EUJEESIYO 5:12 - Wanaadi A'deddu

¹² Yää tacaade’da tönnöe weneenetoodö jäcä wa’deunä’jödö jadäädä jöije na.

EUJEESIYO 5:12 ပူးပေါင်းရင်းမြစ်များ

DOMAANO 2:16

Yää anooto awä töwö Wanaadi Jesuuquidiito wwä nemmencaja’de tameedä tacaademjönö soto nödöödöcoomo. Mädääje na; mädääje dea aashichaato wätunnä töneecammajä’e wäänene.

EUJEESIYO 5:11

Tööjano’tacancomo nödöödö mma männötäi’che änwanno, yää döneijönö; täcaademe’jo mmaane ecaademe’jotääcä.

EUJEESIYO 5:13

Tawaanato necaademeecödö tacaade nä’döa yaawä, yää tawaanato tameedä tacaade tödööjoneiñe yeiyajä.

EUJEESIYO 5:3

Eduuwa Wanaadi jadoncomooje aweichomjäcä masuuduichanä jäcä a’deujai’cha jadä’jödöödä maato, anejja chäänöngemjönö jäcä mmaja, ane’cä’cä ijummadö jäcä töwäätätäädä weiñä jäcä mmaja.

1 PEEDHODO 4:3

Chääwa’cä na yää jenaadä awei’jocoomo, Wanaadi dhowaanojöncomo wacöötö tönnöe mä’ja’quennö, yää masuuduichanä, tujummamjönö ijummadö mmaja, wä’dau’nä mmaja, wänwanä mmaja, wewoodoichanä mmaja, waanontänä wä’dödö nönge’da chu’taajä ijummadö mmaja.

APOOCADIISI 20:12

Weneeaquento yaawä tameedä yä’ja’a’como, ñanno täneejuca’como’jödö, soto mmädä mmaja; jiidi cönä’ja’to Wanaadi mudei je’taca. Jajeeda cönaata’ducaajätöi yaawä. Anejja jajeeda mmaja cönaata’ducai chea, yää weichojo jajeedai’chädö. Yä’ja’a’como cönä’mencajoicho yaawä, jajeedä jäcä iiñö’jocoomo imennaajä woije.