EUJEESIYO 6:19 - Wanaadi A'deddu

¹⁹ Öwö jääcä mmaja Wanaadi wwä adha’deutäcä’dede, soto wwäiñe wa’deuwödö waadäi wa’deutojo äntuiye yaawä, tösaade’da wecammajäätöiye yaawä aashichaato wätunnä owaanojöönö’jödö jäcä.

EUJEESIYO 6:19 ပူးပေါင်းရင်းမြစ်များ

DOSECHO 13:46

Yaawä Paudo, Waanawé mmaja, tösaade’da cöna’deuwöicho; cönä’döa’to: —Wanaadi a’deddu täcammajä’emje cönä’jaacä äwwäiñe awa’de, änwanno judhíocoomo, töwäädä eta’se’da maatoone’; ämjumma’da maato töwaatamemjönö aweicho’como. Yääje yeijäcä judhíojöncomo wwä ñaa necammajä’ta eduuwa.

DOSECHO 14:3

Yääje yeijäcä yäätä Paudo cönä’ja’to numa. Cajiichaana ecaanö’ancädä jäduuje töneecammajä’e cönä’ja’to aashicha Wanaadi weichö jäcä. Cajiichaana chäänönge ñeecammajäätödö weichö töneenejo cönä’jaacä ene’ju’tojo tödööjodö que chäwwäiñe, aashichaato tödööjodö que mmaja.

DOSECHO 18:26

Ñäädä Apoodo jäduuje cöneecammajä’acä we’jummatoojo taca. Yaawä ñeecammajäätödö eta’jäcä, ñanno Pidiisiida, Aquiida mmaja töudäje cönaadoicho. Tönwanno cönsa’duminchaicho chäwwä Wanaadi a’deddu dhowaanojöönö.

DOSECHO 19:8

Yaawä we’jummatoojo taca Paudo töötä cönä’jaacä aaduwaawä nuunä. Yäätä jäduuje töneecammajä’e cönä’jaacä. Töwö töwa’deuwe cönä’jaacä Wanaadi töcaajichaanaije tödöödö jäcä.

DOSECHO 2:4

Tameedä tönwanno Epíiditu Santo jäduudu ’je cönä’döicho yaawä; cönaajäntoicho yaawä anejja a’deucwe töwa’deuwödööcomo, Epíiditu Santo nutuudu woije.

DOSECHO 28:31

Chäwwäiñe töneecammajä’e cönä’jaacä Wanaadi töcaajichaanaije tödöödö jäcä. Cajiichaana Jesuuquidiito jäcä tönoowanoomaiñe cönä’ja’dea. Anejja aneecammajoojätö’da töweiye cönä’jaacä chäwwä.

DOSECHO 4:13

Ñanno soto cajiichaanaichomo cöneeta’jöjäätöicho yaawä jäduuje Peedhodo, Juan wa’deuwödööcomo eta’jäcä. Tönwanno dhowaanäcäiñe cönä’jaacä Peedhodo jooje oowanooma’da yei’jocoomo. Yaawä Jesuuquidiito jadoncomo’jödööje yeichöcoomo cöntö’tammecöicho.

DOSECHO 4:29

Cajiichaana, eduuwa tönwanno ñaa ecaatonca’se naato; yääje yeijäcä ñaa jäduudu änu’cä, ñaa adhaanonö, tösaade’da adha’deddu ñaa ecammajäätöiye.

DOSECHO 4:31

Yää ’jeje töwa’deuwödööcomo jäcä töwä’ca’comjäcä conäätu’mei yaawä ye’jumma’como dö’tä. Tameedä tönwanno Epíiditu Santo jäduudu ’je cönä’döicho; tösaade’da Wanaadi a’deddu cöneecammajä’a’to.

DOSECHO 9:27

Yaawä Waanawé cönaadäi anonta’como döiñaiñe. Töwö cöneecammajäätöi chäwwäiñe ääma tai yeejödaawä Jesuuquidiito ene’jödö Saudo wwä, chäwwä Jesuuquidiito wa’deuwö’jödö mmaja. Damaacu ña tösaade’da Saudo necammajäätö’jödö mmaja Waanawé cöneecammajäätöi chea anonta’como wwä.

DOSECHO 9:29

Töwö jäduuje töneecammajä’e cönä’jaacä Jesuuquidiito jäcä. Töwö töwa’deujä’e cönä’jaacä judhío jadäiñe, ñanno quidiiyeeco a’deucwa’como; töwäätäccujä’e mmaja cönä’ja’dea chääjadäiñe. Saudo ema’se mma ñanno cönä’ja’to yaawä.

DOMAANO 15:30

We’wa’tojo’se wa äwwäiñe, jimmä, Cädhaajotoncomo Jesuuquidiito jäcäinchädä, wä’jummanä Epíiditu Santo nutuudu jäcäinchädä mmaja; mädä wewäänä’tänä wödööaadö jäcä cö’wa’tätääcä Wanaadi wwä öwö jääcä awa’deuwödööcomo que.

DOMAANO 16:25

Aashicha wa’deutojooje Wanaadi ña; töwö äjäädu’täjaiñe na aashichaato wätunnä töneecammajä’e wääneneedö que, Jesuuquidiito ecammajäätödö que mmaja, yää edä nono tödö’jödö jonnoto’jödöödä owaanäcä’da cönä’ja’dö.

1 CODINTIYO 1:5

Quidiito jadä aweichomjäcä tameedä Wanaadi nutuudu aashichaato äwwäiñe na, awa’deuto’como, tösejjeque aweicho’como mmaja.

1 CODINTIYO 2:7

Ñaa töneecammajä’e weneene Wanaadi sejjedö owaanojöönööne, yää owaanäcä’da jenaadä cönä’ja’dö, edä nono tödöödö owaajodä cöwääwanaacato’comooje Wanaadi cöneejodöichö.

1 CODINTIYO 4:1

Yääje yeijäcä Quidiito anoonöje mma ñaa weichö chö’tamme’jai maato, Wanaadi nödöödö owaanojöönö’jödö jäcä ecammajä’nnamooje anonta’comooje mmaja.

2 CODINTIYO 1:11

Änwanno mmaja ñaa ’wa’täjai maato dea Wanaadi wwä awa’deuwödööcomo que. Jooje soto Wanaadi wwä ñaa jäcä ya’deuwa’comjäcä, jooje naato’de yaawä aashicha Wanaadi jäcä töwa’deuwaamo, ñaa jäcä aashichaato iiñö’jödö jäcäinchädä.

2 CODINTIYO 3:12

Mädä töneecanö’e ñaa weijäcä tösaade’da töneecammajä’e ñaa weneene,

2 CODINTIYO 6:11

Änwanno jimmä Codinto ñancomo, tameedä ñaa tö’tajäätödö wecammai äwwäiñe, ajummatäiñe ñaa weijäcä.

2 CODINTIYO 7:4

Jooje ta’cwaiñe wa äjääcäiñe, aashicha äjääcäiñe töwa’deuwe wäänene dea. Änwanno jäädu’tätä määnetääne; jooje töwäntunaanö’e ñaa weichaame ta’cwaiñe ñaa tö’tamme’jotä määnetääne.

2 CODINTIYO 8:7

Änwanno anejja jäcä a’que’da’da maato: ecamjödö jäcä, ecammajäätödö jäcä mmaja, sejje jäcä mmaja, chäänönge tödööjätö’se weiñä jäcä mmaja, ñaa jummadö jäcä mmaja. Yääje yeijäcä yää aashichaato tödöödö wecammaadö jäcä mmaja a’que’da’da eijai maato dea.

EUJEESIYO 1:9

Töwö cöwwäiñe cöneenejoi chea töwwä töntö’tammecö’jödö tödöötojo, yää owaanojöönö’jödö, tumjummadö woije cöntö’tammecöichö.

EUJEESIYO 3:9

Wanaadi yaanontäne tameedä soto wwäiñe ecaademeecödö wetä töwwä tödöötojo yää owaanojöönö’jödö. Yää owaanojöönö’jödö numa tacaade’da cönä’jaacä, Wanaadi woije dea, ñäädä tameedä tödöönei’jödö.

CODOOSENSE 2:2

Tötö’tajäätödööcomo jäcä yä’jädu’tä’seiñe wa, äänönge töwä’jummancädäiñe. Chäwwäiñe yeejamö’se wa ecamjödö chäänöngato, yää towaanojo’ne weiñawä töweiye naichö. Quidiito dhowaanäcäiñe yei’she wa dea, ñäädä Wanaadi woije jenaadä owaanäcä’da cönä’ja’dö.

CODOOSENSE 4:3

Ñaa jäcä mmaja chäwwä adha’deutäcä, ñaa wwä ta’deddu ecammajo’tojo Cajiichaana äntuiye, Quidiito jäcä owaanojöönö’jödö ñaa wwä ecammajo’tojo äntuiyede, yää chääjäcäinchädä jedeesoje waadö.

1 TEESADOONISENSE 2:2

Äwwäiñe tacaade na Jidiipo ña ñaa wätä’maminchajo’jödö, ñaa wäntunamjö’jödö mmaja. Yääje yeichaame Wanaadi ñaa ’wa’täne tösaade’da ñaa wwä ecammajäätödö wetä äwwäiñe Wanaadi wätunnäi aashichaato, jooje ñaa tu’de’tätaame anejjacoomo wwä.

1 TEESADOONISENSE 5:25

Jimmä, ñaa jäcä adha’deutäcä Wanaadi wwä.

2 TEESADOONISENSE 3:1

Änwanno jimmä, Wanaadi wwä adha’deutäcä ñaa jäcä, tameedä yeichö wa’cä Cajiichaana a’deddu ätääcammaiye, aashicha mmaja soto etaiyeto’de, änwanno metaatäneedöje mmaja.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

JIIDEMÓN 1:22

Adhe’saca wä’dötoojo choonecaacä’de yoowajo. Jääcä Wanaadi wwä awa’deuwödööcomo weijäcä jedeesoje weichö jonno yu’cadö nichö’ta, adöiñaiñe öötädö wetä yaawä.

EEWEDEO 13:18

Wanaadi wwä adha’deutäcä ñaa joi; ñaa owaanäcä na chäänönge tötö’tajäätödö weichö. Chäänönge töwei’she ñaa weneene tameedä töweichö jäcä.