JIDIIPENSE 3:12 - Wanaadi A'deddu

¹² Mädä wecammannö aneejodö’da dea weichaame, chäänönge ä’dö’da dea weichaame mmaja; ene’jununtädööje deaane wa, ejoodödö wetä yää chääjäcäinchädä Jesuuquidiito tösootoije yöödöneedö.

JIDIIPENSE 3:12 ပူးပေါင်းရင်းမြစ်များ

MATEO 5:48

Aashichaane eichäcä, Oomotoncomo caju ñano aashicha naadöje mmaja.

DOSECHO 9:15

Yaawä Cajiichaana cönä’döaacä: —Äjääneene; öwö weiñä ñäädä ya’deddu ecammaneije töweiyemööje tameedä soto wwäiñe, cajiichaanacoomo wwä, iisadaaediitacoomo wwä mmaja.

DOMAANO 8:39

cawoono mmaja, co’dhejeiñano mmaja, tameedä Wanaadi namoode’nädö mmaja cösancwajoojaiñe’da na dea Wanaadi jonno. Tameedä yää jona’da yeichöje Wanaadi nijummadööje caato’de. Cujummatäiñe töweichö töwö Wanaadi cöneenejoi Cädhaajotoncomo Jesuuquidiito ai.

1 CODINTIYO 13:10

Yaawääne tameedä chäänönge jeene cowaanäcäiñe yä’döa’jäcä yää äächädämmato’jödö nataamea’de.

1 CODINTIYO 13:12

Mädääje caato eduuwa; jecuude ca’dutuujato aca wääne’manä töweiye naichöje queene’maato. Yaawä mmaane chäänönge jeene queene’maato’de. Eduuwa äächädämma sejjedö na; yaawä mmaane tameedä yoowanääcä na’de, Wanaadi owaanäcä waadö wa’cä mmaja.

1 CODINTIYO 9:24

¿Yääje jönca töweiye nai wotoonejaanawä, tooni mma chaana’caneije, wanna yeichaameiñe töwootoneejaamo? Yääje yeijäcä chäänönge otoonejaatäcä, adheeje’jocoomo michaana’catäiye yaawä.

2 CODINTIYO 13:9

Yääje yeijäcä cone’da ännö’da ñaa na jäduuje’da töweichö, jäduuje dea aweiya’comjäcä änwanno. Wanaadi wwä wa’deunäje dea ñaa na’de chäänönge jeene äwä’dödööcomo wetä.

2 CODINTIYO 7:1

Mädääje na jimmä umjummadö; mädääje cöwwäiñe Wanaadi necamma’jödö na. Yääje yeijäcä quiichoccatäiye cöcoone’maneichomoojato, yää cäjööcomo choone’majaicho, cötö’tajäätödööcomo choone’majaicho mmaja. Wanaadi ñontancädä chäänönge jeene cä’tutäiye chäwwä.

CAADATA 5:17

Ajuunucoomo nijummadö Wanaadi dö’sennoto Epíiditu Santo jäcä nä’jädu’ta. Epíiditu Santo mmaja ajuunucoomo nijummadö jäcä nä’jädu’ta dea. Tönwanno naato äätu’dedööje; yääje yeijäcä ämjummaadööcomo tödööjai’cha maato.

EUJEESIYO 1:4

Quidiito jäcäinchädä mmaja Wanaadi cä’tätääne edä nono wamoodetaadö owaajodä, tösooma chämjataawä cöweichöcoomo wetä, conemjönö ’je’da cöweichöcoomo wetä mmaja.

EUJEESIYO 4:12

Mädääje töwö Quidiito tösootoi wetaadawa’cajooto’como cuntui, chäänönge yeichöcoomo wetä tötaadawaajuichomo tödöödö jäcä, aashicha quedeiyentecoomo i’wa’tädööcomo wetä mmaja chäwwäiñe, ñanno Quidiito ejööje naatoodö.

JIDIIPENSE 1:1

Öwö Paudo, Tiimoteo mmaja, Jesuuquidiito anoonö, edä ñaa nimenna äwwadäädäiñe, änwanno tameedä quedeiyentecoomo Jidiipo ñancomo, Wanaadi sotoi, Jesuuquidiito jadoncomo; ansiyaano wwadäädäiñe mmaja ñaa nimenna dea, diyaacono wwadäädäiñe mmaja.

JIDIIPENSE 3:16

Yää queejodöötäneedö woije mmaane cötö’tajä’täiye; yää woije queichäiye.

JIDIIPENSE 3:3

Cönwannoone ñanno siicunsidaadoje tödööajä chäänönga’como, Epíiditu Santo ai Wanaadi jummannamo mmaja. Cönwanno ta’cwaiñe caato Jesuuquidiito jäcäinchädä; cujuunucoomo weichö mmaane ecaanö’jai’cha caato.

JIDIIPENSE 3:8

Tameedäädä töja’emje yeichö wichö’tamme’ne Yeedhajä Jeduuquidiito yoowanääcä tödöödö jäcäinchädä, yää aashichaato jaiñoone. Quidiito junnei tameedä yää wöja’ne, chääta’jödö nönge na eduuwa öwwä, Quidiito chaana’cadö wetä öwwä,

1 TEESADOONISENSE 5:15

Odhoowoinchadäiñe’da eichäcä, anejja mma adhantawäiñe töjääcä conemjönö tödö’jödö conemjönö que mmaja oojo’to’no. Aashichaato dödö mmaane encano’täjai maato änwannoje dea, tameedä soto jäcäiñe mmaja.

2 TEESADOONISENSE 2:13

Änwanno jimmä, Cajiichaana nijummadö, yeichöje Wanaadi wwä aashicha a’deujai ñaa na äjääcäinchädäiñe, jenaadä Wanaadi wwä töwääwanaacaamoje adhe’to’jocoomo weijäcä. Töwö Wanaadi osoomatääne Epíiditu Santo que, äwwäiñe chäänöngato ecamjödö que mmaja.

1 TIIMOTEO 5:10

Tacaade eijai ña aashichaato iiñö’jödö, mude’cä’cä iiñejenca’jödö jeiñe mma, aashicha soto tödöiñano womoomödö tödö’jödö jeiñe mma, quedeiyentecoomo i’wa’tä’jödö jeiñe mma, wentumja’como i’wa’tä’jödö jeiñe mma, anejja aashichaato tödö’jödö jeiñe mma.

1 TIIMOTEO 6:19

Mädääje äcuudatooje tönsomaadöcoomo i’jummajai ñaato, yeichöödoto weiñä ejoodöiyeto yaawä.

EEWEDEO 12:14

Tameedä soto jäcä äätu’dedööje’da aweicho’como encano’tätääcä, aashicha aweiyancädäiñe. Ñäädä aashicha yeichö ’jemjönö Cajiichaana aneene’da na’de.

EEWEDEO 12:23

Wanaadi nnacoomo we’jumma’como wwadäädäiñe mmaja, ñanno caju ña chäätöcoomo tömennä naadö. Wanaadi wwadäädä mmaja me’täne dea, ñäädä tameedä soto emmencaneichomo, aashicha’como do’tadööcomo wwadäädä mmaja, ñanno Wanaadi nichoonecaadö,

EEWEDEO 13:21

Töwö Wanaadi chäänönge ayöödöaato, aashicha ayöödöaato dea tameedä aweichöcoomo jäcä, tumjummadö woije tödönnamooje aweichöcoomo wetä yaawä. Töwö Wanaadi Jesuuquidiito ni’wa’tädö que cödööato tumjummadö woije. Ñäädä Jesuuquidiito aashicha wa’deuto’me na yeichöödäje. Amén.

SANTIYAACO 3:2

Tameedä cönwanno conemjönö tönnöe caato aneedawä. Ñäädä cone’da a’deujönö chäänöngato ñäädä. Ñäädä yääjato dhowaanäcä mmaja na dea tameedä töweichö e’se’tädö.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.