JIDIIPENSE 2:12 - Wanaadi A'deddu

¹² Yääje yeijäcä, jimmä umjummadö, ajaadäiñe weichö öwö woije tönnöe mä’ja’quennöje dea eichäcä, jooje’cä mmaane eduuwa ajaadäiñe’da weijäcä. Töwääwanaaca aweichöcoomo jäcä oowoinchatääcä, o’jodhe ätö’tajä’ancädäiñe’da, tönoiñe äneetä aweiyancädäiñeene.

JIDIIPENSE 2:12 ပူးပေါင်းရင်းမြစ်များ

MATEO 11:12

“Eduuwa Juan Wautiita ncäcäädä jooje soto Wanaadi nödööaato töcaajichaanaichomooje. Töjääduduucomo que Wanaadi sotoije nä’döaato.

MATEO 11:29

Öwö naadojoodö adäätäcä. Oowanoomatääcä jääcä, maneedeetanö’täiye. Dho’noncomo tö’tajäätödö öwö, äätömaajä’jönö mmaja.

DOSECHO 16:29

Yaawä adhaawa e’catäädö’jo ñäädä jedeeso edai’chäneichomo cönoomomöi Paudo döiñaiñe tötäätä’nöngancädä. Tä’mudhe cönä’döi yaawä Paudo, Siida o’wawäiñe.

DOSECHO 9:6

Saudo cöntätä’nöngacä yaawä tösaccomje. Töwö cönä’döaacä: —Cajiichaana, ¿ane’cäämö tödööjo’se manä öwwä? quee. Yaawä Cajiichaana cönä’döaacä chäwwä: —Aanöncä; jataaca äjääne. Yäätä töweiye na äwwä ecammanei; quee.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

1 CODINTIYO 2:3

Adhantawäiñe wä’jaaquene jäduuje weiyancädä’da, saadöje tätä’nönnäje mmaane.

1 CODINTIYO 4:14

Ajöichojooto’comooje’da mädä wimenna, äwäätuujato’comoojeene, önnacoomo umjummadööje aweijäcäiñe.

2 CODINTIYO 7:15

Änwanno Tiito a’deddu tödööcoije mä’ja’quene; aashicha mmaja töwö mödöötäne dea, ñontancädä. Yääje yeijäcä töwö jooje ajummatäiñe weneene yääje awei’jocoomo jäcä tötö’tajäätödaawä.

EUJEESIYO 6:5

Änwanno tädhaajäca’como, adheedhajootoncomo edä nono de’woncomo woije eichäcä, ñontancädäiñe, aashicha tödööancädäiñe mmaja, tooni mma ätö’tajäätödööcomo tödööancädä, Quidiito wwä tödöödö töweiye naichöje.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

JIDIIPENSE 1:29

Änwanno maato Quidiito ecaanö’nnamooje töweiyaamoje mma’da, ijunnei töwäntunaanö’aamoje mmajaane.

JIDIIPENSE 1:5

ö’wa’tä’jödö weijäcä äwwäiñe aashichaato wätunnä ecammajäätödö jäcä, awa’deene äwwäiñe eta’jödö jonnoto’jödöödä eduuwa naadö jona tödööene.

JIDIIPENSE 1:6

Yoowanääcä na ñäädä äjääcäiñe aashichaato tödöödö cönaajäntäichö chäänönge tödöödöje dea yeichö, Jesuuquidiito weejödö wa’cä.

JIDIIPENSE 2:19

Cajiichaana Jesuuquidiito woije yeiya’jäcä, adöiñaiñe Tiimoteo anontä’se wa eduuwa mma, ta’cwaiñe weiye yaawä adheecadööcomo eta’jäcä öwwä.

JIDIIPENSE 4:1

Änwanno jimmä umjummadö, adheene’seiñe wa jooje. Änwanno ya’cwaniiyöje maato, yeeje’jödööje mmaja. Jäduuje eichäcä Cajiichaana nutuudu que, änwanno umjummadö.

JIDIIPENSE 4:15

Odhoowanääcäiñe na änwanno Jidiipo ñancomo, Maasedooniya ñanno wääma’tädaawä, aashichaato wätunnä ecammajäätödö waajäntädaawä, anejjacoomo quedeiyentecoomo ö’wa’tä’da yei’jocoomo. Änwanno mmaane cö’wa’tätääne Wanaadi nödöödö jäcä öwwä ä’wa’to’jocoomo emeetacaamadööje.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

2 TIIMOTEO 2:10

Yääje yeijäcä tameedä tönshinchä wäänene ñanno Wanaadi neichö jäcäinchädäiñe, tönwanno mmaja yeichöödoto wääwanaacatoojo ejoodöiyetoode, yää aashichaato, Jesuuquidiito jadä weiñä naadö.

EEWEDEO 12:1

Mädääje na; jooje naato ñanno ecamjödö ’ja’como wäänejoodö cöwwäiñe. Yääje yeijäcä cummichaatäiye tameedä cämu’däneichomooje naadö, conemjönö cashiichuudäneichomooje naadö mmaja. Chincha’da cöweiyancädäiñe cöötätäiye cäämadööcomo tai.

EEWEDEO 4:1

Yääje yeijäcä cowoinchadäiñe’da queichäiye, Wanaadi nutuudu wäädeetatoojo ecammaajä cöwwäiñe yeichaame mma anejja adhantawäiñe aneemaicha’no.

EEWEDEO 4:11

Yääje yeijäcä cä’jädu’tätäiye cönwanno, yää wäädeetatoojo ejoodödö wetä, anejja mma cantawäiñe ecoone’ma’no, ñanno aneecanö’jöncomo’jödö cöneecone’maichodööje mmaja.

EEWEDEO 5:9

Chäänönge töwä’döa’jäcä töwö Jesuuquidiito wääwanaacatoojo yeichöödoto u’neije cönä’döi yaawä, tameedä ta’deddu woije tödönnamo wwä.

1 PEEDHODO 2:11

Jimmä umjummadö, edä nono de’woncomoojönö änwanno; ajaatawäiñe’da maato. Yääje yeijäcä edääje mänwätuujaato: Ajuunucoomo nijummadö männötäi, yää odo’tadööcomo jadä töwä’tu’de’tä weneenedö.

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.