JIDIIPENSE 1:6 - Wanaadi A'deddu

⁶ Yoowanääcä na ñäädä äjääcäiñe aashichaato tödöödö cönaajäntäichö chäänönge tödöödöje dea yeichö, Jesuuquidiito weejödö wa’cä.

JIDIIPENSE 1:6 ပူးပေါင်းရင်းမြစ်များ

JUAN 6:29

Jesuuquidiito cönä’döaacä: —Edä yää Wanaadi tadaawaajui tödöödö, töwö dhanoonö ecamjödö; quee.

DOSECHO 11:18

Yaawä yää eta’jäcä Jeduusadén ñancomo quedeiyentecoomo cöneeta’jöjäätöicho; aashicha cöna’deuwa’to yaawä Wanaadi jäcä. Tönwanno cönä’döa’to: —Judhíojöncomo wwä mmaja Wanaadi cuntui chea chö’tajäätödööcomo sha’duminchatoojo, yääwanaacadööcomo wetä; quee cönä’döa’to.

DOSECHO 16:14

Ñanno antawäiñe cönä’jaacä wodi, Diidiya täätö, Tiiyatiida ñano. Töwö cönä’jaacä camiisha seweichato ejeemajooneije. Wanaadi tumjumma cönä’jaacä. Yaawä Cajiichaana cuntui chäwwä Paudo wwä ecammajäätödö aashicha etaatojo.

1 CODINTIYO 1:8

Töwö Wanaadi adheedai’chaato’de yaatameedö jonaane, ejääduqueejö’da aweichöcoomo wetä, anejja wwä äämentojo’da aweichöcoomo wetä yaawä Cädhaajotoncomo Jesuuquidiito we’a’jäcä.

2 CODINTIYO 1:15

Mädääje äjääcäiñe tö’tajäätödö weijäcä awa’deene ädö’täcäiñe Maasedooniya ña öötä’se wä’jaaquennö’je, yää ’jeje iiñano’jödö ädö’täcäiñe mmaja wennacaadö wetä yaawä, aacädeene ta’cwaiñe aweichöcoomo wetä adöiñaiñe öötädö weijäcä, äwwäiñe yenno’jadö wetä yaawä Judheea ña.

2 CODINTIYO 2:3

Yääje yeijäcä mädääjatooje jajeeda wimennäne äwwadäädäiñe, yaawä adöiñaiñe ööta’jäcä wentumje weichö quieñe äjääcäiñe, ya’cwaimannamoojato’jödö jäcäiñe. Yoowanääcä cönä’jaacä öwö ta’cwaiñe weiya’jäcä änwanno mmaja ta’cwaiñe eijai aweichöcoomo.

2 CODINTIYO 7:16

Öwö ta’cwaiñe wa chäänönge aweichöcoomo yoowanääcä yeijäcä.

2 CODINTIYO 9:4

Anejjacoomo Maasedooniya ñancomo eetonno jaadä adöiñaiñe iicha’comjäcä naadö naane’, chäänönge’da adheedanta’comjäcä töjöiye eijai ñaa na yaawä töwäädämma chäänönge aweiyaatäiñe ecamjö’jödö weijäcä ñaa wwä. Änwanno mmaja töjöiye eijai maato dea yaawä.

CAADATA 5:10

Öwö Cajiichaana woije edääje tö’tajä’a äjääcäiñe; anejjeja ätö’tajäätödööcomo aneeseca’da eijai ätö’taato öwwä. Ñäädä adhencödööneichomo mmaane nätä’maminchaja’de Wanaadi wwä, täneejuque yeichö jona’da.

EUJEESIYO 4:12

Mädääje töwö Quidiito tösootoi wetaadawa’cajooto’como cuntui, chäänönge yeichöcoomo wetä tötaadawaajuichomo tödöödö jäcä, aashicha quedeiyentecoomo i’wa’tädööcomo wetä mmaja chäwwäiñe, ñanno Quidiito ejööje naatoodö.

JIDIIPENSE 1:10

odhoowanääcäiñe yeichö wetä yaawä aashichaato jaiñoone edantädö. Mädääje conemjönö ’je’da eijai maato, tämentaamoje’da mmaja, Quidiito we’a’jäcä.

JIDIIPENSE 1:29

Änwanno maato Quidiito ecaanö’nnamooje töweiyaamoje mma’da, ijunnei töwäntunaanö’aamoje mmajaane.

JIDIIPENSE 2:12

Yääje yeijäcä, jimmä umjummadö, ajaadäiñe weichö öwö woije tönnöe mä’ja’quennöje dea eichäcä, jooje’cä mmaane eduuwa ajaadäiñe’da weijäcä. Töwääwanaaca aweichöcoomo jäcä oowoinchatääcä, o’jodhe ätö’tajä’ancädäiñe’da, tönoiñe äneetä aweiyancädäiñeene.

JIDIIPENSE 2:13

Wanaadi chea äwwäiñe nu’a aashichaato tödö’se aweicho’como. Töwö dea ä’wa’taato aashichaato tödöötojo jäcä, tumjummadö chäänöngato woije.

JIDIIPENSE 2:16

weichojo a’deu ecammajä’ancädä. Mädääje aweiya’comjäcä äjääcäinchädäiñe ta’cwaiñe eijai wa yaawä Quidiito we’a’jäcä, töwäädämma’da töwäämannä’e wei’jödö weijäcä, töwäädämma’da taadawaajui’jödö weijäcä mmaja.

CODOOSENSE 2:12

Änwanno wautisaaje wä’dönä que Quidiito jadä määwaacajootäne; chääjadä mmaja maadoncatääne dea, Wanaadi jäduudu töneecanö’e aweichomjäcä, ñäädä töwäämaajo jonno Quidiito adoncanei’jödö.

1 TEESADOONISENSE 1:3

Cumöötoncomo Wanaadi owaadäädä tötö’ta ñaa weneene ännödööcomo jäcä, yää ecamjödö jäcäinchädä tönnöe määnetäänedö. Tötö’ta ñaa weneene dea ataadawaajuichomo jäcä, yää wä’jummanä jäcäinchädä tönnöe määnetäänedö. Aashicha shinchädö que äwäntunamjödööcomo jäcä mmaja tötö’ta ñaa weneene dea. Yää tönshinchä määnetääne Jesuuquidiito weejödö tönwomo’que aweijäcäiñe.

2 TEESADOONISENSE 1:11

Yääje yeijäcä Wanaadi wwä töwa’deuwe ñaa weneene äjääcäiñe. Töne’ca’e ñaa weneene tanoonöje ayöödöto’como. Ijäädudu que ä’wa’tojootäiñe ñaa weneene dea, tameedä aashichaato tödö’se määnetäänedö jäcä, ännödööcomo jäcä mmaja, yää aneecamjödööcomo que tönnöe määnetäänedö.

2 TEESADOONISENSE 3:4

Cädhaajotoncomo dea nu’a ñaa wwä täncanoode’da äjääcäiñe ñaa tö’tajo’tojo, ñaa owaanäcä yeijäcä tönnöe aweichöcoomo tameedä adhaanonto’jocoomo ñaa wwä; ñaa owaanäcä mmaja tödöödöje dea eijai aweichöcoomo.

JIIDEMÓN 1:21

Äwwadäädä wimennäi neecammadö tödööjai aweichö yoowanääcä yeiyancädä. Yoowanääcä na wecammaichö e’jodhe’cä töödööjai aweichö.

EEWEDEO 10:35

Yääje yeijäcä aneecamjödööcomo mäncuna’matäi; yää aneecamjödööcomo eje’jödö adai’jä na’de.

EEWEDEO 12:2

Jesuuquidiito ene’mancädä queichäiye, ñäädä cöneecamjödööcomo äjäntänei’jödö, chäänönge tödöönei mmaja. Töwö Jesuuquidiito cuduusa jäcä cönäntunamjöi yääje töwäämadö ijöichancädä’da. Töwö dhowaanäcä cönä’jaacä töwäntunamjö’jeje ta’cwaiñe töweichojo, aashicha töweichojo mmaja. Yää ’jeje töwö cönaatajiimai Wanaadi mudei yö’tä, ämu’demjönö dö’se.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.

2 PEEDHODO 3:10

Cajiichaana we’tojo anooto ne’a’de yoomocöödö ’nawä, coijai tämeenato weejödö töweiye naichöje. Yaawä caju nataamea’de shoodö töwääta naichö wa’cä. Tameedä caju ña naadö niyaatua’de; nono mmaja niyaatua’dede, tameedä ye’wä naatoodö mmaja.