EUJEESIYO 5:2 - Wanaadi A'deddu

² Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

EUJEESIYO 5:2 ပူးပေါင်းရင်းမြစ်များ

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

JUAN 13:34

Eduuwaato waanontänä wecamma äwwäiñe: Ä’jummatääcä; änwanno mämjummaatoodöje mmaja ajimmotoncomo ijummajai maato.

JUAN 6:51

Öwö ñäädä uu neene, caju ñano we’ajä. Ñäädä edä täu’nei yeichöje töweiye na’de. Öwö yeejö wu’a’de tameedä soto weicho’comooje; quee cönä’döaacä Jesuuquidiito chäwwäiñe.

DOMAANO 15:16

Töwö Wanaadi yöödöne Quidiito anoonöje, judhíojöncomo wwäiñe ecammajäätödö wetä Wanaadi wätunnäi, yää aashichaato wätunnä. Yää töneecammajä’e wäänene Wanaadi wwä judhíojöncomo utuudu wetä yaawä öwwä, saaquidiijiisiyo utuudu töweiye naichöje, Wanaadi wacö’je, Epíiditu Santo nishoomadööje mmaja.

DOMAANO 4:25

Ñäädä Jesuuquidiito cöcoone’nadiiyöcoomo jäcäinchädä cönä’tui töwäämadö que. Töwö töwäämaajo jonno cönaadoncai Wanaadi jadoonoje cöwä’döto’comooje.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

DOMAANO 8:37

Yääje yeichaame, töwäntunaanö’emööje cöweichaameiñe, to’jodheinchaane e’jodheinchajai caato ñäädä cujummaneichomo ni’wa’tädö que.

1 CODINTIYO 16:14

Tameedä ännödööcomo tödöötäcä äwä’jummancädäiñe.

1 CODINTIYO 5:7

Yää conemjönö ocoone’maato, jenaado’jä ummannä’cajootojo äwanshi töncone’ma töweiye naichöje mmaja. Yääje yeijäcä emaatäcä, yää ’je’daane meichäiye. Yaawä uu ummannä’cajootojo ’jemjönö töweiye naichöje eijai maato, yää Weja’dätä’jä anootoi’chädö äwä eduuwaato tödööajä täu’cwemööje weneenedö. Quidiito saaquidiijiisiyooje cönäämai cöjääcäinchädäiñe. Töwö yäämatoojo cu’tädööje Weja’dätä’jä anootoi’chädö awä oweeja nnedö’cä tönaamiiñä’ca cönä’ja’to.

2 CODINTIYO 2:14

Aashicha tä’tämje Wanaadi ña; töwö Jesuuquidiito ai ñaa e’se’tätä weneene, ñaa wwä e’jodheinchadö wetä. Ñaa ai töwö Wanaadi aashichaato wätunnä nemeecanta tameedä yeichö wa’cä, juu shimi’jotoojo jodö töweiye naichöje.

2 CODINTIYO 2:15

Wanaadi wwä Jesuuquidiito nutuudu juu shimi’jotoojo yau’cwaajä jodö töweiye naichöje ñaa na; yää näämecanta yääwanaaca’como antawäiñe, yännanö’a’como antawäiñe mmaja.

2 CODINTIYO 8:9

Odhoowanääcäiñe aashicha Cädhaajotoncomo Jesuuquidiito nödö’jödö. Tameedä töwwä yei’jödö weichaame töwö äjääcäinchädäiñe a’cato nönge cönä’döjoi, tameedä äwwäiñe töweiye yeichö wetä yaawä töwö a’cato nönge yä’döjo’jödö que.

CAADATA 1:4

Ñäädä Jesuuquidiito töwäämaamöje cönä’tui cöcoone’nadiiyöcoomo jäcäinchädä, cäwaanacaadöcoomo wetä edä conemjönö weiñä naadö acanno, Cumöötoncomo Wanaadi woije dea.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

EUJEESIYO 1:4

Quidiito jäcäinchädä mmaja Wanaadi cä’tätääne edä nono wamoodetaadö owaajodä, tösooma chämjataawä cöweichöcoomo wetä, conemjönö ’je’da cöweichöcoomo wetä mmaja.

EUJEESIYO 3:17

Yaawä ecamjödö jäcäinchädä Quidiito ätö’tajäätödööcomo aca eijai ña, jäduuje aweichöcoomo wetä yaawä wä’jummanä jäcä, dee tömiichato töweiye naichöje.

EUJEESIYO 3:19

Yääje yeijäcä odhoowanääcäiñe yei’she wa Quidiito cujummatäiñe yeichö, tameedä jeene cowaanäcäiñe tödööjai’cha cöweichaameiñe. Mädääje na; tameedä Wanaadi weichö ’je awei’sheiñe wa.

EUJEESIYO 4:15

Edääjeene eijai caato, chäänönge a’deujai caato cöwä’jummancädäiñe, Quidiito jadä cöwaatö’näjöödöcoomo wetä tameedä cöweichöcoomo jäcä. Töwö Quidiito cuju’jocoomoje na.

EUJEESIYO 4:2

O’jodhe chö’tajäätö’da eichäcä, soto jäcäiñe jäduuje’da mmaja; aashicha ä’shinchätääcä; ta’cwaiñe eichäcä ääjäcä, äwä’jummancädäiñe.

EUJEESIYO 5:15

Yääje yeijäcä odhoowadäädäiñe eichäcä aweichöcoomo jäcä; towaanojo’nemjöncomo nönge’da eichäcä, towaanojo’na’como nöngeene.

EUJEESIYO 5:25

Ñäädä tö’dhato töjiiñamo ijummajai ña, Quidiito quedeiyentecoomo cumjummaichodööje mmaja, chääjäcäinchädäiñe töwä’tudu jonaane.

JIDIIPENSE 4:18

Chääwa’cä öwwä na yää änne’jo’jocoomo, ye’jodhe deja. Tameedä öwwä tujunnato töweiye na Epaujodiito wwä mene’jotäänedö que. Yää na juu shimi’jotoojo yau’cwaajä jodö töweiye naichö wa’cä, caado, saaquidiijiisiyo Wanaadi wacöötö töweiye naichöje mmaja.

CODOOSENSE 3:14

Tameedä mädä de’wä mmaja jeene töwä’jummaane eichäcä. Yää wä’jummanä na tameedä chäänönge ejoodöjoojä’neije.

1 TEESADOONISENSE 4:9

Töweichacoono ijummadö jäcä mmaane äwwadäädäiñe tömennämje’da na; Wanaadi chea odhoowanoomatäiñe weneene äwä’jummadööcomo jäcä.

1 TIIMOTEO 2:6

Töwö Jesuuquidiito cönä’tui töwäämadö wetä, tameedä soto wääwanaacato’como ejeemadö wetä. Yää cönäätäcammai ecammatoojo cu’nädö awä.

1 TIIMOTEO 4:12

Anejja wwä mä’quimmajoi’che mude’cäje aweijäcä; quedeiyente neneedöcoomoje chäänönge eichä awa’deuwödö jäcä, aweichö jäcä mmaja, wä’jummanä jäcä mmaja, ätö’tajäätödö jäcä mmaja, ecamjödö jäcä mmaja, aashichaato tödöödö jäcä mmaja.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 8:3

Ñäädä Wanaadi wwono wa’deuwödö ewaacadö nai Wanaadi wwä u’ajä ecammaneije, saaquidiijiisiyo tödööneije mmaja. Yääje yeijäcä Jesuuquidiito wwä töweiye mmaja eijai ña dea tu’emö.

EEWEDEO 9:14

Dha’daane Quidiito aquiiyö, jäduuje’cä jeene yää; cötö’tajäätödööcomo jaiñoone choccajai ña, wäämatoojo ännö’da cöweichöcoomo wetä, Wanaadi nudooto anoonöjeene cöweichöcoomo wetä. Töwö Quidiito yeichöödoto Epíiditu Santo woije Wanaadi wwä cönä’tui saaquidiijiisiyo chäänöngatooje.

EEWEDEO 9:23

Mädääje na; jenaadä yää saaquidiijiisiyo tödööjätöödö tujunne cönä’jaacä yää caju ñano cu’taajä amoichatoojoje. Caju ñano neene mmaane saaquidiijiisiyo aashichaato que jeene tödööemje na.

EEWEDEO 9:26

Yääje ei’jo mmaane weiñäje Jesuuquidiito äämadö cöneiyacä edä nono tödö’jödö jonnoto’jödöödä. Dha’da cönäänejoichö naane’, tooniye mma eduuwa anooto ataamejai yä’döa’jäcä. Töwö cöneejä conemjönö choccadö wetä saaquidiijiisiyooje töwä’tudu que.

1 PEEDHODO 4:8

Mädä de’wä mmaja jeene adheewanööcomo jadäädä ä’jummatääcä, wä’jummanä jooje conemjönö töneetatannä’ca yeijäcä.

1 JUAN 3:16

Cöjääcäinchädäiñe Jesuuquidiito wääma’jödö que cönwanno coowanoomatääne wä’jummanä chäänöngato jäcä. Yääje mmaja cönwanno cöweichöcoomo u’jai caato cöjimmotoncomo jäcäinchädä.

1 JUAN 3:23

Wanaadi waanontä’jödö yää Iiñedö Jesuuquidiito ecamjödö, cöwä’jummadööcomo mmaja, töwö canonta’quennöje dea.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 5:9

Edääje cöneecanta’ña’to; eduuwaato wecanta’ñotoojo jäcä: Ñäädä mma amäädä aashichaato, jajeeda eijaicho, ajoijo’jödö ajämjacaajaicho mmaja. Mädä tödööjai ma äwääma’jödö weijäcä, adhaaquiyö que Wanaadi sotoije ñaa ejeema’jödö weijäcä mmaja, tameedä soto weichöcoomo wa’cä, tameedä aata’deucwemjöncomo’jödö, tameedä jata weichö waadoinchomo’jödö, tameedä nono weichö de’woncomo’jödö.