JIDIIPENSE 2:28 - Wanaadi A'deddu

²⁸ Yääje yeijäcä jooje enno’ja’se wa, ta’cwaiñe aweichöcoomo wetä yaawä eneea’jäcä äwwäiñe, wentumje’daiche weiyede öwö yaawä.

JIDIIPENSE 2:28 ပူးပေါင်းရင်းမြစ်များ

JUAN 16:22

Mädääje mmaja änwanno, eduuwa mma wentumje maato. Öwö maneeneaato’dede äcuude; yaawä ta’cwaiñe maato’de. Anejja adhenwajiiñajaiñe’da na’de yaawä adha’cwaniiyöcoomo que.

DOSECHO 20:38

Wentumje cönä’ja’to jooje yääje Paudo wä’dö’jödö weijäcä: “Eduuwa naadö jonno yeene’da maato’de;” quee yä’dö’jödö weijäcä. Chääjadä cöntonto yaawä wä’taca.

2 CODINTIYO 2:3

Yääje yeijäcä mädääjatooje jajeeda wimennäne äwwadäädäiñe, yaawä adöiñaiñe ööta’jäcä wentumje weichö quieñe äjääcäiñe, ya’cwaimannamoojato’jödö jäcäiñe. Yoowanääcä cönä’jaacä öwö ta’cwaiñe weiya’jäcä änwanno mmaja ta’cwaiñe eijai aweichöcoomo.

JIDIIPENSE 2:29

Yääje yeijäcä Jesuuquidiito jäcäinchädä aashicha tödöötäcä’de mä’dä Epaujodiito, adha’cwaniiyöcoomo que. Määdhä nöngato ijummatääcä.

2 TIIMOTEO 1:4

Awaamo’jödö jäcä tö’tajäätödaawä adheene’se tötö’tajä’e wäänene, ta’cwaiñe weichö wetä yaawä.