JIDIIPENSE 2:11 - Wanaadi A'deddu

¹¹ tameedä Jesuuquidiito Cajiichaanaje e’täiyetoode. Mädääje Cumöötoncomo Wanaadi aashicha wa’deutojooje eijai ña.

JIDIIPENSE 2:11 ပူးပေါင်းရင်းမြစ်များ

MATEO 10:32

“Ñäädä soto netaadöcoomoje töjöiye’da yeecammajä’nei, öwö mmaja Jaaja wwä töjöiye’da wecamma’dede jaadonooje yeichö.

DUUCA 2:11

Eduuwa Adheewanaacaneichomo nennui, Dawí jataacäi’jödö, ñäädä Quidiito, Cajiichaana.

JUAN 12:42

Dhantai judhíocoomo Jesuuquidiito aneecamjö’da yeichaameiñe anejjacoomo cöneecamjöicho, cajiichaanacoomo jadä’jödöödä. Tacaade’da mma cöneecamjöicho, jaadiseeo nontädööcomooje, judhío jadä töweichöcoomo jonno tu’cadööcomo queiñe.

JUAN 13:13

Änwanno odhoowanoomaneichomooje cä’taato, adheedhajootoncomooje mmaja; chäänönge yääje äwä’dödööcomo, ñäädääne weiyajä.

JUAN 13:14

Öwö odhoowanoomaneichomooje weichaame, adheedhajootoncomooje weichaame mmaja, ä’juduucomo wichoccai; töwaacö’je änwanno choccajai maato äjimmotoncomo ’judu.

JUAN 14:13

Tameedä yeetö joi ane’catäädöcoomo öwö wödööa’de, aashicha Tumö weichö Iiñedö wwä eneejodö wetä.

JUAN 14:23

Jesuuquidiito cöneccujä’acä: —Ñäädä öwö jummanei ya’deddu woije nödööa; Jaaja nijumma’de ñäädä. Ñaa ne’a’de yöiña; chääjadä ñaa na’de.

JUAN 17:1

Yääje töwa’deuwö’jeje Jesuuquidiito Tumö wwä cöna’deuwöi, caju ña ene’mancädä. Töwö cönä’döaacä: —Jaaja, eduuwa nä’döi chu’nädö aca. Aashicha Ännedö weichö eneejocä, aashicha mmaja aweichö eneejoiyede töwö.

JUAN 20:28

Yaawä Tomá cönä’döaacä: —Yeedhajä amäädä, Waanadiiyö mmaja; quee.

JUAN 5:23

Yääje yeijäcä tameedä soto tönoiñe eneejai ñaato ñäädä Iiñedö, Yuumö nontädö wa’cä mmaja. Ñäädä Iiñedö ñontäneijönö Yuumö onnontä’da mmaja na dea, ñäädä Iiñedö anontänei’jödö.

JUAN 9:22

Tönwanno yääje cönä’döa’to judhíocoomo nontädööje, yääje yä’dö’jocoomo weijäcä: “Anejja wwä Äwaanacaaneije Jesuuquidiito e’ta’jäcä tu’ca na’de yaawä cöjaadäiñe yeichö jonno;” quee yä’dö’jocoomo weijäcä.

DOSECHO 10:36

Töwö Wanaadi Isadaaeeda atöödö wwäiñe cöneecammai yää Jesuuquidiito ecamjödö que täncanoode’da weichojo, ñäädä tameedä Ädhaajäje naadö.

DOSECHO 2:36

“Yääje yeijäcä tameedä iisadaaediitacoomo chäänönge towaanäcäiñe tödööjai ñaato ñäädä dea Jesuuquidiito cajiichaanaje tödö’jödö yeichö Wanaadi wwä, Äwaanacaaneije mmaja, ñäädä cuduusa jäcä majoijotäänedö dea; quee cönä’döaacä Peedhodo soto wwäiñe.

DOMAANO 14:11

Edääje Wanaadi a’deddu imennaajä nä’döa: Chäänönge yääje wä’döa, öwö je’taca tameedä soto tä’mudhe nä’döaato’de; tameedä aashicha na’deuwaato’de Wanaadi jäcä; quee Cajiichaana nä’döa; quee imennaajä nä’döa.

DOMAANO 14:9

Quidiito cönäämai, cönaadoncai chea yää ’jeje, tameedä Cädhaajotoncomooje töweichö wetä, nudo’como Edhaajotoncomooje, yä’ja’a’como Edhaajotoncomooje mmaja.

DOMAANO 15:9

Töwö Quidiito cöneejä judhíojöncomo mmaja aashicha Wanaadi jäcä a’deuwöiyeto wentumje äneetä yeichö jäcä. Edääje Wanaadi a’deddu imennaajä nä’döa: Yääje yeijäcä aashicha äjääcä ya’deuwa’de soto antawäiñe; ojoi yeecanta’ña’de, awa’demeecödööje; quee imennaajä nädöa.

1 CODINTIYO 12:3

Yääje yeijäcä odhoowanääcäiñe yei’she wa Epíiditu Santo woije soto edääje ä’dö’da yeichö: “Jesuuquidiito conemjönö;” quee ä’döjai’cha. Ñäädä Cajiichaanaje Jesuuquidiito e’tänei mmaane Epíiditu Santo woije yääje nä’döa.

1 CODINTIYO 15:47

Awa’deenato dhanwa cönä’jaacä edä nono de’wonooje, nono döaajä. Yää ’jejaato dhanwa mmaane caju ñanooje na, ñäädä Cajiichaana Jesuuquidiito.

1 CODINTIYO 8:6

Cönwanno cöwwäiñe mmaane tooni Wanaadi ña, ñäädä Cumöötoncomo, tameedä tödööajä naadö tödöönei’jödö. Töwö chäwwonooje caato cönwanno. Tooni mma mmaja Ädhaajä na dea, ñäädä Jesuuquidiito. Töwö yoije tameedä tödööajä weneene, cönwanno jadä’jödöödä.

1 PEEDHODO 1:21

Jesuuquidiito ni’wa’tädö que Wanaadi mecaanö’ato, ñäädä yäämaajo jonno Jesuuquidiito adoncanei’jödö, chäwwä aashichaato u’nei’jödö mmaja. Yääje yeijäcä Wanaadi mecaanö’ato, miyoomo’cato dea.

1 JUAN 4:15

Ñäädä Jesuuquidiito Wanaadi nnedööje yeichö ecammanei Wanaadi jadoono ñäädä, Wanaadi chaaca na dea töwö.

1 JUAN 4:2

Edääje ene’ju’jai maato Epíiditu Santo woijato ecammajäätödö: Ñäädä Jesuuquidiito Äwaanacaaneije yeichö ecammanei, sotooje yeejö’jödö ecammanei mmaja, Wanaadi dö’sennoto Epíiditu Santo ’jano ñäädä.

2 JUAN 1:7

Jooje äncu’tännamo naato edä nono de’wä, Jesuuquidiito sotooje yeejö’jödö ijoome’dännamo. Ñäädä yääjato wä’dödö äncu’tänei ñäädä, Quidiito tu’de’tänei.

APOOCADIISI 3:5

Ñäädä e’jodheinchanei’jödö tajääde’dato yoomöje na’de; chäätö anaajuudä’da wa’de weichojo jajeedai’chädö jäconno. Öwö wecamma’de sootoije yeichö Jaaja wwä, Jaaja amoodedö netaadöcoomoje mmaja.