EUJEESIYO 6:14 - Wanaadi A'deddu

¹⁴ Yäätäädä eichäcä; chäänöngato wätunnä ä’dha’mötööcomooje tödöötäcä; chäänönge weiñä que oowontätääcä, suddau tö’dojöödö womö tönnöe töweiye naichöje.

EUJEESIYO 6:14 ပူးပေါင်းရင်းမြစ်များ

DUUCA 12:35

“Töweesomaajä’eedä eichäcä, adhaawadööcomo tämjannäädä mmaja.

DOMAANO 13:12

Coijaicho ejä’dä’jai nä’döi eduuwa, awaanajai nä’döi. Yääje yeijäcä yää tööjano’taca tödööemö e’nomjajai caato eduuwa; cöwoowontoto’como cöödötäiye, suddau tawaanato aca töweewänä’täämö töweiye naichöje.

2 CODINTIYO 6:7

Weishi’jonä que’da töwa’deuwe ñaa weichö que Wanaadi anoonöje töweichö töwäänejo ñaa weneene, Wanaadi jäduudu ’je töweichö que mmaja. Chäänönge weiñä töwaichadööje tönnöe ñaa weneene, töwääwontotoojoje mmaja.

EUJEESIYO 5:9

Yää tawaanato aca weiñä nä’dhe’ma ta’cwaiñe weiñäje, chäänöngatooje mmaja, aashicha weiñäje mmaja.

EUJEESIYO 6:13

Yääje yeijäcä tameedä tödöötäcä Wanaadi nutuudu owoowontoto’como, conemjönö cu’nädaawä jäduuje meichäiye. Yaawä tameedä äwwäiñe tödööemö tödööa’jäcä, yäätäädä eijai maato.

1 TEESADOONISENSE 5:8

Cönwanno mmaane anooto awoncomo; cowaadäädäiñe eijai caato. Cöwwäiñe cöwoowontoto’comooje tödööjai caato ecamjödö, wä’jummanä mmaja, suddau tödo’tadö ewontotoojo tönnöe töweiye naichöje. Cuju’jocoomo ewontotoojo mmaja cöwwäiñe tödööjai caato dea, yää cöwääwanaacato’como tönwomo’que cäänetäänedö, suddau tuju’jä ewontotoojo tönnöe töweiye naichöje mmaja.

1 PEEDHODO 1:13

Yääje yeijäcä ätö’tajäätödööcomo ijäädu’tätääcä; odhoowadäädäiñe eichäcä. Chäänönge yoomo’täcä Wanaadi nutuudu aashichaato, yää Jesuuquidiito wäänejoodawä äwwäiñe töwä’tueemö.

APOOCADIISI 9:17

Edääje weneeaquento ñanno cawaayu, yää ene’madaawä öwwä: Ye’woncomo cönä’ja’to sejaadadi döaajä tö’do’wäiñe, seweichato, sheenato mmaja, cönooto a’cödööjato mmaja. Cawaayu ju’jocoomo cönä’jaacä cawaadiimä ju’jä nönge. Inchaiñe cöneeja’caacä wa’to, wedeinchä mmaja, acuudajaadä dhatu’jödö joccato mmaja.

APOOCADIISI 9:9

Chäädäji’jocoomo cönä’jaacä woowontotoojo sejaadadi döaajä töweiye naichö nönge. Jooje yeetutuucadööcomo cönäätaacä, tadaada töwääta naichö wa’cä, wänä dödaawä cawaayu wwä tadaada ijiiñadö töwääta naichö wa’cä mmaja.