JIDIIPENSE 2:13 - Wanaadi A'deddu

¹³ Wanaadi chea äwwäiñe nu’a aashichaato tödö’se aweicho’como. Töwö dea ä’wa’taato aashichaato tödöötojo jäcä, tumjummadö chäänöngato woije.

JIDIIPENSE 2:13 ပူးပေါင်းရင်းမြစ်များ

DUUCA 12:32

“Tösaade’daane eichäcä, änwanno sootoi, oweeja nönga’como. Wanna’da aweichaameiñe Oomotoncomo acaajichaanaichomooje na.

DUUCA 2:14

Aashichaato ñäädä Wanaadi, caju ñano. Nono de’woncomo täncanoode’da weichojo neneeaato’de, ñanno chääjäcäiñe Wanaadi ta’cwaiñe naadö; quee cönä’döa’to.

JUAN 3:27

Yaawä Juan cönä’döaacä chäwwäiñe: —Töweichojo Wanaadi nutuudu mma tödöödö toweiye nai.

JUAN 6:45

Edääje nä’döa Wanaadi wa’deuwödö ecammannamo nimenno’jocoomo jäcä: “Tameedä noowanoomajaato’de Wanaadi wwä;” quee nä’döa. Ñäädä Jaaja a’deddu etaanei, Jaaja nowaanomaadö mmaja, ñäädä ne’a öwwadäädä.

JUAN 6:65

Töwö cönä’döaacä: —Yääje yeijäcä yääje wä’döaanä äwwäiñe, anejja e’jai’cha na öwwadäädä Jaaja nenno’jadööje’da yeiya’jäcä; quee cönä’döaacä.

DOSECHO 11:21

Tönwanno Cajiichaana jäduudu ’je cönä’ja’to; jooje soto töwäätunnäichomo jonno Cajiichaana Jesuuquidiito cöneecamjöicho.

DOMAANO 12:3

Aashichaato Wanaadi nutuudu öwwä naadö woije edääje wä’döa äwwäiñe: Anejja mma to’jodheene chö’tajäätöi’che. Acu’shämjeene ätö’tajä’täcä, ecamjödö Wanaadi nutuudu äwwäiñe naadö ’cäwa’cä mma.

DOMAANO 9:11

Ñanno Deweeca nnacoomo ennu’dadooto Wanaadi yeicho’como cöneecammai, iiñödööcomo ’je’da dea yeichaame, aashichaato, conemjönö jeiñe mma. Edääje Wanaadi cönä’döaacä Deweeca wwä: “Yui ña’de tacoono anoonöje;” quee. Edääje mmaja aneetaja Wanaadi a’deddu imennaajä na’döa dea: “Jacoowo wijummane, Esaú mmaane wichiiñeme’ne;” quee. Mädääje na; mädääje tumjummadö woije mma Wanaadi tösootoije töweiyemö töna’dejja weneene, iiñödö jäcäinchädä’da.

DOMAANO 9:16

Mädääje na. Töwoije mma’daane wääwanaacanä töweiye nai, wä’jädu’tänä que’da mmaja, Wanaadi wentumje äneetä yeichö woijeene.

1 CODINTIYO 12:6

Aneejejaiñene’jödöödä mmaja tödööemö tödöötojo; yaawääne’, ñäädä dea Wanaadi cöwwäiñe tödööjoneije na.

1 CODINTIYO 15:10

Yääje yeichaame anontaajäje wa aashicha Wanaadi weichö woije. Yää aashichaato inchudu öwwä töwäädämma’da cöneiyacä; anejjacoomo anonta’como e’jodheiñe yeetadaawa’cajoone; öwööjönö weichaame, Wanaadiiñe jaadä weneene, aashicha töweichö woije.

2 CODINTIYO 3:5

Ñaa dea mma chäänönge tödööjai’cha ñaa weichaame; Wanaadi jonnoone ne’a ñaa wwä tödöötojo.

EUJEESIYO 1:11

Quidiito jadä cöweichomjäcä jenaadä töwö Wanaadi cä’tätääne yää cöwwäiñe tuntudu eiñamooje. Tameedä mädä na Wanaadi nijummadö woije; töwö tameedä tönnöe weneene töntö’tammecöödö woije.

EUJEESIYO 1:5

Cujummatäiñe töweijäcä jenaadä töwö Wanaadi Jesuuquidiito jäcäinchädä tönnacoomoje töweiyaamoje cä’tätääne; yääje cödööto’como töwö cöntö’tammecöi tumjummadö woije.

EUJEESIYO 1:9

Töwö cöwwäiñe cöneenejoi chea töwwä töntö’tammecö’jödö tödöötojo, yää owaanojöönö’jödö, tumjummadö woije cöntö’tammecöichö.

EUJEESIYO 2:8

Aashicha Wanaadi weichö woijeene töwääwanaaca maato, ecamjödö que, änwanno aashicha aweichöcoomo jäcäinchädä’da, Wanaadi nutuudu woijeene.

2 TEESADOONISENSE 1:11

Yääje yeijäcä Wanaadi wwä töwa’deuwe ñaa weneene äjääcäiñe. Töne’ca’e ñaa weneene tanoonöje ayöödöto’como. Ijäädudu que ä’wa’tojootäiñe ñaa weneene dea, tameedä aashichaato tödö’se määnetäänedö jäcä, ännödööcomo jäcä mmaja, yää aneecamjödööcomo que tönnöe määnetäänedö.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

EEWEDEO 13:21

Töwö Wanaadi chäänönge ayöödöaato, aashicha ayöödöaato dea tameedä aweichöcoomo jäcä, tumjummadö woije tödönnamooje aweichöcoomo wetä yaawä. Töwö Wanaadi Jesuuquidiito ni’wa’tädö que cödööato tumjummadö woije. Ñäädä Jesuuquidiito aashicha wa’deuto’me na yeichöödäje. Amén.

1 PEEDHODO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi wentumje äneetä töweichö woije eduuwaatoje cännuichatääne töwäämaajo jonno Jesuuquidiito waadoncadö que. Yääje yeijäcä cöwo’womoocödööcomo töwaatamemjönö cöwwäiñe töweiye na.