JIDIIPENSE 2:25 - Wanaadi A'deddu

²⁵ Epaujodiito mmaane eduuwa mma wiiñacaanö’ja adöiñaiñe, ñäädä öwwadäädä ö’wa’täneije menno’jatäänedö. Weichacoono töwö, weetadaawa’cajoodö jäcä ö’wa’tänei’jödö, wewäänä’tänä jäcä mmaja.

JIDIIPENSE 2:25 ပူးပေါင်းရင်းမြစ်များ

JUAN 13:16

Chäänönge yääje wä’döa äwwäiñe, dhanoonö tädhaajä e’jodhe’da na, anontaajä tanontänei’jödö e’jodhe’da mmaja.

JUAN 17:18

Edä nono de’cäi canontäneedöje mmaja wanontäneeto dea tönwanno, tameedä yeichö wa’cä.

DOMAANO 16:3

Ya’deujödö wadääja Pidiisiida wwadäädä, Aquiida wwadäädä mmaja, ñanno Quidiito tadaawaajui jäcä weetadaawa’cajoodö jimmä.

DOMAANO 16:9

Ya’deujödö wadääja dea Uuduwaano wwadäädä, Quidiito tadaawaajui jäcä ñaa ’wa’tänei; Etaaqui wwadäädä mmaja, ñäädä umjummadö;

1 CODINTIYO 3:9

Ääjimmäje ñaa na Wanaadi tadaawaajui tödöödö jäcä; änwanno ’quene chaadawaajui’jödööje maato, soto naudädö töweiye naichöje. Wanaadi äjääcäiñe netaadawa’caja, maa amäänei tönaamä töweiye naichöje.

2 CODINTIYO 2:13

yaawääne’ täncanoode’da chö’tajä’jai’cha wä’jaaquene, yäätä weichacoono Tiito aneejodö’da wei’jödö weijäcä. Yääje yeijäcä wääcammane yaawä ñanno Todoowa ñancomo wwä; Maasedooniya ña wötääne yaawä.

JIDIIPENSE 2:26

Töwö jooje adheene’seiñe na. Cone’da cönä’döjoi cädäije töwei’jödö eta’jödö weijäcä äwwäiñe.

JIDIIPENSE 4:18

Chääwa’cä öwwä na yää änne’jo’jocoomo, ye’jodhe deja. Tameedä öwwä tujunnato töweiye na Epaujodiito wwä mene’jotäänedö que. Yää na juu shimi’jotoojo yau’cwaajä jodö töweiye naichö wa’cä, caado, saaquidiijiisiyo Wanaadi wacöötö töweiye naichöje mmaja.

JIDIIPENSE 4:3

Äwwä mmaja yääje wä’döa dea, amäädä weetadaawa’cajoodö weichacoono chäänöngato: I’wa’täcooto ñanno wodiiñamo, we’toichodö. Tönwanno ö’wa’täneeto aashichaato wätunnä ecammajäätödö jäcä. Quedeemente mmaja i’wa’täcä’dede, anejjacoomo ö’wa’tännamo’jödö mmaja, chäätöcoomo naadö weichojo jajeedai’chädö jäcä.

CODOOSENSE 1:7

Änwanno yää jäcä moowanoomajootäne Epaujada wwä, ñäädä ñaa nijummadö, ñaa wetaadawa’cajoodö weichacoono. Töwö ñaa ’wa’täneije na, Quidiito anoonö chäänöngatooje mmaja.

CODOOSENSE 4:11

Jesú mmaja ta’deujödö nadääja dea äwwadäädäiñe, ñäädä Juusutu täätö mmaja. Ñanno mma canno judhío quedeiyentecoomo jaadoncomo wetaadawa’cajoodö Wanaadi tadaawaajui jäcä. Tönwanno naato jäädu’tännamooje.

1 TEESADOONISENSE 3:2

Adöiñaiñe ñaa cönaanontäi töweichacoono Tiimoteo. Töwö na Wanaadi anoonöje, ñaa jadoono wetaadawa’cajoodö Quidiito wätunnäi aashichaato ecammajäätödö jäcä. Yääje yeijäcä ñaa cönaanontäi adöiñaiñe, äjäädu’täneichomooje, äwäätuujaneichomooje mmaja ecamjödö jäcä,

JIIDEMÓN 1:24

Maadoco mmaja, Aaditaaducu mmaja, Deema mmaja, Duuca mmaja, ta’deujocoomo nadääjaato dea; tönwanno naato weetadaawa’cajoodö jimmäje.

EEWEDEO 3:1

Yääje yeijäcä jimmä shooma’como, änwanno Wanaadi sotoije a’dejja’como, Jesuuquidiito jäcä ätö’tajä’täcä, ñäädä Anontaajä, cöjääcäinchädäiñe Wanaadi wwä töwa’deuwemö, ñäädä queecanö’atoodö.