EUJEESIYO 5:32 - Wanaadi A'deddu

³² Sö’jato mädä, owaanojöönö’jödö mmaja. Mädä wecamma Quidiito jadä quedeiyentecoomo weichö ecammancädä.

EUJEESIYO 5:32 ပူးပေါင်းရင်းမြစ်များ

JUAN 3:29

Jötaanawä töweiye naichö naane’, ñäädä töjöötaamööne wodi yö’tä nä’döa. Ñäädä töjöötaamö weichacoono töjöötaamö a’deddu niyoomo’ca; töwö na’cwaincha yaawä ya’deuwödö etaadö’jo. Mädääje wa öwö, ta’cwaiñe wa jooje.

2 CODINTIYO 11:2

Öwö Wanaadi nutuudu que mani’ñeimmaato. Quidiito wwä maneecammatääne chääjadoonoje aweichöcoomo wetä, tooniño dhanwa wwä ajei’choto’jaato ecammadö töweiye naichöje.

EUJEESIYO 5:31

Edääje Wanaadi a’deddu imennaajä nä’döa: “Yääje yeijäcä dhanwa tumö shancwajai ña, senö mmaja, töjiiñamo jadä töwä’dödö wetä. Yaawä aacä töweichaameiñe tooniño nönge naato’de;” quee nä’döa imennaajä.

EUJEESIYO 5:33

Yaawääne adheecammancädäiñe mmaja mädääje nä’döa dea. Änwanno tö’dha’como, awaadäiñe ajiiñanto’como ijummatääcä, äwä’jummadööcomo wa’cä dea; wodiiñamo mmaja töiñonootoncomo niñontä’ña’to.

EUJEESIYO 6:19

Öwö jääcä mmaja Wanaadi wwä adha’deutäcä’dede, soto wwäiñe wa’deuwödö waadäi wa’deutojo äntuiye yaawä, tösaade’da wecammajäätöiye yaawä aashichaato wätunnä owaanojöönö’jödö jäcä.

CODOOSENSE 2:2

Tötö’tajäätödööcomo jäcä yä’jädu’tä’seiñe wa, äänönge töwä’jummancädäiñe. Chäwwäiñe yeejamö’se wa ecamjödö chäänöngato, yää towaanojo’ne weiñawä töweiye naichö. Quidiito dhowaanäcäiñe yei’she wa dea, ñäädä Wanaadi woije jenaadä owaanäcä’da cönä’ja’dö.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

1 TIIMOTEO 3:8

Mädääje mmaja diyaacono eijai ñaato dea, tacu’shänäicheene; wanna dha’dedducoomo eijai’cha na. Wä’dau’nä yaacö’comje’da eijai ña; ane’cä’cä cana’cadö jäcä äätätäädä’da eijai ñaato dea.

APOOCADIISI 21:2

Öwö, Juan, weneeaqueene yää jata aashichaato wä’tädö caju ñanno, Wanaadi döiñanno, yää Jeduusadén ñano eduuwaato. Töweesomaajä’e cönä’jaacä, töiño eneeje wodi töwäätöiñonoomö töweesoma töweiye naichöje.