EUJEESIYO 5:8 - Wanaadi A'deddu

⁸ Jenaadä änwanno mä’ja’quene tööjano’taca; eduuwa mmaane tawaanato aca maato Cajiichaana jadä aweichöcoomo jäcäinchädä. Yääje yeijäcä tawaanato acancomo nönge deaane eichäcä.

EUJEESIYO 5:8 ပူးပေါင်းရင်းမြစ်များ

MATEO 3:8

Aweichöcoomo sha’duminchatääcä, tötö’tajäätödööcomo yeesa’dumincha’como weichö nöngeene.

MATEO 4:16

ñanno tööjano’taca cönä’ja’todö, tawaanato joojato neneeaato’de. Ñanno töwä’ja’aamo jäcäiñe nawaana’de; quee Isaía cömmennäi.

DUUCA 1:79

Yää na’de ñanno tööjano’taca naatoodö weiyuuducoomoje, ñanno töwä’ja’aamo; täncanoode’da weiñä ai cä’se’täneichomooje mmaja yää na’dede; quee cönä’döaacä Saacadía.

DUUCA 16:8

Yaawä chäädhajä aashicha cöna’deuwöi ñäädä tanoonö chäänöngemjönö jäcä, tösejjeque tödööjätö’jödö weijäcä chäwwä. Edä nono de’woncomo tösejjeque jeene naato töjimmotoncomo tödöödö jäcä, tawaanato awoncomo e’jodheiñe’cä.

JUAN 1:9

Ñäädä weiyu neene, tameedä soto yeijoneichomo, edä nono de’wä wä’dönääje cönä’jaacä.

JUAN 12:35

Jesuuquidiito cönä’döaacä chäwwäiñe: —Numa’da mma ajaadäiñe weiyu weichojo na eduuwa. Äämannä’täcä weiyu ajaadäiñe naadawäädä, ätööjanto’no. Ñäädä tööjano’tacaano wäämannäjöödö towaanäcä’da naadema.

JUAN 12:36

Weiyu ecaanö’täcä ajaadäiñe naadawäädä, tawaanato awoncomooje meichäiye; quee cönä’döaacä Jesuuquidiito. Yääje töwa’deuwö’jeje Jesuuquidiito cöntämä yäätonno, etoone’tädööcomooje mma.

JUAN 12:46

Öwö edä nonoodö de’cäi we’ne weiyuuje, tööjano’taca’da yeecanö’nei yeichö wetä.

JUAN 8:12

Yää ’jeje Jesuuquidiito cöna’deuwöi chea soto wwäiñe; cönä’döaacä: —Öwö ñäädä weiyu, sotoocomo yeijonei. Ñäädä jaadono wötäädö tööjano’taca ei’cha na’de; chäwwä töweiye na’de weichojo weiyu; quee cönä’döaacä.

DOSECHO 17:30

Jenaadä töshinchääne Wanaadi tönshinchä cönä’jaacä towaanojo’ne’da soto weichöcoomo. Eduuwa mmaane töwö nanonta tameedä soto weichöcoomo wa’cä tötö’tajäätödööcomo sha’duminchadö jäcä.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

DOMAANO 1:21

Tönwanno Wanaadi towaanäcäiñe yeichaame aashicha ännö’da naato, Wanaadi tödöödö töweiye naichöje. Töjääcäiñe iiñödö änwa’demeecö’da mmaja naato dea. Tösaadijange mma cönsadiijamöicho töwäädämmato jäcä; chö’tajäätödööcomo chäänöngemjönö cöntööjamöi yaawä.

DOMAANO 13:12

Coijaicho ejä’dä’jai nä’döi eduuwa, awaanajai nä’döi. Yääje yeijäcä yää tööjano’taca tödööemö e’nomjajai caato eduuwa; cöwoowontoto’como cöödötäiye, suddau tawaanato aca töweewänä’täämö töweiye naichöje.

DOMAANO 2:19

Amäädä tänuuquemjöncomo adääneichömooje äwääcamjödö, tööjano’tacancomo iweijoneichomooje mmaja.

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

2 CODINTIYO 3:18

Yääje yeijäcä cönwanno jecuude nönge caato, Cajiichaana Jesuuquidiito weichö queenejaato, töje’duque’daiñe cöweichomjäcä. Quidiito nönge mmaja cä’döaato dea, aashicha cöweichöcoomo jonno aashicha’cä jeene cöweicho’como aca tödööene. Cajiichaana woije dea mädääje caato, ñäädä Epíiditu Santoje naadö dea.

2 CODINTIYO 4:6

Ñäädä Wanaadi, tawaanato que tööjato yeijonei’jödö, ñaa tö’tajäätödö cönweijoi chea, yää inweijodö que aashicha Wanaadi weichö ñaa owaanäcä yä’dödö wetä, yää Jesuuquidiito jedö jäcä naadö.

2 CODINTIYO 6:14

Ääweichacoonoje meichäi’che quedeiyentejöncomo jadäiñe; äänönge’da ñanno jadäiñe oojodööjai maato. ¿Aaquene mmaja chäänöngato ääweichacoonoje eichöde’ chäänöngemjönö jadä? ¿Aaquene tawaanato tööjato aca eichö deeade’ ?

CAADATA 5:25

Epíiditu Santo woije cöweichöcoomo töweiye na; yääje yeijäcä Epíiditu Santo ne’se’tädö woije deaane queicho’ñojo.

EUJEESIYO 2:2

tönnöe mä’ja’quennö. Yaawä edä nono de’wono woije tönnöe mä’ja’quene; odo’sha edhaajotoncomo woije töweiye mä’ja’quene, ñäädä jejeichä äiño wäämannäjöödö, Wanaadi woijemjöncomo ijäädu’täneichomo.

EUJEESIYO 4:18

Tönwanno chö’tajäätödööcomo tötööjannä’ca na. Töwäätuujacoone’da töweichöcoomo woije towaanojo’ne’da naato; yääje yeijäcä Wanaadi weichö ’je’da naato.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

EUJEESIYO 6:12

Cönwanno quewäänä’taato soto jadäiñe’da, äänejöncomo jadäiñeene, ñanno caju ñancomo odo’shancomo, ñanno jäduuja’como, edä nono tööjato edhaamo.

CODOOSENSE 1:12

Mädääje eijai maato aashicha awa’deuwancädäiñe Cumöötoncomo wwä, ñäädä tösootoi wwä tu’emö eiñamooje cödööneichomo’jödö, tawaanato aca cödööneichomo’jödö mmaja.

CODOOSENSE 1:13

Töwö Wanaadi cäwaanacaatäne tööjato jäduudu jonno; töwö cödöötäne yaawä Tönnedö tumjummadö sotoije.

TIITO 3:3

Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

1 JUAN 1:7

Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.