JIDIIPENSE 1:27 - Wanaadi A'deddu

²⁷ Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

JIDIIPENSE 1:27 ပူးပေါင်းရင်းမြစ်များ

MATEO 12:25

Jesuuquidiito dhowaanäcä cönä’jaacä chö’tajäätödööcomo. Töwö cönä’döaacä chäwwäiñe: —Yää jataawoncomo dea wewäänä’ta’comjäcä töwaatame mma ataamejai ñaato. Yää maa tawoncomo dea töwwäädäiñe yä’tu’de’ta’comjäcä, ei’cha yaawä.

DOSECHO 2:46

Anooto waadäi töwe’jumma töweiye cönä’ja’to Wanaadi weichojo taca. Tömmaichomo waadäi Santa Seena tönnöe cönä’ja’to; tujuumä töwääwashinchä cönä’ja’to dea, ta’cwaiñe töweiyancädäiñe, o’jodhe tötö’tajä’ancädäiñe’da mmaja.

DOSECHO 24:24

Yääje mma yaawä äächädä anooto ’jeje Jeedi cöneejä töjiiñamo Duduusiida jadä; judhío cönä’jaacä ñäädä ijiiñamo. Paudo cöna’dejjaicho yaawä ecamma’jodö wetä Jesuuquidiito jadä weiñä jäcä.

DOSECHO 4:32

Tameedä ñanno ecaanö’nnamo aata’deucwe töweiye cönä’ja’to, tooni chö’tajäätödööcomo cönä’ja’dea. Tönnödööcomo töjääcäjeene töwwoncomooje ane’tä’da cönä’ja’to; tameedäädotoojeene tönnöe cönä’ja’to.

DOMAANO 1:16

Aashichaato wätunnä jöichajo’da na yää Wanaadi töjääduduuje tönnöe yeijäcä tameedä ecaanö’nnamo ewaanacaato’comooje, judhío ewaanacaato’comooje awa’de, judhíojöncomo ewaanacaato’comooje mmaja.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

DOMAANO 1:9

Tödö’se weichö que Wanaadi wwä tönnöe wäänene, mädä Iiñedö jäcä aashichaato wätunnä töneecammajä’e wääneneedö. Töwö Wanaadi dhowaanäcä na weiñäje töwwä töwa’deuwe weichö.

DOMAANO 10:8

Amoinche’da dajaane Quidiito na äjääcä. ¿Edääje jönca imennaajä nä’döaanä: “Amoinche’da Wanaadi a’deddu na äjääcä. Äntaca dha’deddu na, ätö’tajäätödö aca mmaja;” quee jönca nä’döaanä? Yää ecammajäätödö necammaadö ecamjödö jäcä töneecammajä’e ñaa weneenedö.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

DOMAANO 15:29

Yoowanääcä na adöiñaiñe ööta’jäcä Quidiito nutuudu aashichaato dha’me täjai weichö.

1 CODINTIYO 1:10

Jimmä, Cädhaajotoncomo Jesuuquidiito eetö joi mänwätuujaato; aata’deucwe eichäcä, äätu’de’tä’daane. Aashichaane eichäcä ääjäcä, yää dea ätö’tajäätödööcomo weiyancädä, yää dea adha’dedducoomoje tödööancädä mmaja.

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

2 CODINTIYO 13:11

Mädääje mma wä’dö’se wä’jaanä, jimmä. Chäänönge aweichöcoomo encano’tätääcä; ä’jädu’tätääcäde; aata’deucwe eichäcä; täncanoode’da eichäcääde. Yaawä Wanaadi ajaadäiñe eijai ña, ñäädä täncanoode’da weiñä edhaajä, wä’jummanä edhaajä mmaja.

2 CODINTIYO 4:4

Tönwanno aneecamjö’da töweichomjäcä tötö’tajäätödööcomo cöntööjannä’cajoicho edä nono edhaajä wwä, tänuuque’da töweichöcoomo wetä, aashichaato wätunnä nawaananö’cadö eneedö queiñe töwwäiñe; yää wätunnä aashicha Quidiito weichö jäcä necammajä’a, ñäädä Wanaadi cu’taajä.

2 CODINTIYO 9:13

Tönwanno aashicha Wanaadi jäcä na’deuwaato’de chäänönge Quidiito a’deddu tönnöe aweichöcoomo äwäänejo’jocoomo weijäcä. Wanaadi jäcä aashicha na’deuwaato’dede töwwäiñe äntuduucomo jäcäinchädä, anejjacoomo wwä äntuduucomo jäcäinchädä mmaja.

CAADATA 1:7

A’que yeichaame anejja wätunnä chäänöngato; anejjacoomoone adhaaquiimaato, Quidiito wätunnäi aashichaato inwacaama’se naato.

EUJEESIYO 1:13

Yaawä äcuude änwanno mmaja chäänöngato wätunnä metaatäne dea, yää aashichaato wätunnä eduuwa äwääwanaacato’comooje naadö. Yää etaadö’jo Quidiito mecaanö’täne, chääjadoonoje mä’dötääne dea. Yaawä Wanaadi sotoije aweichöcoomo adheene’ju’to’comooje Epíiditu Santo que mä’madaaca’ñojootäne, ñäädä Wanaadi necamma’jödö.

EUJEESIYO 1:15

Yääje yeijäcä, Cajiichaana Jesuuquidiito töneecanö’e aweichöcoomo öwwä eta’jödö jonnoto’jödöödä, tameedä Wanaadi sotoi tumjumma aweichöcoomo eta’jödö jonnoto’jödöödä mmaja,

EUJEESIYO 4:1

Yääje yeijäcä edääje mänwätuujaato, öwö Cajiichaana jo’tädööje jedeesojaato: Chäänönge eichäcä, Wanaadi na’dejjadö weichö nöngeene, ña’dejjadööne aweiya’como.

JIDIIPENSE 1:5

ö’wa’tä’jödö weijäcä äwwäiñe aashichaato wätunnä ecammajäätödö jäcä, awa’deene äwwäiñe eta’jödö jonnoto’jödöödä eduuwa naadö jona tödööene.

JIDIIPENSE 2:12

Yääje yeijäcä, jimmä umjummadö, ajaadäiñe weichö öwö woije tönnöe mä’ja’quennöje dea eichäcä, jooje’cä mmaane eduuwa ajaadäiñe’da weijäcä. Töwääwanaaca aweichöcoomo jäcä oowoinchatääcä, o’jodhe ätö’tajä’ancädäiñe’da, tönoiñe äneetä aweiyancädäiñeene.

JIDIIPENSE 2:24

Cajiichaana Jesuuquidiito woije yeiya’jäcä öwö jaiñoone adöiñaiñe öötä’se wa eduuwaiche mma.

JIDIIPENSE 3:18

Jooje naato Quidiito wääma’jödö jäcä ecammajäätödö tu’de’tännamo, ñanno weiñäje äwwäiñe töneecamma wä’jaaquentodö; eduuwa waamoancädä wecammaato dea.

JIDIIPENSE 3:20

Cönwanno cöjaatadööcomo mmaane na caju ña. Iiñanno Äwaanacaanei weejödö quiiyomo’cato, ñäädä Cajiichaana Jesuuquidiito.

JIDIIPENSE 4:1

Änwanno jimmä umjummadö, adheene’seiñe wa jooje. Änwanno ya’cwaniiyöje maato, yeeje’jödööje mmaja. Jäduuje eichäcä Cajiichaana nutuudu que, änwanno umjummadö.

CODOOSENSE 1:10

Cajiichaana sotoi weichö nönge aweicho’como mmaja töne’ca’e ñaa weneene dea, imjummadö äwwäiñe tödöötojo mmaja, aashichaato ännödööcomo wejantojo mmaja, jooje’cä jeene Wanaadi odhoowanääcäiñe yä’dötoojo mmaja.

CODOOSENSE 1:4

ñaa wwä eta’jödö weijäcä Jesuuquidiito töneecanö’e aweichöcoomo, tameedä Wanaadi sotoi tumjumma aweichöcoomo mmaja.

1 TEESADOONISENSE 3:6

Eduuwa Tiimoteo töwä’döe na adöiñancomo’jödö. Töwö adheecammajä’täne aashicha töneecanö’e aweichöcoomo, wä’jummanä ’je aweichöcoomo mmaja. Töwö cöneecammajäätöi chea adha’cwaniiyöcoomo que ñaa jäcä tötö’tajä’e aweichöcoomo, jooje ñaa ene’se aweichöcoomo mmaja. Ñaa mmaja adheene’seiñe na dea.

1 TEESADOONISENSE 4:1

Änwanno jimmä, edääje äwwäiñe töwä’dö’se ñaa na, äwäätuujadööcomooje, Cädhaajotoncomo Jesuuquidiito eetö joi: Ñaa odhoowanoomatääne Wanaadi wacö’je weiñä jäcä, mädä maatoodö. Yääje yeichaame jooje’cä jeene mädä tödööjo’se ñaa na äwwäiñe.

1 TIIMOTEO 1:11

Yää chäänöngato woowanoomanä na Wanaadi aashichaato wätunnäi woije, yää täcammajä’emööje öwwä tu’e naadö.

1 TIIMOTEO 1:19

Anejjacoomo mmaane töneecamjödööcomo jonno tösaadijange naato, chäänönge tötö’tajäätödööcomo ne’se’tädö woije ännö’da töweichomjäcä.

2 TIIMOTEO 4:7

Chäänönge yeewänä’täne; yeemadö jonno shaadijaamö’da wa; chäänönge neecamjödö wödööne.

TIITO 2:10

Tämeene’daane nei’ña’to. Chäänönge tödööjai ñaato tameedä tötaadawaajuichomo, tameedä soto eneiyeto yaawä Cäwaanacaaneichomo Wanaadi a’deddu aashicha yeichö.

JIIDEMÓN 1:5

öwwä eta’jödö weijäcä Cajiichaana Jesuuquidiito töneecanö’e aweichö, tameedä Wanaadi sotoi tumjumma aweichö mmaja.

SANTIYAACO 3:18

Ñäädä töwäätäuwö’semjönö ätäuwö’da weiñä nejannä’ca, ñaatö’tädö töweiye naichöje. Yaawä chäänönge weiñä nääcatu’naca chäwwä.

2 PEEDHODO 3:11

Tameedä edä naadö töwaatameemöje mma na. Yääje yeijäcä aashichaane eichäcä, Wanaadi woijeene.

2 PEEDHODO 3:14

Yääje yeijäcä jimmä umjummadö, yää tönwomo’que aweichomjäcä, täncanoode’da owoojodööjoto’como encano’tätääcä, conemjönö ’je’da mmaja, töjöiye’da mmaja.

JUUDHA 1:3

Jimmä umjummadö, cöwääwanaacadööcomo jäcä äwwadäädäiñe imennä’se wä’jaaquennö’je, yaawääne’ tujunne’cä jeene öwwä cöntö’taacä äwäätuujadööcomooje imennädö. Edääje äwäätuuja’seiñe wa: Töweewänä’tääne adheewänä’tätääcä aashichaato wätunnä jäcäinchädä, yää Wanaadi sotoi wwäiñe tooniye yeichöödäje cönä’tuichö.