JIDIIPENSE 3:19 - Wanaadi A'deddu

¹⁹ Tönwanno töwännanö’aamoje naato. Tujuunucoomo nijummadö mma tädhaajotoncomooje tönnöe weneeneto. Yää töjöichöcoomoje eijaicho’jödö yeewataashimaato’comooje mma na. Tönwanno chö’tajäätödööcomo edä nono de’wono jäcä mma.

JIDIIPENSE 3:19 ပူးပေါင်းရင်းမြစ်များ

MATEO 16:23

Jesuuquidiito cönä’jedennacai yaawä; cönä’döaacä: —Ääsecaacä yoowajonno, amäädä Caajuushawa. Saadijannä’ca’se’jödö mädääje adha’deuwa. Soto tö’tajäätödö nönge mma ätö’tajä’a, Wanaadi tö’tajäätödö nönge’da; quee cönä’döaacä Jesuuquidiito Peedhodo wwä.

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

DUUCA 12:19

Edääje chö’tajä’jai wa yaawä: Jooje dämma na önsomaadö, numa weichojooje. Yääje yeijäcä wäädeetanä jäcä mma eijai wa eduuwa, wääwashinchänä jäcä mmaja, wocö enöödö jäcä mmaja, ta’cwaiñe weiyancädä; quee chö’tajä’jai wa yaawä;” quee töwwäädä cöntö’tajä’acä ñäädä tönsomaacato.

DUUCA 16:19

“Dhanwa töweiye cönä’jaacä, tönsomaacato. Töwö töweewontä cönä’jaacä aashichaato que, camiisha täjeeto awä mmaja. Anooto waadäi jooje töwääwashinchä cönä’jaacä töjimmä jadäiñe.

DUUCA 18:4

Ñäädä äcamma’jonei numa cönä’jaacä yää tödö’se’dä. Äcuude’cä edääje cöntö’tajäätöi: “Wanaadi onnontä’da weichaame, soto onnontä’da weichaame mmaja,

DOMAANO 16:18

Ñanno yääja’como Cädhaajotoncomo Jesuuquidiito anoonöje’da naato; tumjummadööcomo woije mma weneeneto. Tönwanno towoinchado’como tönencu’täiñe weneeneto aashichaato wa’coto ta’dedducoomo que, wäämu’nä’nä que mmaja.

DOMAANO 6:21

¿Ane’cäämö töncana’ca töweiye mä’ja’quene yää eduuwa ajöichöcoomoje naadö tödöödö que? ¿A’que jönca? Yää tödöödö noowonö’jaca wäämatoojoje mma.

1 CODINTIYO 3:3

ajuunucoomo woije dea aweijäcäiñe. We’neimmanä töweiye naadö naane’ adhantawäiñe, wä’tu’de’tänä mmaja, aata’deucwe’da weiñä mmaja. ¿Ajuunucoomo woije jönca ätö’tadööcomo yaawä, quedeiyentejöncomo nönge?

1 CODINTIYO 5:2

Mädä nöngato adhantawäiñe yeichaame o’jodhe tötö’tajä’e määnetääne, töwaamoone aamojai aweichaameiñe. Ñäädä yääjato u’cajai maato ajaadäiñe yeichö jonno.

1 CODINTIYO 5:6

O’jodhe chö’tajä’jai’cha maato mädä ännödööcomo jäcä. ¿Odhoowanääcäiñe’da ca’ nai yää edääje wä’dönä weneenedö: “She’caasa ummannä’cajootojo yeichaame tameedä tunummannä’ca;” quee?

2 CODINTIYO 11:12

Mädä tönnöe wääneneedö tödöödöje dea wa’de ñanno tötaadawaajuichomo jäconcomo wä’wa’demeecödö wa’deuto’como ’je’da yeichö wetä, ñanno ñaa wetaadawa’cajoodö nönge mmaja tötaadawaajuichomo e’tännamo.

2 CODINTIYO 11:15

Yääje yeijäcä ñanno Caajuushawa anoonö wwäiñe ämu’de’da na aashicha’como wa’cä yäänejoodöcoomo. Tönwanno yaatameedöcoomo na’de tönnö’jocoomo woije dea.

CAADATA 6:13

Ñanno siicunsidaadoje töwä’döja’como jadä’jödöödä ei’cha weneeneto tameedä jenaado’jä waanontänä woije. Yääje yeichaame siicunsidaadoje ayöödöjo’seiñe naato tönwanno, o’jodhe tötö’tajäätödööcomo wetä yaawä töwwäiñe mädääje äwä’döjo’jocoomo weijäcä.

JIDIIPENSE 2:21

Tameedä anejjacoomo tönnödööcomo mma tönencano’tä weneeneto, Jesuuquidiito nödöödöjöönö mma.

CODOOSENSE 3:2

Caju ñano jäcääne ätö’tajä’täcä, edä nono de’wono jäcä’daane.

2 TEESADOONISENSE 1:9

Ñanno nätä’maminchajaato’de yeichöödäje töwännanö’e töweicho’como que; Jesuuquidiito jadä’da naato’de. Tönwanno aneene’da naato’de Quidiito nnataadö, ijäädudu mmaja,

2 TEESADOONISENSE 2:12

Mädääje nännanö’aato’de tameedä chäänöngato ecamjö’semjöncomo’jödö, ñanno conemjönö ijummannamo’jödö.

2 TEESADOONISENSE 2:8

yaawä jeene nääneja’de ñäädä conemjönö tödöödö edhaajä. Töwö nätäämaja’de yaawä Cajiichaana Jesuuquidiito eta’jiño que. Jesuuquidiito weejödö nawaananö’cadö que dea mma töwö nääma’de.

1 TIIMOTEO 6:5

wätäccujä’nä töwä’camjönö mmaja. Tameedä mädä noojodööa chö’tajäätödö wecoone’ma’como jäcäiñe, ñanno chäänöngato ’jemjöncomo. Tönwanno necaanö’aato quedeiyenteje weiñä ane’cä’cä cana’catoojoje yeiyaatäi. Yääja’como shancwacooto.

2 TIIMOTEO 3:4

Tönwanno yääjönö wa’co’como wätäncu’tädööje mmaja naato’dede, tönnecoone’da mmaja, töweewacööma mmaja. Tönwanno töshiiye weiñä nijummaato’de Wanaadi ämjumma’da tödööene.

SANTIYAACO 4:16

Yääje’daane määnetääne; jäduuje töwääcamma määnetääne, töwä’wa’deme’que mmaja. Chäänönge’da yää nöngato wä’wa’deme’nä.

2 PEEDHODO 2:1

Jenaadä ecammajä’nnamo chäänöngemjöncomo töweiye cönä’ja’to iisadaaediita antawäiñe. Mädääje mmaja adhantawäiñe naato’dede owaanomannamo chäänöngemjöncomo. Tönwanno jo’wadootoje wecoone’matoojo wätunnä nejoodöaato’de. Tädhaajotoncomo jadä’jödöödä nijoome’daato’de, ñäädä Täwaanacaaneichomo. Mädääje jadheedoto töwännanö’to’como nejoodöaato’de.

2 PEEDHODO 2:13

Näntunaanö’aato’dede anejjacoomo soto cönentunamjöichodö jo’tädööje. Shiiyöcoomoje weneene anooto waadäi töweewodoichadööcomo. Jöije naato; tujuumä äwääwashinchädööcomo töncone’ma weneeneto. Conemjönö tumjummadööcomo aca töweewodoicha töweichaameiñe, ajaadäiñe dea töwääwashinchä weneeneto, yääjönö wa’cä.

2 PEEDHODO 2:3

Ñanno owaanomannamo chäänöngemjöncomo onsomaadöcoomo jäcäinchädä adhencu’taato’de ta’dedducoomo yääjönö wa’coto que. Jenaado’jä’jödöödä yäätä’maminchajooto’como täcamma na. Töwännanö’to’como aneemaicha’da naato’de.

JUUDHA 1:10

Ñanno chäänöngemjöncomo mmaane cone’da töwa’deuwe weneeneto towaanojöncomo jäcä. Edä nono de’wono towaanocoomo tödöödö que mmaane töwoijeiñe nännanö’aato, odoocoja’como chö’tajä’jöncomo töweiye naichodööje.

JUUDHA 1:16

Töwenta’me’ca’como ñanno chäänöngemjöncomo, taquiiñuca’como mmaja. Conemjönö tumjummadööcomo woije mma weneeneto. Tönwanno töwa’deuwe weneeneto aashichaato wa’cä, soto emu’näjöödöcoomoje, iiñödööcomo jäcäinchädä mma.

JUUDHA 1:4

Anejjacoomo Wanaadi woijemjöncomo tacaade’da cantawäiñe yääwaaca’como töweiye naato. Jenaadä dea ñanno wännanö’to’como cönäätäcammai Wanaadi a’deddu imennaajä jäcä. Tönwanno aashicha Wanaadi weichö tönnöe weneeneto conemjönö tönnöto’comooje. Ñäädä Wanaadi, tooniyaano Cädhaajotoncomo, tömjo’ma weneeneto, Cädhaajotoncomo Jesuuquidiito mmaja.

APOOCADIISI 18:7

O’jodhe tötö’tajä’e yei’jödö wa’coto mmaja, yä’wa’demeecö’jödö wa’coto mmaja, yäätä’maminchatoojo änu’täcä chäwwä, yaamotoojo mmaja. Edääje töwö chö’tajäätödö: “Öwö ñäädä cajiichaana wataajimaajä. Iiño wääma’jödööjönö öwö; yeetunu eneejai’cha wa;” quee chö’tajäätödö.

APOOCADIISI 19:20

Ñäädä ecammajä’nei chäänöngemjönö yäätä cönä’ja’dea, ñäädä odoocojaato neneedöje ene’ju’tojo tönnöe cönä’ja’dö. Töwö yää ene’ju’tojo tödöödö que tönencu’täiñe cönä’jaacä odoocojaato eetö que yä’madaaca’ña’como, ñanno chu’taajä ya’deme’nnamo. Yaawä ñäädä odoocojaato cönaatajoijoi chäwwäiñe, cawaayu tajääde’dato de’wä cönä’ja’dö wwäiñe. Ecammajä’nei chäänöngemjönö mmaja cönaatajoijoi chea. A’nädäncädä nudäädä cönäätämaajoicho jiyooto comootödö ña. Iiña wedeinchä nengaato’de, acuudajaada dhatu’jödö jodö joqque.

APOOCADIISI 21:8

Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.

APOOCADIISI 22:15

Aneecanö’jöncomo mmaane jödo’na naato’de, jöwaiñamo mmaja, masuuduija’como mmaja, soto emannamo mmaja, chu’taajä ya’deme’nnamo mmaja, tameedä äncu’tännamo mmaja.