JIDIIPENSE 2:30 - Wanaadi A'deddu

³⁰ Töwö Quidiito tadaawaajui jäcäinchädä äämadö cöneiyacä. Äämajai töweichaame öwwä tönnöjä’e cönä’jaacä yää öwwonooje tödööjai’cha mä’ja’quennö.

JIDIIPENSE 2:30 ပူးပေါင်းရင်းမြစ်များ

DOSECHO 20:24

Cone’da yöödö’da na mädääje yeichö; oowontä’da mmaja wa dea. Ta’cwaiñe wä’ca’se mmaane wa öwwä tödööemö jäcä, yää Cajiichaana Jesuuquidiito taadawaajuije cuntuichö, aashichaato wätunnä ecammajäätödö aashicha Wanaadi weichö jäcä.

DOMAANO 16:4

Wäämadö jonno yeewanaacadö wetä tönwanno äämadö cöneiya’to; yääje yeijäcä öwö mmajöönö ta’cwaiñe chääjäcäiñe wa, tameedä quedeiyente judhíojöncomo mmajaane.

1 CODINTIYO 15:53

Edä weiñä töwaatameemöje naadö töwaatamemjönö que nenwacaama’de; edä cäjööcomo töwäämaamöje naadö töwäämamjönö que nenwacaama’dede.

1 CODINTIYO 16:10

Adöiñaiñe Tiimoteo wöta’jäcä aashicha tödöötäcä’de, täncanoode’da eiye ajaadäiñe, töwö Cajiichaana Jesuuquidiito tadaawaajui tödööneije yeijäcä, öwö waadöje mmaja.

1 CODINTIYO 16:17

Öwö ta’cwaiñe wa döiña Eteujana weejö’jödö weijäcä, Jootunaato mmaja, Acaico mmaja. Tönwanno öwwä tönnöe weneeneto änwanno tödööjai’cha määnetäänedö eetä’da aweijäcäiñe.

2 CODINTIYO 12:15

Öwwä tujunne aweichaameiñe jääcä chö’tajäätö’da ätö’taato. Yääje yeichaame ajummatäiñe dea wäänene. Tameedä öwwä naadö acoichajoojai tö’ta äjääcäinchädäiñe, weichö jadä’jödöödä.

2 CODINTIYO 4:12

Mädääje na; töwäämatoojojaato töneene ñaa weneene; änwanno mmaane aashicha weiñä daja töneene määnetääne.

JIDIIPENSE 2:17

Öwö ta’cwaiñe dea eijai wa saaquidiijiisiyo nönge töwä’tueemöje weichaame, yää saaquidiijiisiyo ännödööcomo de’wä mmaja, ecamjödö que tönnöe määnetäänedö. Adhaacoodaaneiñe ta’cwaiñe eijai wa.

JIDIIPENSE 2:27

Cädäije dämma cönä’jaacä, äämajai tödööene; töwäädä Wanaadi wentumje cöneene’maiñe’. Töwö mma’da wentumje cöneene’mai, öwö mmajaane, wentumje weichö jona mma wentumje wei’ñode yaawä.

JIDIIPENSE 4:10

Eduuwa jooje ta’cwaiñe wa jääcä deja mmaja ätö’tajäätödööcomo weijäcä. Jääcä tötö’ta dea awei’jocoomo weichaame, yaawäne’ yöödötoojo ’je’daane cönä’jaacä äwwäiñe.

JIDIIPENSE 4:18

Chääwa’cä öwwä na yää änne’jo’jocoomo, ye’jodhe deja. Tameedä öwwä tujunnato töweiye na Epaujodiito wwä mene’jotäänedö que. Yää na juu shimi’jotoojo yau’cwaajä jodö töweiye naichö wa’cä, caado, saaquidiijiisiyo Wanaadi wacöötö töweiye naichöje mmaja.

JIIDEMÓN 1:13

Jaadä dea tödö’se waadö’je aashichaato wätunnä jo’tädööje jedeesoje weichö wadaadäädä ö’wa’täneije, amäädä eijai maadöjaatoje.

APOOCADIISI 12:11

Ñanno cöjimmotoncomo tämentäneichomo’jödö cöne’jodheinchaicho Oweeja nnedö’cä wääma’jödö que, dha’deddu ecammajäätödö que mmaja. Tönwanno töwäämadööcomo onnontä’da cönä’ja’to tämaadöcoomo jonaane.