JIDIIPENSE 1:28 - Wanaadi A'deddu

²⁸ Ane’cä’cä jäcäinchädä mma ätu’de’tännamo monnontätäi. Yää tösaade’da aweichöcoomo na’de chäwwäiñe töwännanö’e töweichöcoomo yääne’ju’to’comooje. Äwwäiñe mmaane na’de Wanaadi nutuudu töwääwanaaca aweichöcoomo ene’ju’to’me.

JIDIIPENSE 1:28 ပူးပေါင်းရင်းမြစ်များ

MATEO 10:28

Aji’jä emaanei monnontätäi’che; odo’tadö emaajai’cha na töwö. Ñäädääne ñontäjai maato, odo’tadö jadä’jödöödä wa’to nwaca adheemajaichoone.

MAADOCO 3:3

Yaawä Jesuuquidiito cönä’döaacä dhamäädö töwaamo’mongato wwä: —Aanöncä, ä’cäde sadäädä.

DUUCA 3:6

Yaawä tameedä soto neneeaato’de Wanaadi woijato wääwanaacatoojo;” quee dha’deddu nääta’de; quee cömmennäi Isaía.

JUAN 16:8

Töwö ye’a’jäcä edä nono de’woncomo wwä neneeja’de choone’nadiiyöcoomo, chäänönge weiñä mmaja, Wanaadi töne’jodheincha yeichö mmaja.

DOSECHO 28:28

Yääje yeijäcä jimmä, odhoowanääcäiñe tödöötäcä eduuwa naadö jonno mädä Wanaadi nutuudu wääwanaacatoojo judhíojöncomo wwä yäätäcammadö. Ñannoone netaato’de; quee cönä’döaacä Paudo judhío Dooma ñancomo wwäiñe.

DOMAANO 8:17

Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de

1 TEESADOONISENSE 2:2

Äwwäiñe tacaade na Jidiipo ña ñaa wätä’maminchajo’jödö, ñaa wäntunamjö’jödö mmaja. Yääje yeichaame Wanaadi ñaa ’wa’täne tösaade’da ñaa wwä ecammajäätödö wetä äwwäiñe Wanaadi wätunnäi aashichaato, jooje ñaa tu’de’tätaame anejjacoomo wwä.

EEWEDEO 13:6

Yääje yeijäcä Wanaadi ecaanö’ancädä edääje ä’döjai caato: Cajiichaana ö’wa’täneije na; tösaade eijai’cha wa. ¿Aaquene soto yöödödööto deeade’? quee ä’döjai caato.

APOOCADIISI 2:10

Määcatoncai äwäntunaanö’tojo jäcä. Dhantai odo’sha adheewaacajaato’de jedeeso ewöötö taca, odhoonejaadöcoomo wetä; amoojadä anooto yeetunu meneea’de. Chäänönge eichä’de äwäämadö jonaane; yaawä äwwä wu’a’de weichojo canaanadi.