EUJEESIYO 5:3 - Wanaadi A'deddu

³ Eduuwa Wanaadi jadoncomooje aweichomjäcä masuuduichanä jäcä a’deujai’cha jadä’jödöödä maato, anejja chäänöngemjönö jäcä mmaja, ane’cä’cä ijummadö jäcä töwäätätäädä weiñä jäcä mmaja.

EUJEESIYO 5:3 ပူးပေါင်းရင်းမြစ်များ

MATEO 15:19

Soto tö’tajäätödö acaano weja’caajääne conemjönö weiyajä, yää cone’da tö’tajä’nä, soto emaadö mmaja, anejja jiñamo ajoojodö mmaja, masuuduichanä mmaja, wemeenönnä mmaja, jönaawä soto ementädö mmaja, wätunnä dha’me weiñä mmaja.

DUUCA 12:15

Edääje mmaja Jesuuquidiito cönä’döa’dea: —Odhoowadäädäiñe eichäcä. Äädai’chätääcä tönsomaaque töwei’she weiña jäcä. Töweichö eneetojoojönö yää tönsomaaque weiñä; quee cönä’döaacä.

DUUCA 16:14

Ñanno jaadiseeo, jödaata jummannamo, yääje yä’dödö cöneetajä’a’to; Jesuuquidiito cönenno’jä’a’to yaawä.

DOSECHO 15:20

Tömennä mmaane quiimennätäiye chäwwadäädäiñe chu’taajä namoi’chädö jäcä’da yeichöcoomo wetä, masuuduije’da yeichöcoomo wetä mmaja, awö’cajä, eta’jiiñä’caajä mmaja änäänä’da yeichöcoomo wetä mmaja, munu anaame’da yeichöcoomo wetä mmaja.

DOSECHO 20:33

Anejja jödaatai ani’ñeimma’da wä’jaaquene, yoomö jeiñe mma.

DOMAANO 1:29

Tönwanno chäänönge’da weneeneto, masuuduije mmaja, conemjönö tönnöe mmaja, anejja nödöödö töni’ñeimma mmaja. Tönwanno tö’neiñe weneeneto dea, soto töneema mmaja, töwäätäccujä’e mmaja, äncu’tätä mmaja, tumjunne’da mmaja, wätunnä dha’me mmaja.

DOMAANO 16:2

Cajiichaana Jesuuquidiito jäcäinchädä aashicha tödöötäcä’de, quedeiyente weichö nönge deaane. I’wa’tätääcä’de tameedä iiñödö jäcä. Quedeiyente i’wa’täneichomo töwö; öwö mmaja ö’wa’tätä weneene dea.

DOMAANO 6:13

Chäänöngemjönö tödönnamooje mma mä’tutäi’che conemjönö wwä. Wanaadi wwä mmaane ä’tutääcä, yä’ja’a’como waadonca’comoone aweiya’como. Wanaadi wwä adheejöcoomo u’täcä, aashichaato tödööneijeene meichäiye.

1 CODINTIYO 10:8

Masuuduije eijai’cha mmaja caato dea, ñanno dhantai cönä’ja’todööje. Yääje töweichöcoomo jo’tädööje cönä’jajoicho tooni sotooto de’wä aacä miide yää anooto awä dea.

1 CODINTIYO 5:1

Adheecadööcomo töweecata weneene conemjönö adhantawäiñe töweiye yeichö, Wanaadi dhowaanojöncomo jadä’jödöödä tödööjaichojöönö, yää senööjaaja dö’tä weiñä.

1 CODINTIYO 6:13

Chäänönge mmaja yääje töwä’döe weneeneto dea: “Äwanshi tödööajä na wääwashinchotoojoje; wenö tödööajä na äwanshi ewöötöje;” quee. Yääje yeichaame a’nädäncädä Wanaadi nacoichaja’de yää. Cäjööcomo mmaane Cajiichaana wwonooje tödööajä na, tömaasuduichaamöje’daane, chäädhajääne töwö yeiyajä.

1 CODINTIYO 6:18

Äänejeetäcä masuuduije weiñä jonno. Tameedä anejja conemjönö soto tönnöe weneenetoodö täjööcomo jäcoonojöönö; masuuduichanä mmaane äjö jäcoono.

2 CODINTIYO 12:21

Adöiñaiñe ööta’jäcä Wanaadi odhoowadäädäiñe cone’da yöödöjoojai chö’tadö na, aamojai tö’ta yaawä ñanno jenaadä conemjönö tödöödö jäcä cönaajäntoichodö jäcä, töcoone’nadiiyöcoomo ane’nomja’da yeichomjäcä, yää masuuduije yeichöcoomo.

EUJEESIYO 5:12

Yää tacaade’da tönnöe weneenetoodö jäcä wa’deunä’jödö jadäädä jöije na.

EUJEESIYO 5:5

Odhoowanääcäiñe na masuuduijato, conemjönö tödöönei mmaja, ane’cä’cä jäcä töwäätätäädooto mmaja, Quidiito jataacäi täjai’cha yeichö, Wanaadi jataacäi täjai’cha mmaja; yää ane’cä’cä ijummadö jäcä töwäätätäädä weiñä chu’taajä ijummadö wa’cä dea na.

JIDIIPENSE 1:27

Edääje mma eichäcä’de, Quidiito wätunnäi aashichaato necammadö woije mma. Yaawä adöiñaiñe ööta’jäcä, tä’da weiya’jäcä jeiñe mma, aashicha dea adheecadööcomo äätäiye’de öwwä, jäduujeedä aweichöcoomo, aata’deucone aweichöcoomo mmaja, aashichaato wätunnä ecamjödö jäcäinchädä tujuumä töweewänä’tä aweichöcoomo mmaja äätaiye’dede.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

1 TEESADOONISENSE 4:3

Wanaadi conemjönö ’je’da aweichonse na. Töwö nijumma masuuduichanä e’nomjadö äwwäiñe.

1 TEESADOONISENSE 4:7

Wanaadi ca’dejjatääne aashicha tödönnamooje, conemjönö tödönnamooje’daane.

1 TIIMOTEO 2:10

Aashichaato tödöödö queene ennataamajai ñaato, Wanaadi wwä yä’tua’como töweiye naichodööjeene.

1 TIIMOTEO 3:3

Wä’dau’nä yaacö’je’da eijai ña töwö ansiyaano; ewoodoicha’da mmaja eijai ña dea, ta’cwaiñeene eijai ña. Ätäccujäätö’da mmaja eijai ña dea, jödaata jäcä äätätäädä’da mmaja.

1 TIIMOTEO 6:10

Jödaata ijummadö tameedä conemjönö ju’jäje na. Yää jäcä töwäätätäädä töweichöcoomo woije anejjacoomo tösaadijange naato ecamjödö jonno; yää e’nei jooje conemjönö töneene weneeneto.

2 TIIMOTEO 3:2

Yaawä soto naato’de töwwäädä mma yä’jummadööcomo, jödaata jäcä töwäätätäädä mmaja, o’jodhe tötö’tajä’e mmaja, töwäätuujacoone’da mmaja. Tönwanno cone’da na’deuwaato’de Wanaadi jäcä; tumö a’deddu aneeta’da naato’de, senö a’deddu aneeta’da mmaja. Tö’wa’tä’jödö änwa’demeecö’da mmaja naato’dede, Wanaadi onnontä’da mmaja.

TIITO 1:11

Töjo’que’nojomje naato ñanno. Tönwanno jooje soto nishaadijannä’caato, yä’jimmä’tädööcomo jadä’jödöödä, täcammajä’emjönö que owaanomancädäiñe, jödaata chaana’cadö wetä töwäätäncu’tädööcomo que.

TIITO 1:7

Conemjönö chääcadööjönö ansiyaano eijai ña, Wanaadi tadaawaajui tödööneije yeijäcä. O’jodhe chö’tajä’jai’cha na töwö, äätömaacoije eijai’cha mmaja. Ä’dacu’da eijai ña töwö, ataiju’jätö’da mmaja. Soto ennanö’cadö que jödaata chaana’cadö ijummajai’cha na töwö.

TIITO 2:3

Chäänönge mmaja ñanno no’sancomo, nontätä mmaja eijai ñaato dea, wätunnä dha’me’da mmaja, ä’dacu’da mmaja. Aashicha weiñä jäcä owaanomannamooje eijai ñaato,

EEWEDEO 12:16

Anejja mma adhantawäiñe imaasuduichai’che, Wanaadi onnontä’da mma ei’che, Esaú cönä’ja’döje. Töwö Esaú täwanshiñö jäcäinchädä mmädä tacoono wwä cöneecammai yää aashichaato töwwä töweiyemööjato’jödö. Yää aashichaato cönä’jaacä awa’deeto dhanwa wennuaajä wwä töweiyemö.

1 PEEDHODO 5:2

Edääje wä’dö’se wa äwwäiñe: Edai’chätääcä Wanaadi sotoi, äwwäiñe ñeedai’chojoodö, oweeja edai’chänei täcöönö töneedai’chä töweiye naichöje. Owoijeiñe’da’da edai’chätääcä, owoijeiñeene, Wanaadi nijummadö woije; ane’cä’cä cana’cadö wetä’da mmaja, tödö’se aweichöcoomo que mmädääne.

2 PEEDHODO 2:10

Jooje’cä jeene Wanaadi nimaaminchaato’de ñanno conemjönö tumjummadööcomo woija’como, ñanno Cajiichaana chiiñeme’nnamo. Tösaademjöncomo tönwanno, jäduuja’como mmaja. Tönoiña’como jäcä cone’da töwa’deuwödööcomo onnontä’da tönwanno.

2 PEEDHODO 2:14

Conemjönö jäcä chö’tajäätö’da töweiyancädäiñe wodi wwadäädä eneejai’cha naato; conemjönö tödöödö que chaaquejö’da mmaja weneeneto dea. Tönwanno tönencu’täiñe jäduujemjöncomo. Töwäämu’ca naato conemjönö ijummadööje. Tönwanno töwännanö’e naato.

2 PEEDHODO 2:3

Ñanno owaanomannamo chäänöngemjöncomo onsomaadöcoomo jäcäinchädä adhencu’taato’de ta’dedducoomo yääjönö wa’coto que. Jenaado’jä’jödöödä yäätä’maminchajooto’como täcamma na. Töwännanö’to’como aneemaicha’da naato’de.

APOOCADIISI 2:14

Yääje yeichaame cone’daiche wa äjääcä. Iiña Peecamo ña töweiye na adhantawäiñe Wadan nowaanoma’jödö ecaanö’nnamo. Töwö Wadan Wadaaca tönoowanooma cönä’jaacä iisadaaediitacoomo shaadijannä’cadööcomo jäcä, chu’taajä wwä saaquidiijiisiyooje u’ajä tänäädö wetä yaawä chäwwäiñe, masuuduije yeichöcoomo wetä mmaja.

APOOCADIISI 2:21

Öwö a’que wiyoomo’ne tötö’tajäätödö sha’duminchadö chäwwä; töweesa’dumincha’se’daane töwö, tömaasuduichadö e’nomja’se’da mmaja.

APOOCADIISI 21:8

Ñanno tösaada’como mmaane, aneecanö’jöncomo mmaja, conemjöncomo mmaja, soto emannamo mmaja, masuuduija’como mmaja, jöwaiñamo mmaja, chu’taajä ya’deme’nnamo mmaja, tameedä töwä’duna’como mmaja, jiyooto comootödö ña yeicho’como na’de. Iiña wedeinchä jodö nengaato’de, acuudajaada dhatu’jödö jodö joqque. Yää jiyooto comootödö ña wötäänä yää, yää ’jejaato wäämatoojo; quee cönä’döaacä öwwä.

APOOCADIISI 22:15

Aneecanö’jöncomo mmaane jödo’na naato’de, jöwaiñamo mmaja, masuuduija’como mmaja, soto emannamo mmaja, chu’taajä ya’deme’nnamo mmaja, tameedä äncu’tännamo mmaja.

APOOCADIISI 9:21

Tötö’tajäätödööcomo änsa’dumincha’da cöneiya’to dea soto töneema töweichöcoomo jonno, tö’waichöcoomo jonno mmaja, tömaasuduichadööcomo jonno mmaja, tämeene töweichöcoomo jonno mmaja.