JIDIIPENSE 2:7 - Wanaadi A'deddu

⁷ Tummichaane cunummichai yaaje töweichö tanontäjä’emööje töwä’dödö wetä, sotooje töwennudu que.

JIDIIPENSE 2:7 ပူးပေါင်းရင်းမြစ်များ

MATEO 12:18

Määdhä ñäädä yaanonö, öwö ne’tä’jödö. Umjummadö töwö; ta’cwaiñe wa chääjäcä. Epíiditu Santo ’je wödööa’de. Öwö ya’deddu necammajä’a’de Wanaadi dhowaanojöncomo wwä.

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

MAADOCO 9:12

Töwö cöneccujä’a’to; cönä’döaacä chäwwäiñe: —Chäänöngato mädä; Edía awa’de ye’tojo na, tameedä choonecaaneije. Öwö, Soto nnedö, jääcä imennaajä töweiye na, yää wäntunaanö’tojo jäcä, wä’quiiñeme’jotoojo jäcä mmaja.

DUUCA 22:27

¿Äshono ca cajiichaanaje jeene töweiye nai, äwanshi ejoodönei ’ja, meesa de’wono wääwashinchädööne? ¿Meesa de’wono wääwashinchädö jönca? Öwö mmaane wa ajaadäiñe äwwäiñe tödöönei nönge.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

DOMAANO 1:3

Yää wätunnä na Cädhaajotoncomo Jesuuquidiito jäcä, ñäädä Wanaadi nnedö. Töwö Jesuuquidiito cönä’jaacä Dawí atöödöje.

DOMAANO 15:3

Quidiitode töweichö mma anencano’tä’da cöneiyacä. Wanaadi a’deddu imennaajä wä’dödö naadöje töwö cönä’jaacä, yää edääje yä’dödö naichö: “Ñanno äjääcä cone’da töwa’deuwe weneenetoodö öwö jääcä mmaja cone’da na’deuwaato dea;” queeto imennaajä nönge Quidiito cönä’jaacä.

DOMAANO 15:8

Edääje wä’döa äwwäiñe: Quidiito cöneejä judhío wwäiñe tödööneije, chäänönge tödöödö wetä yää ñaa adaichö wwäiñe Wanaadi necamma’jödö, eneejodö wetä mmaja chäänönge Wanaadi töneecamma’jödö tönnöe yeichö.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

2 CODINTIYO 13:4

Töwö cuduusa jäcä cönaatajoijoi jäduujemjönö nönge; yääje yeichaame Wanaadi jäduudu woije nudä na eduwwa. Ñaa mmaja jäduuje’da ñaa na dea, töwö cönä’ja’döje mmaja; yääje yeichaame Quidiito jadä ñaa weijäcä Wanaadi jäduudu que ñaa weichö na’de, ä’wa’tännamooje ñaa weichö wetä.

2 CODINTIYO 8:9

Odhoowanääcäiñe aashicha Cädhaajotoncomo Jesuuquidiito nödö’jödö. Tameedä töwwä yei’jödö weichaame töwö äjääcäinchädäiñe a’cato nönge cönä’döjoi, tameedä äwwäiñe töweiye yeichö wetä yaawä töwö a’cato nönge yä’döjo’jödö que.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

JIDIIPENSE 2:6

Töwö cönä’ja’dö naane’, Wanaadije töweichaame Wanaadi wa’cä mmaja töweichö to’nomjamje’da ane’tä’da cöneiyacä.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

EEWEDEO 13:3

I’wa’tätääcä ñanno jedeesoja’como, amäädä chääjadäiñe jedeesoje eijai maadö wa’cä deaane. I’wa’tätääcäde ñanno töwäätä’maminchajo weneenetoodö, änwanno ätä’maminchajoojai mmaja aweichöcoomo chö’tamme’cancädä.

EEWEDEO 4:15

Ñäädä Jesuuquidiito, Tumö wwä cöjääcäinchädäiñe töwa’deuwemööje naadö, wentumje cäneetäiñe’da’da weneene jäduuje’da cöweichawäiñe, töwö töwä’yunaacajo’jödö weijäcä mmaja tameedä conemjönö jäcä, cönwanno cäänetäänedööje mmaja; yaawääne’, conemjönö ännö’daane’ töwö cöneiyacä.