EUJEESIYO 5:28 - Wanaadi A'deddu

²⁸ Mädääje mmaja tö’dhato töjiiñamo ijummajai ña dea, töwä’jummadö nönge dea. Ñäädä töjiiñamo ijummanei töwwäädä nä’jumma.

EUJEESIYO 5:28 ပူးပေါင်းရင်းမြစ်များ

MATEO 19:5

Edääje mmaja nä’döa dea Wanaadi a’deddu: “Yääje yeijäcä dhanwa tumö shancwajai ña, senö mmaja, töjiiñamo jadä töwä’dödö wetä. Yaawä aacä töweichaameiñe tooniño nönge naato’de;” quee nä’döa Wanaadi a’deddu imennaajä.

EUJEESIYO 5:25

Ñäädä tö’dhato töjiiñamo ijummajai ña, Quidiito quedeiyentecoomo cumjummaichodööje mmaja, chääjäcäinchädäiñe töwä’tudu jonaane.

EUJEESIYO 5:29

Töwwäädä ä’quiiñemeecö’da weiñä nai; töwä’jumma’cä mmaane nä’jumma, töwäädai’chä dea. Mädääje mmaja Quidiito quedeiyentecoomo tönnöeiñe weneeneto,

EUJEESIYO 5:31

Edääje Wanaadi a’deddu imennaajä nä’döa: “Yääje yeijäcä dhanwa tumö shancwajai ña, senö mmaja, töjiiñamo jadä töwä’dödö wetä. Yaawä aacä töweichaameiñe tooniño nönge naato’de;” quee nä’döa imennaajä.

EUJEESIYO 5:33

Yaawääne adheecammancädäiñe mmaja mädääje nä’döa dea. Änwanno tö’dha’como, awaadäiñe ajiiñanto’como ijummatääcä, äwä’jummadööcomo wa’cä dea; wodiiñamo mmaja töiñonootoncomo niñontä’ña’to.

1 PEEDHODO 3:7

Yääje mmaja änwanno tö’dha’como, aneene’jutu’da’daane eichäcä ajiiñantoncomo tödöödö jäcä. Aashicha ajiiñantoncomo tödöötäcä, odho’näiche töwö ijäädudu weijäcä, a’nädäncädä Wanaadi nutuudu aweichöcoomo äwwäiñe yeijäcä mmaja. Mädääje aweiya’comjäcä Wanaadi wwä awa’deuwödööcomo emu’dänei ’je’da eijai ña.