EUJEESIYO 5:6 - Wanaadi A'deddu

⁶ Anejja mma adhencu’tätäi’che töwäätunnäi iiña mmädooto que; tameedä mädä wime’cu’täichö jo’tädööje Wanaadi woijemjöncomo nätä’maminchajaato’de chäwwä.

EUJEESIYO 5:6 ပူးပေါင်းရင်းမြစ်များ

MATEO 24:24

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno jooje ene’ju’tojo nödööaato’de, jooje täneemö mmaja, Wanaadi sotoi jadä’jödöödä encu’täto’comoojatö’jödö.

MATEO 24:4

Jesuuquidiito cönä’döaacä chäwwäiñe: —Odhoowoinchadäiñe’da eichäcä, anejja wwä mätäncu’tojooto’no.

MAADOCO 13:22

joojeene yeiya’como äwaanacaaneija’como wätä’tädö, jooje mmaja Wanaadi wa’deuwödö ecammannamooja’como wätä’tädö. Tönwanno ene’ju’tojo nödööaato’de, täneemö mmaja, Wanaadi sotoi jadä’jödöödä encu’täto’comoojato’jödö.

MAADOCO 13:5

Jesuuquidiito cöneccujä’a’to; cönä’döaacä: —Odhoowoinchadäiñe’da eichäcä, anejja wwä mätäncu’tojooto’no.

DOMAANO 1:18

Töwö Wanaadi caju ñanno neneeja chäänöngemjöncomo jäcä cone’da töweichö, ñanno conemjöncomo, töcoone’nadiiyöcoomo que chäänöngato wätunnä etaatannä’cannamo.

CODOOSENSE 2:18

Wanaadi wwä adheejemaato’como que mätänwajiiñajootäi adhencu’tä’sa’como wwä. Ñanno adhencu’tä’sa’como o’jodhe chö’tajä’jönö wa’cä yäänejoodöcoomo; amoode ya’deme’nnamo mmaja tönwanno. Tönwanno na’deuwaato towaanojöncomo jäcä. Iiña mmädä adai’joto wa’cä nääcanö’aato, tötö’tajäätödööcomo woije mma.

CODOOSENSE 2:4

Mädääje wä’döa äwwäiñe anejja mma adhencu’toto’no aashichaato wa’cä ta’deddu que.

CODOOSENSE 2:8

Odhoowoinchadäiñe’da eichäcä; anejja wenta’mecöödö que mma ätö’tajäätödööcomo mänsadiijannä’cajootäi’che, ñanno soto wätunnäichomo que mma adhencu’tä’seiñe weneenetoodö. Quidiito woija’comoojönö ñanno, soto wätunnäichomo woija’como mma, edä nono de’wono tö’tajä’nä woija’como mmaja.

CODOOSENSE 3:6

Tameedä mädoocomo jo’tädööje Wanaadi woijemjöncomo nätä’maminchajaato’de chäwwä.

2 TEESADOONISENSE 2:3

Mätäncu’tojootäi’che; yää Cajiichaana we’tojo anooto eejö’da na’de Wanaadi jäcä soto wä’jädu’toto’como cu’nädö aca yä’dödö wa’cä. Yaawä ñäädä dhanwa, conemjönö tödöödö edhaajä, nääneja’de, ñäädä töwännanö’emööje töweiyemö.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.

EEWEDEO 3:19

Mädääje na; aneecamjö’da yei’jocoomo weijäcä aneejodö’da cöneiya’to yää wäädeetatoojo.

1 PEEDHODO 2:8

Edääje mmaja imennaajä nä’döa dea: Ñäädä dhanwa na’de soto weju’co’to’me; täju soto emajjoneichomo töweiye naichöje mmaja na’dede; quee. Ñanno aneecanö’jöncomo neju’cä’aato Wanaadi a’deddu ännö’da töweijäcäiñe. Yääje töweiyaamoje dea cönä’ja’to.

1 JUAN 4:1

Jimmä umjummadö, tameedä ecammajäätödö mmädä maneecanö’täi’che, ñanno Wanaadi woija’como wätä’tädö necammajäätödööcomo. Töneene’ju’eene eichäcä Wanaadi woijatooje yeichö, yoijatooje’da yeichö jeiñe mma. Jooje naato eduuwa edä nono de’wä ecammajä’nnamo chäänöngemjöncomo, Wanaadi woija’como wätä’tädö.