JIDIIPENSE 1:12 - Wanaadi A'deddu

¹² Jimmä, odhoowanääcäiñe yei’she wa mädä öwö jääcä cöneeja’dätäichö aashichaato wätunnä ejanno’to’me yeichö.

JIDIIPENSE 1:12 ပူးပေါင်းရင်းမြစ်များ

DUUCA 21:13

Yää na’de äwwäiñe ya’deddu ecammajo’tojo ñeetadööcomooje.

DOSECHO 8:4

Ñanno Quidiito sotoi, Jeduusadén ñanno cönäämecantoichodö aashichaato wätunnä cöneecammajä’a’to tameedä anejja jataacä töwä’dödööcomo waadäi.

DOMAANO 8:28

Cönwanno cowaanäcäiñe na tameedä tujummannamo jäcäiñe töweeja’dä’e weneenedö aashichaatoje Wanaadi tönnöe yeichö, ñanno tumjummadö woije töna’dejja’jödö jäcäiñe.

DOMAANO 8:37

Yääje yeichaame, töwäntunaanö’emööje cöweichaameiñe, to’jodheinchaane e’jodheinchajai caato ñäädä cujummaneichomo ni’wa’tädö que.

JIDIIPENSE 1:5

ö’wa’tä’jödö weijäcä äwwäiñe aashichaato wätunnä ecammajäätödö jäcä, awa’deene äwwäiñe eta’jödö jonnoto’jödöödä eduuwa naadö jona tödööene.

JIDIIPENSE 1:7

Chäänönge mädääje äjääcäiñe tötö’tajä’e wäänene, öwwä tujunne aweijäcäiñe. Jedeesoje weichö jeiñe mma, aashichaato wätunnä chu’de’tännamo ye’wononcadööje weichö jeiñe mma, ecammajäätödööje weichö jeiñe mma, tameedä änwanno jaadä tönooneja mmaja Wanaadi nutuudu aashichaato.

JIDIIPENSE 2:22

Aashicha Tiimoteo weichö mmaane odhoowanääcäiñe na änwanno, mude’cä’cä tumö jadoono wetaadawa’cajoodö nönge jaadä yeetadaawa’cajo’jödö aashichaato wätunnä ecammajäätödö jäcä.

JIDIIPENSE 4:15

Odhoowanääcäiñe na änwanno Jidiipo ñancomo, Maasedooniya ñanno wääma’tädaawä, aashichaato wätunnä ecammajäätödö waajäntädaawä, anejjacoomo quedeiyentecoomo ö’wa’tä’da yei’jocoomo. Änwanno mmaane cö’wa’tätääne Wanaadi nödöödö jäcä öwwä ä’wa’to’jocoomo emeetacaamadööje.

JIDIIPENSE 4:3

Äwwä mmaja yääje wä’döa dea, amäädä weetadaawa’cajoodö weichacoono chäänöngato: I’wa’täcooto ñanno wodiiñamo, we’toichodö. Tönwanno ö’wa’täneeto aashichaato wätunnä ecammajäätödö jäcä. Quedeemente mmaja i’wa’täcä’dede, anejjacoomo ö’wa’tännamo’jödö mmaja, chäätöcoomo naadö weichojo jajeedai’chädö jäcä.

1 TIIMOTEO 2:8

Yääje yeijäcä tameedä yeichö wa’cä dhanwaacomo Wanaadi wwä ya’deuwö’seiñe wa, tamäädöcoomo choccaajä annä’ancädä, töwäätöma’se töweiyancädäiñe’da, töwäätäuwö’se töweiyancädäiñe’da mmaja.

2 TIIMOTEO 2:9

Yää aashichaato wätunnä jo’tädööje wäntunaanö’a, tömööjä’e, soto emaanei tödöödö töweiye naichöje; Wanaadi a’deddu mmaane tömööjä’e’da na.

2 TIIMOTEO 4:17

Cajiichaana mmaane jaadä cönä’jaacä; töwö jäädudu cuntui tacoichaane ta’deddu ecammajäätödö wetä öwwä judhíojöncomo netaadöcoomoje. Mädääje Cajiichaana yeewanaacane mado jonno;