajiichaana Jesuuquidiito.

JIDIIPENSE 3:20 ပူးပေါင်းရင်းမြစ်များ

MATEO 19:21

Jesuuquidiito cönä’döaacä chäwwä: —Chäänönge jeene awei’she aweiya’jäcä, tameedä äwwono ejeemajoota, änsomaadö, anaudädö mmaja. Chääje’jödö u’jä’cä yaawä a’ca’como wwä, caju ñaane tönsomaaque meiye. Ä’cäde’de yaawä, jaadä meiye; quee cönä’döaacä Jesuuquidiito.

DUUCA 12:21

Mädääje töweiye nai ñäädä töwwoodono wensoma’tädö, Wanaadi emjataawä mmaane tönsomaaque’da töwö; quee cönä’döaacä Jesuuquidiito.

DUUCA 14:14

Yaawä ta’cwaiñe eijai ma, ñanno adheejemaajai’cha yeichomjäcä. Yaawä jeene määjemaaja’de, chäänönga’como waadoncato’como awä jeene; quee cönä’döaacä Jesuuquidiito.

DOSECHO 1:11

Ñanno dhanwaacomo cönä’döa’to anonta’como wwäiñe: —Änwanno Caadideea ñancomo, ¿ane’que’nei caju ña mene’maato? Ñäädä dea Jesuuquidiito, ojonnoiñe caju ña nötännö, ne’a’dede caju ña aneenedööcomooje nötännöje mmaja; quee cönä’döa’to.

1 CODINTIYO 1:7

Yääje yeijäcä Cajiichaana Jesuuquidiito wäänejoodö miyoomo’catoodö wadaadäädä a’que’da na Wanaadi nutuudu äwwäiñe.

1 CODINTIYO 15:48

Edä nono de’woncomo naato ñäädä nono döaajä cönä’ja’dö nönge; caju ñancomo mmaane Quidiito nönge naato, ñäädä caju ñano.

2 CODINTIYO 4:18

Täneetojöönö ñaa nencano’ta, äänejöönööne. Tameedä täneeto a’dhatooje mma töweiye nai; äänejöönö mmaane yeichöödotooje.

2 CODINTIYO 5:8

Cönwanno ta’cwaiñe cäänetääne edä cäjööcomooje naadö e’nomja’se cöweichaameiñe, Cajiichaana jadä cöweichöcoomo wetä yaawä.

CAADATA 4:26

Ñäädä Aawadán jiñamo neene mmaane caju ñano Jeduusadén ñanoi’chädö cu’tädööje daja na dea. Ñäädä nnacoomo cönwanno.

EUJEESIYO 2:19

Yääje yeijäcä anejjacoomoje’da maato eduuwa, töjaataquemjöncomooje’da mmaja. Yää jataawoncomooje dea maato, tameedä Wanaadi sotoi naatoodöje mmaja; Wanaadi sotoi jimmäje maato eduuwa.

EUJEESIYO 2:6

Töwö Wanaadi cadoncatääne dea Jesuuquidiito jadä; chääjadä cajiimajootäne dea caju ña.

JIDIIPENSE 1:10

odhoowanääcäiñe yeichö wetä yaawä aashichaato jaiñoone edantädö. Mädääje conemjönö ’je’da eijai maato, tämentaamoje’da mmaja, Quidiito we’a’jäcä.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

CODOOSENSE 1:5

Änwanno mädääje maato onwomoocödööcomo töweiye yeijäcä, yää caju ña äwwoncomooje tösooma naadö. Jenaadä änwanno metaatäne yää töwoomo’quemö jäcä chäänöngato wätunnä ecammajäätödö que.

1 TEESADOONISENSE 1:10

Tönwanno dea töneecammajä’e weneeneto caju ñanno Jesuuquidiito weejödö womoocödööje aweichöcoomo, ñäädä Wanaadi nnedö, yäämaajo jonno Wanaadi cönaadoncaichö. Ñäädä Jesuuquidiito Cäwaanacaaneichomooje na conemjönö ne’a’dedö jonno.

1 TEESADOONISENSE 4:16

Cajiichaana Jesuuquidiito dea nä’ta’de caju ñanno, jäduuje töcä’töngancädä. Wanaadi amoodedö edhaajotoncomo töcä’de nichä’tönga’de; Wanaadi janau’cwai nääta’de yaawä. Yaawä ñanno quedeiyentecoomo wä’ja’a’como naadoncaato’de awa’de,

2 TIIMOTEO 4:8

Yääje yeijäcä öwwonooje yeeje’jödö tösooma na, yää chäänönge wei’jödö eje’jödö. Cajiichaana yää nu’a’de öwwä yää anooto awä, ñäädä chäänönge emmencanei. Öwwä mma’da yää nu’a’de, tameedä ñanno ijummadö que yeejö’sa’como’jödö wwäiñe mmajaane.

TIITO 2:13

Yääje yeijäcä ta’cwaiñe quiiyomo’cato töwö ñeecamma’jödö aashichaato weja’dätäädö, yää tawaanato töjääcä Cäwaanacaaneichomo Jesuuquidiito weejödö, Cöwaanadiiyöcoomo täneejucaato weejödö.

EEWEDEO 12:22

Siyon ’jödö wwadäädääne me’täne, Wanaadi jataacäi mmaja, yää caju ñano Jeduusadén ñanoi’chädö. Jooja’como amoode we’jumma’como wwadäädäiñe mmaja me’täne dea, ñanno Wanaadi jäcä aashicha töwa’deuwaamo,

EEWEDEO 9:28

Yääje mmaja Quidiito, tooniye saaquidiijiisiyooje cönä’tui jooja’como soto cone’nadiiyöcoomo choccatoojoje. Äcuude töwö ne’a’dede sadä, conemjönö choccaneije’da yaawä, töwoomo’nenaamo ewaanacäiñeene.

APOOCADIISI 1:7

Eneetäcä’de’ma, ca’dutu de’wä Quidiito weejödö. Tameedä soto neneeaato’de yaawä, ñanno töwännamo’jödö mmaja. Tameedä soto weichöcoomo wa’cä naamoaato’de eneedö’jo. Mädääje na.