EUJEESIYO 5:27 - Wanaadi A'deddu

²⁷ Yaawä töwö Quidiito towaadäädä quedeiyentecoomo nödööaato’de aashicha yeichöcoomo ’je, conemjönö ’je’da mmaja, chäänöngemjönö ’je’da mmaja, tameedä yää nöngato ’je’da mmaja, tösoomaiñeene, chäänöngeiñe mmaja.

EUJEESIYO 5:27 ပူးပေါင်းရင်းမြစ်များ

2 CODINTIYO 11:2

Öwö Wanaadi nutuudu que mani’ñeimmaato. Quidiito wwä maneecammatääne chääjadoonoje aweichöcoomo wetä, tooniño dhanwa wwä ajei’choto’jaato ecammadö töweiye naichöje.

2 CODINTIYO 4:14

Ñaa owaanäcä na ñäädä yäämaajo jonno Cajiichaana Jesuuquidiito adoncanei’jödö wwä ñaa adoncatoojo mmaja Jesuuquidiito jadä; yaawä ajaadäiñe töwö Wanaadi Jesuuquidiito weichojo dö’tä ñaa adääa’de.

EUJEESIYO 1:4

Quidiito jäcäinchädä mmaja Wanaadi cä’tätääne edä nono wamoodetaadö owaajodä, tösooma chämjataawä cöweichöcoomo wetä, conemjönö ’je’da cöweichöcoomo wetä mmaja.

CODOOSENSE 1:22

Quidiito wäämadö que, yaawä sotooje cönä’ja’dawä cönäämaichö. Töwö Wanaadi mädääje ayöödötääne töwwonooje aweichöcoomo wetä, tösoomaiñe, conemjönö ’je’da mmaja, täcammajä’aamoje’da mmaja.

CODOOSENSE 1:28

Näädä Quidiito töneecammajä’e ñaa weneene. Tameedä soto töwätuujaiñe ñaa weneene dea, tönoowanoomaiñe mmaja, chäänönge chäwwäiñe etaadö wetä, tameedä chäänönge yeichöcoomo wetä mmaja Quidiito jadä.

1 TEESADOONISENSE 5:23

Wanaadi, ñäädä täncanoode’da weichojo edhaajä, chäänönge jeene ocoonecaato. Töwö dea yä’jödöödä adheedai’chaato conemjönö ’je’da aweichöcoomo wetä odo’tadööcomo jäcä, ätö’tajäätödööcomo jäcä mmaja, adheejöcoomo jäcä mmaja, Cädhaajotoncomo Jesuuquidiito weejödö jonaane.

EEWEDEO 9:14

Dha’daane Quidiito aquiiyö, jäduuje’cä jeene yää; cötö’tajäätödööcomo jaiñoone choccajai ña, wäämatoojo ännö’da cöweichöcoomo wetä, Wanaadi nudooto anoonöjeene cöweichöcoomo wetä. Töwö Quidiito yeichöödoto Epíiditu Santo woije Wanaadi wwä cönä’tui saaquidiijiisiyo chäänöngatooje.

1 PEEDHODO 1:19

Quidiito aquiiyö aashichaato queene töwääwanaaca maato, oweeja nnedö’cä aashichaato yäätunui’chä’jödö ’jemjönö aquiiyö töweiye naichöjaato que.

2 PEEDHODO 3:14

Yääje yeijäcä jimmä umjummadö, yää tönwomo’que aweichomjäcä, täncanoode’da owoojodööjoto’como encano’tätääcä, conemjönö ’je’da mmaja, töjöiye’da mmaja.

JUUDHA 1:21

Wanaadi nijummadööje eichäcä. Töwäämaamöje’da cöweicho’como utuutojo anootoi’chädö yoomo’täcä, yää wentumje äneetä töweichö woije Jesuuquidiito cöwwäiñe nu’a’dedö.

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.

APOOCADIISI 14:4

Ñanno naato masuuduijemjöncomo’jödö, wodi jadä eijöncomo’jödö. Tönwanno nötaato Oweeja nnedö’cä jadä, iichotoojo waadäi. Yääwanaaca’como tönwanno soto antawonnoiñe, awa’deena’como Wanaadi sotoije eiya’como, Oweeja nnedö’cä sotoije eiya’como mmaja.