EUJEESIYO 6:5 - Wanaadi A'deddu

⁵ Änwanno tädhaajäca’como, adheedhajootoncomo edä nono de’woncomo woije eichäcä, ñontancädäiñe, aashicha tödööancädäiñe mmaja, tooni mma ätö’tajäätödööcomo tödööancädä, Quidiito wwä tödöödö töweiye naichöje.

EUJEESIYO 6:5 ပူးပေါင်းရင်းမြစ်များ

MATEO 6:22

“Soto enuudu na yeichö dhawaadöje. Aashicha adheenudu yeichawä aweijotä yaawä.

MATEO 6:24

“Aacä tädhaajä tödööjai’cha weiña nai. Yääje tödööa’jäcä tooni mma ijummajai ña ñäädä yaawä, yeichacoono ämjumma’da mma. Yeichacoono jadä aashicha etaadawa’cajoojai ña; yeichacoono ’quene chiiñeme’jai. Mädääje mmaja änwanno, a’nädäncädä ijummajai’cha maato, Wanaadi mmaja, mösooma mmaja.

MATEO 8:9

Tädhaajäcaato mmaja öwö dea. Yaanonö mmaja töweiye naicho dea, suddau. “Äjääne;” ca’jäcä öwwä anejja wwä, töötä yaawä ñäädä. “Ä’cäde;” ca’jäcä, töwe’e yaawä, “Mädä tödööcä;” ca’jäcä öwwä yaanonö wwä, tönnöe yaawä töwö; quee cönä’döaacä ñäädä suddau edhaajotoncomo Jesuuquidiito wwä.

DOSECHO 2:46

Anooto waadäi töwe’jumma töweiye cönä’ja’to Wanaadi weichojo taca. Tömmaichomo waadäi Santa Seena tönnöe cönä’ja’to; tujuumä töwääwashinchä cönä’ja’to dea, ta’cwaiñe töweiyancädäiñe, o’jodhe tötö’tajä’ancädäiñe’da mmaja.

DOMAANO 9:3

Quidiito jonno töwä’sancwa wei’she tötö’tajä’e wäänene aneedawä, jimmä nwacancomooje, ñanno öwö wä’jimmä’tädö, yääje eijai yeiya’jäcä.

1 CODINTIYO 2:3

Adhantawäiñe wä’jaaquene jäduuje weiyancädä’da, saadöje tätä’nönnäje mmaane.

1 CODINTIYO 7:22

Ñäädä Cajiichaana Jesuuquidiito wwä ta’dejjadaawä tädhaajäque cönä’ja’dö, eduuwa tädhaajäque yeichö jonno u’caajä töweiye naichöje na, Cajiichaana Jesuuquidiito anoonöje yeichö wetä. Yääje mmaja ñäädä ta’dejjadaawä tädhaajäque’da cönä’ja’dö; Quidiito anoonöje na eduuwa ñäädä.

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 CODINTIYO 7:15

Änwanno Tiito a’deddu tödööcoije mä’ja’quene; aashicha mmaja töwö mödöötäne dea, ñontancädä. Yääje yeijäcä töwö jooje ajummatäiñe weneene yääje awei’jocoomo jäcä tötö’tajäätödaawä.

EUJEESIYO 5:22

Ñäädä töiñocaato töiño woije eijai ña, Cajiichaana Jesuuquidiito woije weiñä wa’cä deaane.

EUJEESIYO 6:24

Wanaadi nutuudu aashichaato yei’she wa dea tameedä wä’jummanä töwaatamemjönö que Cädhaajotoncomo Jesuuquidiito jummannamo wwä. Amén.

JIDIIPENSE 2:12

Yääje yeijäcä, jimmä umjummadö, ajaadäiñe weichö öwö woije tönnöe mä’ja’quennöje dea eichäcä, jooje’cä mmaane eduuwa ajaadäiñe’da weijäcä. Töwääwanaaca aweichöcoomo jäcä oowoinchatääcä, o’jodhe ätö’tajä’ancädäiñe’da, tönoiñe äneetä aweiyancädäiñeene.

JIIDEMÓN 1:16

Adhaanonööje mma’da töwö na eduuwa, aweichacoonoje mmajaane. Öwwä tujunne na jooje, töwaacö’je äwwä eijai ña, adhaanonööje yeichö jäcäinchädä mma’da, Jesuuquidiito jäcäinchädä aweichacoonoje yeijäcä mmajaane.

1 PEEDHODO 3:2

masuuduije’da aweichöcoomo eneea’jäcä töwwä, nontätä aweichöcoomo eneea’jäcä mmaja.