JIDIIPENSE 1:1 - Wanaadi A'deddu

¹ Öwö Paudo, Tiimoteo mmaja, Jesuuquidiito anoonö, edä ñaa nimenna äwwadäädäiñe, änwanno tameedä quedeiyentecoomo Jidiipo ñancomo, Wanaadi sotoi, Jesuuquidiito jadoncomo; ansiyaano wwadäädäiñe mmaja ñaa nimenna dea, diyaacono wwadäädäiñe mmaja.

JIDIIPENSE 1:1 ပူးပေါင်းရင်းမြစ်များ

MAADOCO 13:34

Dhanwa aneiñaja töötäämö töweiye naichö naane’. Töötääje tömmai necamma tösootoi wwäiñe; chääwaadäiñe chaadawaajuichomo necamma dea. Mönaatata edai’chänei wwä nedai’chaja.

JUAN 12:26

Ñäädä sootoije töwei’shato waanontädö woije nödö’ñojo; öwö weichö dö’tä mmaja sootoi ña’de. Ñäädä öwö woije tödöönei jäcä Jaaja nödööa’de aashichaato.

DOSECHO 1:20

Edääje nä’döa Saadomo jäcä, yää wecanta’ñotoojo imennaajä jäcä: Tasse’da immai nei’ñojo, anejja mma iiña ei’che; quee. Edääje mmaja imennaajä nä’döa dea: Anejjaane inwacaanoje nääwaaca’ñojo; quee nä’döa Saadomo jäcä.

DOSECHO 20:28

Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 9:13

Yää eta’jäcä Aananía cönä’döaacä: —Cajiichaana, ñäädä ecaadö töneeta wäänene Jeduusadén ña conemjönö iiñödö adheecanö’nnamo jäcä.

DOMAANO 1:1

Öwö, Paudo, Jesuuquidiito anoonö, anontaajäje Wanaadi ne’tädö; Wanaadi chea yaanontäne ta’deddu ecammajä’e, yää aashichaato wätunnä.

DOMAANO 1:7

Edä wimenna äwwadäädäiñe, tameedä änwanno Dooma ñancomo, Wanaadi nijummadö, tösootoije Wanaadi ne’tädö. Aashichaato, täncanoode’da aweicho’como mmaja äwwäiñe yei’she wa, Cumöötoncomo Wanaadi nutuudu, Cajiichaana Jesuuquidiito nutuudu mmaja.

1 CODINTIYO 16:10

Adöiñaiñe Tiimoteo wöta’jäcä aashicha tödöötäcä’de, täncanoode’da eiye ajaadäiñe, töwö Cajiichaana Jesuuquidiito tadaawaajui tödööneije yeijäcä, öwö waadöje mmaja.

2 CODINTIYO 1:1

Öwö Paudo, Wanaadi woije Jesuuquidiito nanontädö, cöjimmotoncomo Tiimoteeo acä ñaa nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo; tameedä Wanaadi sotoi Acaaya ña naatoodö wwadäädä mmaja ñaa nimenna dea.

CAADATA 1:10

¿Änääcö ca wiya’daanä mädääje wä’dödö que, soto ’ja, Wanaadiiñe? ¿Soto a’cwaima’seiñe ca wäänene? Soto a’cwaimaneichomooje wei’jo mmaane Jesuuquidiito anoonöje’da weichö.

CAADATA 3:26

Ecamjödö jäcäinchädä tameedä änwanno Wanaadi nnacoomoje maato, Jesuuquidiito jadä äwä’dödööcomo que.

CAADATA 3:28

Quidiito jadä weiñä töweiye nai judhíoje’da, quidiiyeecoje’da mmaja, tädhaajäque weiñä ’je’da mmaja, töwö daja weiñä ’je’da mmaja; wodiije weiñä a’que mmaja, dhanwaaje weiñä a’que mmaja. Jesuuquidiito jadä äwä’dödööcomo que tameedä änwanno äänöngeiñe maato.

EUJEESIYO 1:1

Öwö Paudo, Wanaadi woije Jesuuquidiito nanontädö, äwwadäädäiñe wimenna, änwanno Wanaadi sotoi Eujeeso ñancomo, Jesuuquidiito ecaanö’nnamo.

EUJEESIYO 1:15

Yääje yeijäcä, Cajiichaana Jesuuquidiito töneecanö’e aweichöcoomo öwwä eta’jödö jonnoto’jödöödä, tameedä Wanaadi sotoi tumjumma aweichöcoomo eta’jödö jonnoto’jödöödä mmaja,

EUJEESIYO 6:24

Wanaadi nutuudu aashichaato yei’she wa dea tameedä wä’jummanä töwaatamemjönö que Cädhaajotoncomo Jesuuquidiito jummannamo wwä. Amén.

JIDIIPENSE 2:19

Cajiichaana Jesuuquidiito woije yeiya’jäcä, adöiñaiñe Tiimoteo anontä’se wa eduuwa mma, ta’cwaiñe weiye yaawä adheecadööcomo eta’jäcä öwwä.

JIDIIPENSE 2:5

Jesuuquidiito tö’tajäätödö wei’jödö nönge mmaja ätö’tajä’täcä.

JIDIIPENSE 3:12

Mädä wecammannö aneejodö’da dea weichaame, chäänönge ä’dö’da dea weichaame mmaja; ene’jununtädööje deaane wa, ejoodödö wetä yää chääjäcäinchädä Jesuuquidiito tösootoije yöödöneedö.

JIDIIPENSE 3:3

Cönwannoone ñanno siicunsidaadoje tödööajä chäänönga’como, Epíiditu Santo ai Wanaadi jummannamo mmaja. Cönwanno ta’cwaiñe caato Jesuuquidiito jäcäinchädä; cujuunucoomo weichö mmaane ecaanö’jai’cha caato.

JIDIIPENSE 3:8

Tameedäädä töja’emje yeichö wichö’tamme’ne Yeedhajä Jeduuquidiito yoowanääcä tödöödö jäcäinchädä, yää aashichaato jaiñoone. Quidiito junnei tameedä yää wöja’ne, chääta’jödö nönge na eduuwa öwwä, Quidiito chaana’cadö wetä öwwä,

1 TEESADOONISENSE 1:1

Öwö Paudo, Siidawaano mmaja, Tiimoteo mmaja, ñaa nimenna äwwadäädäiñe, änwanno Teesadoonica ñancomo quedeiyentecoomo, Cumöötoncomo Wanaadi jadoncomo, Cädhaajotoncomo Jesuuquidiito mmaja. Aashichaato, täncanoode’da aweicho’como mmaja, äwwäiñe yei’she ñaa na, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

1 TEESADOONISENSE 2:2

Äwwäiñe tacaade na Jidiipo ña ñaa wätä’maminchajo’jödö, ñaa wäntunamjö’jödö mmaja. Yääje yeichaame Wanaadi ñaa ’wa’täne tösaade’da ñaa wwä ecammajäätödö wetä äwwäiñe Wanaadi wätunnäi aashichaato, jooje ñaa tu’de’tätaame anejjacoomo wwä.

2 TEESADOONISENSE 1:1

Öwö Paudo, Siidawaano mmaja, Tiimoteo mmaja, ñaa nimenna äwwadäädäiñe, änwanno Teesadoonica ñancomo quedeiyentecoomo, Cumöötoncomo Wanaadi jadoncomo, Cädhaajotoncomo Jesuuquidiito jadoncomo mmaja.

2 TEESADOONISENSE 1:10

töwö ye’a’jäcä sadä tösootoi wetäiñe. Yaawä shootoi niya’deme’caato’de, ñanno ecaanö’nnamo’jödö; aashicha na’deuwaato’de chääjäcä. Änwanno mmaja miya’deme’cato’dede, ñaa necammajäätö’jödö ecamjö’jödö weijäcä äwwäiñe.

1 TIIMOTEO 1:2

Äwwadäädä wimenna, amäädä Tiimoteo, önnedö neene, ecamjödö jäcäinchädä. Wentumje Wanaadi wwä adheene’se wa; aashichaato, täncanoode’da aweichojo mmaja, äwwä yei’she wa dea, Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

1 TIIMOTEO 3:8

Mädääje mmaja diyaacono eijai ñaato dea, tacu’shänäicheene; wanna dha’dedducoomo eijai’cha na. Wä’dau’nä yaacö’comje’da eijai ña; ane’cä’cä cana’cadö jäcä äätätäädä’da eijai ñaato dea.

TIITO 1:1

Öwö Paudo, Wanaadi anoonö, Jesuuquidiito nanontädö mmaja. Töwö yaanontäne Wanaadi neichö necamjödööcomo yoomanö’neije, Wanaadi woije weiñä jäcä owaanomaaneichomooje mmaja,

TIITO 1:7

Conemjönö chääcadööjönö ansiyaano eijai ña, Wanaadi tadaawaajui tödööneije yeijäcä. O’jodhe chö’tajä’jai’cha na töwö, äätömaacoije eijai’cha mmaja. Ä’dacu’da eijai ña töwö, ataiju’jätö’da mmaja. Soto ennanö’cadö que jödaata chaana’cadö ijummajai’cha na töwö.

JIIDEMÓN 1:1

Öwö Paudo, Jesuuquidiito ecamjödö jo’tädööje jedeesojaato, Tiimoteo acä ñaa nimenna äwwadäädä, amäädä ñaa nijummadö Jiidemón, ñaa wetaadawa’cajoodö weichacoono.

EEWEDEO 13:23

Edääje wä’dö’se wa äwwäiñe: Cöjimmotoncomo Tiimoteo tu’ca na eduuwa jedeesoje yeichö jonno. Eduuwa mma sadä yä’döa’jäcä a’nädä ñaa nöta’de adöiñaiñe.

SANTIYAACO 1:1

Öwö Santiyaaco, Wanaadi anoonö, Cajiichaana Jesuuquidiito anoonö mmaja, ya’deujödö wadääja äwwadäädäiñe, änwanno iisadaaediitacoomo, amoojadooto de’wä aacä adhaadai’choncomo naadö, tameedä nono weichö wa’cä äwäämecanta’como maatoodö.

1 PEEDHODO 2:25

Jenaadä änwanno mä’ja’quene oweeja sadiijanga’como töweiye naichodööje. Eduuwaane adhennacaatäne Quidiito wwadäädä, ñäädä adhe’se’täneichomo, odo’tadööcomo edai’chänei mmaja.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.

APOOCADIISI 1:1

Edä yää Jesuuquidiito neneejo’jödö, Wanaadi nutuudu chäwwä, tanoonö wwäiñe eneejodö wetä, eduuwa mma töweeja’dä’emö. Töwö Jesuuquidiito tamoodedö cönaanontäi tanoonö Juan wwä ecammajä’e.

APOOCADIISI 1:20

Yaawä ñäädä soto nnedö nöngato cönä’döa’dea: —Edääje töwä’dö’se yeichö mädä chu’tädö meneeannö, ñanno aacä amoojato’como shidiichä yaamädö ämu’demjönö jäcä meneeantodö, aacä amoojato adhaawa a’täi meneeannö mmaja, yää oodo döaajä: Ñanno aacä amoojato’como shidiichä aacä amoojato amoode weichöcoomo cu’tädööje nä’janto, ñanno aacä amoojato ijaatadööcomo naadö quedeiyentecoomo edai’chännamo. Yää aacä amoojato adhaawa a’täi meneeannö mmaane, quedeiyentecoomo cu’tädööje nä’jaanä, ñanno aacä amoojato ijaatadööcomo naadö; quee cönä’döaacä öwwä.

APOOCADIISI 19:10

Yaawä tä’mudhe wä’döne ñäädä amoode o’wawä, ya’demeecödööje. Töwö cönä’döaacä öwwä yaawä: —Mädääje’daane; Wanaadi anoonö mmaja öwö dea, anöngato mmaja, ajimmä nönga’como mmaja, ñanno chäänönge Jesuuquidiito a’deddu ecammajä’nnamo. Wanaadiiñe ya’deme’cä; quee cönä’döaacä. Ñanno Jesuuquidiito a’deddu ecammajä’nnamo ñanno Wanaadi nutuudu woije töneecammajä’e weneenetoodö.

APOOCADIISI 2:12

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Peecamo ñancomo quedeiyente edai’chäneichomo wwadäädä: “Edääje nä’döa ñäädä sauda seqqueeto ääjatoncädooto yeedö dha’me naadö:

APOOCADIISI 2:8

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eesimiidana ñancomo quedeiyente edai’chäneichomo wwadäädä: “Edääje nä’döa ñäädä awa’deeto, yaatameedö mmaja, ñäädä cönäämaichö, töwäämaajo jonno cönaadoncaichö:

APOOCADIISI 22:9

Yaawä töwö cönä’döaacä öwwä: —Ng’jn; mädääje’daane. Wanaadi anoonö öwö dea, anöngato mmaja, ajimmotoncomo nönga’como mmaja, ñanno Wanaadi wa’deuwödö ecammannamo, edä jajeedä jäcä naadö tödönnamo. Wanaadiiñe ya’deme’cä; quee cönä’döaacä ñäädä amoode öwwä.